Fréttir

Sveitarfélagið Skagafjörður boðaði til íbúafundar sl. fimmtudag í Menningarhúsinu Miðgarði í Varmahlíð þar sem kynntir voru styrkir og framtíðarlagnir ljósleiðara í dreifbýli héraðsins. Haraldur Benediktsson, alþingismaður og formaður stjórnar Fjarskiptasjóðs mætti á fundinn ásamt um 60 gestum sem kynntu sér hvernig verkefnið stendur og hvert það stefnir.

Krækjur tryggðu sér deildarmeistaratitil í blaki í 5. deild en mótið fór fram í Ásgarði í Garðabæ um helgina. Allir leikir helgarinnar unnust hjá Krækjunum og enduðu þær með 41 heildarstig af 42 mögulegum í vetur og leika því í 4. deild á næsta tíabili.

Annar leikur Keflavíkur og Tindastóls fór fram í Sláturhúsinu suður með sjó í kvöld og var um hörkuleik að ræða. Heimamenn náðu yfirhöndinni í öðrum leikhluta en Stólarnir gáfust ekki upp og náðu að minnka muninn í tvö stig þegar 40 sekúndur voru eftir. Það dugði hins vegar ekki til því Keflvíkingar kláruðu leikinn af vítalínunni og sigruðu 86-80. Þeir leiða því einvígið 2-0 og geta því skóflað Stólunum í sumarfrí nú á miðvikudaginn þegar liðin mætast þriðja sinni og að þessu sinni í Síkinu. Látum þá ekki komast upp með það!

Íslandsmóti iðn- og verkgreina lauk í gær með verðlaunaafhendingu en keppnin var haldin í Laugardalshöllinni dagana 16.-18. mars sl. eftir því sem Feykir kemst næst náðu tveir Skagfirðingar gullverðlaunum og einn til viðbótar komst í undanúrslit í Norrænu nemakeppninni sem fram fer í september í Hörpu.

„Brennivín er besti matur“, sagði Haraldur frá Kambi eitt sinn og hefur sjálfsagt verið að spá í eitthvað annað en næringargildið því það er af skornum skammti í íslenska brennivíninu eða Svartadauðanum eins og það er stundum kallað. Að vísu gefur það 233 kílókaloríur á 100 grömmin þar sem þau innihalda 33,4 gr. alkóhól, (hvert gramm af alkóhóli gefur 7 hitaeiningar). Önnur efni eru ekki til staðar ef frá er talið vatn, sink og kopar.

Hvað á ég nú að gera með þetta?, var mín fyrsta hugsun þegar ég sá póstinn frá honum Palla. En kæru lesendur Feykis, þið verðið bara að taka viljann fyrir verkið. Æfi mín byrjaði austur á Reyðarfirði en þar sleit ég barnsskónum og nú er ég hérna á draumastaðnum Laugarbakka í Miðfirði, með viðkomu í Hafnarfirði en þangað fór ég með mínum elskulega eiginmanni 16 ára. Þaðan lá leið okkar aftur austur og svo til Vestmanneyja og þar eignuðumst við okkar elskulegu syni. Gerðumst svo flóttafólk, áttum heima þar þegar tók að gjósa.

Matgæðingurinn Elínborg frá Hóli átti uppskriftir í 11. tölublaði Feykis árið 2015 „Þessar uppskriftir urðu fyrir valinu hjá mér. Báðar eru í uppáhaldi og mikið notaðar, sérstaklega pottrétturinn. Í honum er magnið af hverju hráefni alls ekki heilagt, heldur er um að gera að breyta og bæta eftir því sem smekkur manna býður,“ segir Elínborg Ásgeirsdóttir á Hóli í Skagafirði.

Kókosbolludraum hafa eflaust allir smakkað og ég held ég geti fullyrt að ég hafi aldrei fengið vondan kókosbolludraum og því mæli ég með að henda í einn svona ef þú veist að þú átt von á gestum. Þessi uppskrift hefur verið notuð við allskonar tilefni í minni fjölskyldu og var í mjög mörg ár eftirrétturinn á jólunum.

Hjá lögreglunni á Sauðárkróki er iPhone sími sem saknar eiganda síns. Ef einhver kannast við gripinn getur hann vitjað hans á lögreglustöðinni.

Héraðsþing USVH var haldið í Félagsheimilinu Víðihlíð miðvikudaginn 15. mars og sá ungmennafélagið Víðir um utanumhald þingsins að þessu sinni.