Fréttir

Óskar Pétursson, Eyþór Ingi Jónsson og Hjalti Jónsson halda Óskalagatónleika á Akureyri um páskana. Á tónleikunum geta gestir kallað upp sitt óskalag og fengið það flutt. Tónleikarnir fara fram í Akureyrarkirkju laugardaginn 26. mars kl. 20.00.

Kvennatölt Norðurlands fer fram 24. mars, skírdag, og hefst klukkan 18:00 í Reiðhöllinni Svaðastöðum við Sauðárkrók.

Sauðárkrókskirkja býður til árlegra tónleika að kvöldi skírsdags, kl. 20. Þar mun Hrafnhildur Ýr Víglundsdóttir syngja ljúf lög úr ýmsum áttum.

Skíðagöngumót í Fljótum, sem haldið var í fyrsta sinn á skírdag 2014, undir yfirskriftinni Fljótamót, er nú orðið að árvissum viðburði. Er það þegar orðið næststærsta skíðagöngumót landsins, og aðeins hin rótgróna Fossavatnsganga á Ísafirði sem dregur til sín fleiri keppendur, að því er haft var eftir Birni Z. Ásgrímssyni, einum af forsvarsmönnum mótsins, í Morgunblaðinu í gær.

Mikil eftirvænting ríkir fyrir frumsýningu söngleiksins Súperstar, í uppfærslu Umf. Grettis og Kormáks, sem fer fram í Félagsheimilinu á Hvammstanga á morgun, miðvikudaginn 23. mars. Er þetta langstærsta sýningin sem sett hefur verið á svið á Hvammstanga fram til þessa.

Þriðja mót vetrarins í mótaröð Neista var haldið í Reiðhöllinni Arnargerði fimmtudagskvöldið 17. mars síðastliðin. Keppt var í fjórgangi. Samkvæmt vef Hestamannafélagsins Neista urðu úrslit þessi:

Ferðamáladeild Háskólans á Hólum hefur gefið út nýja bók um stjórnun og rekstur í ferðaþjónustu, sem ber heitið Stjórnun og rekstur í ferðaþjónustu-afþreying á sjó og vatni. Bókin er rituð fyrir stjórnendur, starfsmenn og nemendur í greininni.

Seinnipartinn á laugardaginn var Björgunarsveitin Húnar kölluð út vegna manns sem hafði slasast í fjörunni við Skarð á Vatnsnesi. Var hann á göngu þegar hann féll um 3-4 metra niður í fjöruna.

Matvælastofnun hefur sent frá sér fréttatilkynningu vegna frétta í fjölmiðlum um dráp á kú á Norðvesturlandi um mitt síðastliðið ár. Í Fréttatímanum var greint frá því að bóndi á Norðurlandi hafi verið ákærður fyrir dýraníð í fyrrasumar eftir að hann „brá reipi um hálsinn á ungri kvígu og festi það aftan í jeppabifreið og dró hana liggjandi á eftir bílnum, þannig að hún drapst,“ eins og segir í frétt Fréttatímans.

Deildarfundur Austur- og Vestur-Húnaþingsdeilda Auðhumlu skorar á stjórn Auðhumlu að standa við gefin loforð um að greiða fullt afurðastöðvarverð fyrir alla mjólk út árið 2016 eins og búið er að gefa út. Austur- og Vestur-Húnaþingsdeildar Auðhumlu samþykkti ályktun þess efnis á deildarfundi sem haldinn var á Gauksmýri þann 17. mars síðastliðinn. Húni.is greinir frá.