Fréttir

Í fundargerð Umhverfis- og samgöngunefndar Svf. Skagafjarðar frá því í dag, 29. janúar, kemur fram að tilboð í skjólgarð við smábátahöfn á Sauðárkróki voru opnuð þann 12. janúar sl., á sameiginlegum símafundi í Ráðhúsinu á Sauðárkróki og Siglingasviði Vegagerðarinnar í Reykjavík. Alls bárust þrjú tilboð í verkið og voru þau svohljóðandi;

Á fundi Umhverfis- og samgöngunefndar Sveitarfélagsins Skagafjarðar í dag var lagt fram bréf frá Björgvin Guðmundssyni, dagsett 20. maí 2015, þar sem hann leggur til að Landbúnaðarnefnd beiti sér fyrir því að mokað verði ofan í skurði í svonefndum flóa norðan við Hofsós, til að endurheimta votlendi og byggja upp fuglalíf.

Samtök sveitarfélaga á Norðurlandi vestra (SSNV) mótmæla þeim hugmyndum sem koma fram í þingskjali nr. 290, um breytingar á tekjustofnum sveitarfélaga, þar sem gert er ráð fyrir að auknum tekjum Jöfnunarsjóðs vegna hlutdeildar í sérstökum skatti á fjármálafyrirtæki verði ráðstafað árlega í samræmi við álagt heildarútsvar ársins 2013. Þetta kemur fram í fundargerð SSNV frá 12. janúar sl.

Byggðarráð Sveitarfélagsins Skagafjarðar hefur samþykkt að skólahúsnæðið við Freyjugötu á Sauðárkróki verði auglýst til sölu, þ.e. gamli barnaskólinn. Þetta kemur fram í fundargerð Byggðarráðs frá því í gær.

Í gær var skrifað undir samning um sjúkraflutninga á starfssvæði Heilbrigðisstofnunar Norðurlands í Skagafirði. Heildarupphæð samningsins er 30.000.000 á ári og tekur hann tillit til alls kostnaðar við mannahald, þjálfun og menntun ásamt eftirliti með búnaði greiningasveitar. Samkvæmt fréttatilkynningu gildir samningurinn til 5 ára og nær til allra sjúkraflutninga í Skagafirði utan Fljóta sem njóta þjónustu frá Fjallabyggð.

Íbúum í Sveitarfélaginu Skagafirði og Akrahreppi er boðið til opins íbúafundar á Kaffi Krók Sauðárkróki á morgun, laugardaginn 30. janúar, til að ræða samfélagsleg áhrif virkjanakosta í Skagafirði. Til fundarins boðar faghópur 3, sem meta á samfélagsleg áhrif virkjanakosta í þriðja áfanga verndar- og orkunýtingaráætlunar, í samvinnu við við Félagsvísindastofnun Háskóla Íslands.

Skotta Film stefnir á að framleiða tvo sjónvarpsþætti um flóttamanna aðstoð Íslands. Annars vegar um ástandið hjá flóttamönnum frá Sýrlandi sem staddir eru í Líbanon og hins vegar um þær fjölskyldur sem komu til Íslands á dögunum og aðlögun þeirra, með sérstaka áherslu á fjölskyldurnar sem setjast að á Akureyri. Árni Gunnarsson kvikmyndargerðamaður ferðaðist til Beirút í Líbanon dagana 12.-19. janúar sl., ásamt Önnu Sæunni Ólafsdóttur kvikmyndagerðarkonu, til að kynna sér aðstæður þar ytra og fylgja flóttamönnunum heimleiðis.

Nafn: Álfheiður Ástvaldsdóttir. Árgangur: 70 árgangurinn, mikill fyrirmyndarárgangur! Fjölskylduhagir: Er gift Halldóri Birni Halldórssyni og á með honum strákana Dag sem er 15 ára og Egil sem er 10 ára. Búseta: Hef búið í Stokkhólmi meira og minna síðastliðin 13 ár. Hver er elsta minningin sem þú átt? Að standa niðri í fjöru með ömmu Öllu, neðan við Björkina, og láta sjóinn flæða að stígvélunum.

Hinn magnaði listamaður, David Bowie, lést 10. janúar og hafði aðeins örfáum dögum áður sent frá sér sína nýjustu sólóplötu, Black Star. Bowie naut gríðarlegrar virðingar í tónlistarheiminum, var oft líkt við kamelljón því hann virtist geta tileinkað sér hinar ólíkustu tónlistarstefnur og gert að sínum. Lagið að þessu sinni er Let's Dance af samnefndri plötu sem var hans vinsælasta þó hún þætti kannski ekki hans besta.