Fréttir

Sveitarfélagið Skagafjörður efnir til umhverfisdaga um komandi helgi, 10. - 12. júní. Takmarkið er að fá snyrtilegra og fegurra umhverfi. Því er mikilvægt að íbúar taki höndum saman, tíni rusl og snyrti til í og við lóðir sínar og á nærliggjandi opnum svæðum.

Í Leikskólanum Ásgarði á Hvammstanga ríkir mikil gleði og eftirvænting. Sumarhátíð leikskólans er í dag og í ár fær Ásgarður afhentan sinn annan grænfána, sem að sögn Guðrúnar Láru Magnúsdóttur leikskólastjóra gerir hátíðina enn ánægjulegri.

Hilmar Sverrisson (Himmi Sverris) hefur víða komið við í músíkinni, enda telur hann það vera helsta afrek sitt í tónlistinni að vera á lífi og hafa getað haft tónlist sem aðalatvinnu síðustu 30-35 ár og fengið að starfa með flestum bestu tónlistarmönnum landsins. Himmi fæddist á Króknum árið sem rokkið varð til (1956), ólst upp í Viðvík til átta ára aldurs en flutti þá á Krókinn og bjó þar ansi lengi. Kona hans er Vestur-Húnvetningurinn Jenný Ragnarsdóttir og búa þau nú í Kópavogi.

Eins og Feyki hefur ítrekað fjallað um var póstdreifingardögum fækkað í dreifbýli 1. apríl sl. Sveitarfélög, fyrirtæki og ýmis hagsmunasamtök hafa sent frá sér ályktanir vegna þessa. Meðal annarra aðalfundur Landssambands kúabænda 2016, sem samþykkti svofellda ályktun um póstþjónustu, sem send var til Íslandspósts:

Konur á öllum aldri lét þokuna á laugardaginn ekkert á sig fá, heldur fjölmenntu í Sjóvá Kvennahlaup ÍSÍ á Sauðárkróki. Þegar þátttakendur höfðu nælt sér í í einkennisboli hlaupsins hófst upphitun við Sundlaug Sauðárkróks, undir stjórn Árna Stefánssonar. Var síðan hlaupið af stað, og vegalengdir og hraði eftir getu hvers og eins. Að sögn Völu Hrannar Margeirsdóttur, sem sér um hlaupið annað árið í röð, ásamt þeim Margréti Helgu Hallsdóttur og Önnu Hlín Jónsdóttur, voru um 120 þátttakendur á Sauðárkróki.

Þriðjudaginn 7. júní 2016 komu félagar í Veðurklúbbnum á Dalbæ saman til fundar í blíðskaparveðri, sólskini og 15 stiga hita, en í síðustu spá veðurklúbbsins hafði einmitt verið gert ráð fyrir góðu veðri þennan dag.

Fyrsta umferð í Íslandsmótinu í rallý var ekin í blíðskaparveðri á Suðurnesjum dagana 3. og 4. júní en keppnin var haldin af Akstursíþróttafélagi Suðurnesja. Mikil spenna var í loftinu strax í upphafi, fjórtán áhafnir voru skráðar til leiks og ljóst var að barist yrði um verðlaunasæti.

Fulltrúar frá Lionsklúbbnum Bjarma, þeir Guðmundur Haukur Sigurðsson og Eggert Karlson, komu færandi hendi og gáfu leikskólanum Ásgarði barnahjól, fjögur til nota utandyra og tvö til nota innandyra. „Það ríkti mikil eftirvænting hjá nemendum leikskólans þegar þau fengu að opna pakkann. Þessa dagana er mikill áhugi hjá nemendum að komast í Útgarð og hjóla enda leikur veðrið við okkur,“ segir í fréttatilkynningu frá leikskólanum.

Sjó­mannadag­ur­inn var hald­inn hátíðleg­ur um allt land um helgina. Á Skagaströnd fóru hátíðarhöldin fram í blíðskaparveðri á laugardaginn og venju samkvæmt var það Björgunarsveitin Strönd sem hafði veg og vanda af dagskránni. Þar náði Róbert Daníel Jónsson einstöku myndskeiði af kappróðri sem fór fram við höfnina með notkun flygildis.

Siglingaklúbburinn Drangey hefur óskað eftir að fá að setja niður heitan pott við smábátahöfnina við Suðurgarð á Sauðárkróki. Pottinum er ætlað það hlutverk að þjóna börnum og unglingum á siglinganámskeiðum og öðrum þeim sem heimsækja klúbbinn og vilja nýta sér aðstöðu hans. Þetta kemur fram í fundargerð Skipulags- og byggingarnefndar Sveitarfélagsins Skagafjarðar frá því í morgun.