Fréttir

Ragnheiður Erla Stefánsdóttir skipar 1. sæti lista Samfylkingar og óháðra á Skagaströnd. Hún er 38 ára gömul og næstum því fædd og uppalin á Skagaströnd. Hún fæddist reyndar á Blönduósi en fór heim á Strönd eftir fimm daga þegar hún hafði safnað kröftum til þess að takast á við það sem heima beið, þrír orkumiklir eldri bræður. Það var reyndar ekkert að óttast því bræðurnir voru hver öðrum ljúfari.

Ég hef velt fyrir mér hvað gerir samfélag gott. Að mínu mati er það fólkið á staðnum. Öflugt samfélag byggir ekki aðeins á innviðum og atvinnulífi heldur fyrst og fremst á samheldni, samvinnu og skýrri framtíðarsýn. Þegar íbúum líður vel, vex samfélagið með þeim. Þess vegna viljum við setja fólkið okkar í forgrunn – því þar liggur grunnurinn að farsæld.

Söngkeppni Samfés verður haldin í Laugardalshöll laugardaginn 9. maí og hefst kl. 14:00. Félagsmiðstöðin Skjólið á Blönduósi er með eitt af þeim 25 atriðum sem komust áfram í úrslit. Keppnin verður sýnd í Sjónvarpi allra landsmanna í beinni og er atriði Skjólsins nr. 13 á svið.

Frá Húnabyggð berast þær ánægjulegu fréttir sveitarfélagið hefur ákveðið að allir starfsmenn sveitarfélagsins með erlendann bakgrunn fái tækifæri til sækja íslenskunámskeið. Starfsmennirnir fá íslenskunámskeið við hæfi á vinnutíma og námskeiðin eru því eins og að mæta í vinnuna.

Kæmi til þess að Ísland gengi í Evrópusambandið myndum við Íslendingar greiða meira í sjóði þess en skilaði sér til baka eins og til dæmis Pawel Bartoszek, formaður utanríkismálanefndar Alþingis og þingmaður Viðreisnar, gekkst við nýverið í hlaðvarpinu Lyklavöldin. Þar á meðal í bæði landbúnaðar- og byggðastyrki. Ástæðan er einkum miklar þjóðartekjur okkar miðað við það sem gerist víðast hvar innan sambandsins. Þar myndi muna fleiri milljörðum króna árlega.

„Ég heiti Eygló Hrund Guðmundsdóttir og skipa 3. sæti á N-listanum, er 31 árs og bý á Ásbjarnarstöðum á Vatnsnesi. Ég starfa sem skólabílstjóri og umönnunaraðili á sjúkrahúsinu á Hvammstanga. Meðfram vinnu stunda ég nám í miðlun og almannatengslum við Háskólann á Bifröst.“ Eygló svarar spurningum Feykis í aðdraganda sveitarstjórnarkosninganna 2026.

Körfubolta rússíbaninn hélt áfram í gærkvöldið. Tindastóll lagði Stjörnuna í fimmtu lotu og er kominn í úrslitaseríu á móti Grindavík. Blaðamaður Feykis var á svæðinu og tók gesti tali fyrir leik og í hálfleik og smellti af nokkrum myndum. Almennt var fólk á því að Stólarnir myndu hafa þetta.

Tindastólsmenn tryggðu sér réttinn til að spila til úrslita um Íslandsmeistaratitilinn í körfubolta í gærkvöldi þegar strákarnir okkar unnu nokkuð öruggan níu stiga sigur á grjóthörðum Garðbæingum. Stólarnir spiluðu vel í fyrri hálfleik og leiddu með 20 stigum í hálfleik en gestirnir höfðu engu að tapa í síðari hálfleiknum og gerðu sitt besta en náðu muninum mest niður í sjö stig þegar 97 sekúndur voru eftir. Nær komust þeir ekki og troðfullt Síkið fagnaði innilega góðum sigri. Lokatölur 100-91 og það verða bestu lið Bónus deildarinnar í vetur, Grindavík og Tindastóll, sem mætast í úrslitum.

Sveinn Sigfússon, sem flestir Skagfirðingar þekktu sem Svenna Siffa, lést 4. maí en hann lenti í alvarlegu umferðarslysi í desember síðastliðnum. Svenni fæddist 5. ágúst1946 en hann var sonur Hólmfríðar Sveinsdóttur og Sigfúsar Svarfdal Guðmundssonar. Svenni var öflugasti leikmaður Tindastóls á upphafsárum körfuboltans á Króknum. Útför hans verður gerð frá Sauðárkrókskirkju þann 27. maí.

Kosningar eru krossgötur. Þetta eru tímamót þar sem við þurfum að spyrja okkur stórra spurninga og ég ætla að byrja á þeirri spurningu sem brennur á mér. Er Skagafjörður að fljóta sofandi að feigðarósi?