Fréttir

Úrslitaeinvígi Grindavíkur og Tindastóls heldur áfram í kvöld en annar leikur liðanna fer fram í Síkinu á Sauðárkróki. Partýtjaldið verður opnað kl. 17:00, hleypt verður inn í Síkið kl. 18:15 en leikurinn hefst kl. 19:15. Samkvæmt upplýsingum Feykis er uppselt á leikinn og Arnar þjálfari segir alla leikmenn klára í bátana fyrir kvöldið.

Fornverkaskólinn í Skagafirði hlaut nýverið Evrópsku minjaverndarverðlaunin sem eru virtustu verðlaun Evrópu í þessum flokki. Almenningur gefst kostur á að kjósa sitt uppáhaldsverkefni með netkosningu í „Public Choice Award“ en sigurvegari hennar fær 10.000 evrur í verðlaun. Feykir og Byggðasafn Skagfirðinga minna á að í dag er síðasti dagurinn til að kjósa Fornverkaskólann í þessari kosningu.

Skagafjörður er öflugasta og eitt mikilvægasta svæði landsins þegar kemur að matvælaframleiðslu. Hér er öflugur landbúnaður, fjölbreytt matvælavinnsla og sterk tenging við daglegt starf í eldhúsum, svo sem í mötuneytum og veitingahúsum. Fyrir matreiðslumenn skiptir þessi tenging miklu máli.

Málmey SK 1 er á heimstíminu og landar á Sauðárkróki í fyrramálið. Í frétt á vef FISK Seafood segir að í skipinu eru um 104 tonn af fiski, þar af um 74 tonn af þorski og um 19 tonn af ýsu en minna í öðrum tegundum.

Það er Sara Björk Þorsteinsdóttir sem svarar spurningum Feykis, en hún skipar 2. Sæti á A-listinn, öll saman, í Húnabyggð. „Ég er fædd og uppalin út um allt þ.á.m. Akranesi, en hef sterkar rætur að rekja til Vestur Húnavatnssýslu. Ég flutti í Austur Húnavatnssýslu 2015, fyrst í sveit en flutti í húsið mitt á Blönduósi fyrir rúmu ári. Ég er einstæð móðir þriggja drengja, vinn hjá SSNV sem verkefnastjóri farsældarráðs og sem hjúkrunarfræðingur hjá HVE á Hvammstanga,“ segir Sara.

Íbúum Húnavatnssýslna hefur fækkað um 15 á tímabilinu 25. desember 2025 til 1. maí 2026. Fækkunin skiptist jafnt á milli sveitarfélaganna þriggja, eða um fimm íbúa í hverju sveitarfélagi. Íbúafjöldi í Húnaþingi vestra var þann 1. maí síðastliðinn 1.255, í Húnabyggð var hann 1.377 og á Skagaströnd 461. Samtals voru íbúar í Húnavatnssýslunum tveimur 3.093 talsins þann 1. maí. Í Skagafirði fækkaði íbúum um tólf. Íbúum á Norðurlandi vestra fækkaði því um 27 á tímabilinu og voru þann 1. maí 7.588 talsins, samanborið við 7.615 1. desember 2025.

Nú þegar aðeins fimm dagar eru til sveitarstjórnarkosninga hef ég velt því fyrir mér hvað þær raunverulega snúast um fyrir okkur sem búum á Skagaströnd. Við í Framsókn og óháðum erum að leggja lokahönd á stefnuskrá okkar, en í því ferli hef ég áttað mig á því að kosningar eru ekki aðeins tæki til að leggja fram verkefnalista eða bera saman áherslur. Þær snúast um samfélagið sjálft, fólkið sem það byggir og þau gildi sem við viljum að móti framtíð bæjarins.

„Gagnsæi“ er orð sem heyrist oft í stjórnmálum. Svo oft reyndar, að sumir eru eflaust farnir að velta því fyrir sér hvort það sé orðið að innantómu slagorði. Orð sem dregið er fram á tyllidögum, fallegt orð sem hljómar vel í kosningabaráttu en skilar litlu í framkvæmd.

Mig langar að koma á framfæri nokkrum hugleiðingum varðandi velferðarmál í Skagafirði í aðdraganda sveitarstjórnarkosninga. Ég mætti á opinn fund á Hofsósi þar sem öll framboð sátu í pallborði. Þar var meðal annars spurt um þjónustu við eldri borgara og hvað mætti gera betur til að tryggja reglulega og nægilega vel mannaða þjónustu. Svör allra framboðanna voru á sömu leið: að gera þyrfti störfin „meira spennandi“ til að laða að starfsfólk.

„Ég heiti Halldór Jón Sigurðsson en er alltaf kallaður Donni og ég skipa 3. sæti á lista hjá Framsóknarflokknum í Skagafirði. Ég er 43 ára á árinu og er fæddur á Akranesi en flyt svo á Sauðárkrók fyrst árið 1999. Ég er giftur Heru Birgisdóttur lækni á Sauðárkróki og við eigum saman 3 dásamleg börn þau Hrafnhildi Köru, Hilmar Rafn og Heiðu Lovísu. Ég er sonur Sigga Donna og Lovísu Jónsdóttur og tengdasonur Bigga Rafns og Hrafnhildar Pétursdóttur. Síðan á ég þrjú systkini þau Aðalheiði, Aron Örn og Konráð Freyr.“ Donni svarar spurningum Feykis í aðdraganda sveitarstjórnarkosninga 2026.