Fréttir

Fyrsti leikurinn í úrslitaeinvígi Grindavíkur og Tindastóls fór fram í gærkvöldi. Leikið var suður með sjó og fóru heimamenn vel af stað á meðan það leit út fyrir að vera skjálfti í gestunum. Fimmtan stigum munaði í hálfleik en Stólarnir komu beittir til leiks í síðari hálfleik og áttu tvö mjög vænleg áhlaup en heimamenn stóðu storminn af sér og fögnuðu fyrsta sigrinum í einvíginu. Lokatölu 85-80 og liðin mætast öðru sinni á Króknum nú á þriðjudaginn.

„Nafn mitt er Eyþór Fannar Sveinsson, 38 ára fjölskyldufaðir búsettur á Sauðárkróki. Eiginkona mín er Jónína Róbertsdóttir og eigum við saman tvö börn. Ég ólst upp á Sauðárkróki hjá foreldrum og tveimur systkinum, en ættir mínar má rekja víðsvegar um Skagafjörð. Móðir mín er frá Ásbyrgi í Hofsósi og faðir minn frá Eyhildarholti í Hegranesi.“ Það er Eyþór Fannar sem skipar efsta sæti Byggðalistans í Skagafirði og hann svarar spurningum Feykis.

Tækifæri Húnabyggðar til frekari uppbyggingar ferðaþjónustu eru mikil en til að grípa þau í auknum mæli þarf aðgerðir. Í Húnabyggð hefur margt gott verið gert þegar kemur að ferðaþjónustu, má þar nefna Heimilisiðnaðarsafnið, uppbyggingu gamla bæjarins á Blönduósi og áfangastaða á borð við Kálfshamarsvík, Þrístapa og himnastigann upp á Skúlahól í Vatnsdal.

Byggðarráð Húnaþings vestra hefur samþykkt að ganga til samninga við Vinnuvélar Símonar ehf. á Sauðárkróki eftir opnun útboðs vegna endurnýjunar hitaveitustofns á Hvammstangabraut á Hvammstanga en sagt er frá þessu á byggingar.is. Málið var tekið fyrir á fundi byggðarráðs þann 4. maí 2026 þar sem niðurstaða útboðs framkvæmdarinnar var lögð fram.

„Ég heiti Nína Axelsdóttir og skipa 2. sæti lista Framsóknar og annarra framfarasinna í Húnaþingi vestra. Ég er 29 ára og uppalin í Fitjaárdal á bænum Valdarási. Í dag bý ég með manninum mínum Eyþóri Berg, stjúpsyni (11 ára) og dóttur (2 ára) í Víðidal, nánar tiltekið í Galtanesi. Við erum með búskap í Valdarási en í mars 2025 fórum við í framkvæmdir við að breyta gömlu fjósi í aðstöðu fyrir nautaeldi. Í dag erum við með yfir 70 naut og hlökkum til að bæta í fjöldann í kjölfar áframhaldandi framkvæmda.“ Nína svarar spurningum Feykis í aðdraganda sveitarstjórnarkosninga 2026.

Kapparnir í liði Tindastóls í körfubolta er mættir til Grindavíkur en þar mæta þeir heimamönnum í fyrsta leiknum í einvígi um Íslandsmeitaratitilinn. Feykir smellti nokkurm spurningum á Ragnar Ágústsson hinn grjótharða.

Í sumar verður haldið landsmót hestamanna á Hólum, það 8. sem haldið er í Skagafirði. Blaðamaður Feykis er svo lánsamur að hafa verið viðstaddur öll þessi mót. Hann kom nú bara einn dag á mótið 1974 en var svo barnungur að lítið er fast í minni frá þeim degi. Það er síðan á mótinu 1982 á Vindheimamelum að 14 ára drengur í Þingeyjarsýslu er mættur, kominn með ólæknandi hestadellu, og gleipir í sig allt sem fyrir augu ber. Það má segja að þetta mót hafi verið fyrsta nútímamótið, allavega hvað aðstöðu og umgjörð varðar. Komnir uppbyggðir vellir með sérhönnuðu undirlagi og meira lagt í þjónustu við gesti en áður hafði verið. Auðvitað var þarna ýmislegt sem þætti frumstætt í dag. Mætti þar nefna aðstöðu fyrir keppnishross en þau voru geymdi saman í stóru hólfi og rekin til réttar á morgnanna. Það þætti fráleitt í dag. Stóðhestar voru þó geymdir í hesthúsi enda vafasamt að hafa mikið af þeim saman í hólfi.

Það er Guðmundur Haukur Jakobsson, oddviti Sjálfstæðimanna og óháðra í Húnabyggð, sem svarar spurningum Feykis. „Ég er 51 árs, giftur Kristínu Ósk Bjarnadóttir og við eigum fjórar dætur, einn tengdason (sem er eini skráði trampolínsérfræðingurinn á Íslandi), og eina afa/ömmu stelpu. Eg er fæddur og uppalinn á Blönduósi og er framkvæmdastjóri og annar eigandi N1 píparans ehf og rek Hafa gaman ehf með Kristínu minni, sem sér um Félagsheimilið á Blönduósi.“

Leigufélagið Bríet og sveitarfélagið Skagafjörður skrifuðu í vikunni undir samstarfssamning um að Bríet komi til með að taka við íbúðum í eigu sveitarfélagsins en frá þessu segir á heimasíðu Skagafjarðar. Samhliða því eignast Skagafjörður hlut í Leigufélaginu Bríeti og verður með stærsta eignarhlut þeirra sveitarfélaga sem þar eiga aðild.