Fréttir

Sigurveig Dögg, kölluð Siva er frá Ökrum í Reykjadal í Suður-Þingeyjarsýslu. Útskrifaðist sem sjúkraþjálfari frá Háskóla Ísland sárið 1998, flutti þá á Sauðárkrók og var svo heppin að finna þar lífsförunaut sem heitir Jóhann Sigmarsson. Saman eiga þau unglingspiltinn Sigmar Þorra og heimili sem inniheldur takkaskó, bómullargarn, fótbolta, lopa, fótboltabúninga, útsaumsgarn, java, körfuboltaskó, saumavél, dómarabúninga, tvinna, keppnisbúninga, efni, fótboltasokka… og var búið að segja garn?

Er einhver ástæða til að rifja upp atburð sem gerðist fyrir 245 árum? Því má svara með annarri spurningu: Því ekki það? Fimm menn týndu lífi á Kili árið 1780. Örlög þeirra og eftirmál öll mörkuðu djúp spor hjá mörgum ættmennum þeirra allt fram til þessa dags.

Það er hægt að komast þannig að orði að það sé full vinna að fylgjast með Brúnastaðafjölskyldunni í Fljótum. Það er óhætt að segja að þar er nýsköpun, framkvæmdir og hugmyndaflæði aðeins meira en gengur og gerist annarsstaðar. Nýjasta afurðin frá Brúnastöðum er að líta dagsins ljós en það eru snafsar unnir úr geitamysu.

Það hefur verið minnst á það áður í leiðurum Feykis að leiðaraskrifin taka stundum á taugarnar enda vill það þannig til að þau eru með því síðasta sem skrifað er í blaðið hverju sinni. Sjálfur hef ég það vanalega á stefnuskránni að skrifa leiðarann helgina áður en blaðið kemur út en blaðið fer í prentun á mánudagseftirmiðdegi og ég hef ekki tíma til að skrifa leiðarann þá. Því er stefnan vanalega sú að klára þetta lítilræði við fyrsta tækifæri hverja helgi en það plan endar vanalega í einhverju stresskasti á sunnudagskvöldi

Til stóð að Valur tæki á móti Tindastól á Hlíðarenda á morgun en hefur leikurinn verið værður fram á mánudag. 

„Hér vinna bara snillingar! Ef maður kemur með smá hugmynd þá er búið að framkvæma hana áður en maður veit af,“ segir jákvæðasti Húnvetningur vorra tíma eftir að hafa fengið prjónaða á sig forláta Húnabyggðarpeysu í sínum lit – þessum rauða. Hér erum við að sjálfsögðu að tala um Valli Húnabyggð eins og hann merkir sig á Facebook – áður Valli Blönduósi.

Síðastliðinn þriðjudag fengu 16 nemendur og sex kennarar leiðsögn um Drangey SK 2 í Sauðárkrókshöfn. Í frétt á vef FISK Seafood segir að hópurinn, sem samanstóð af nemendum og kennurum frá Íslandi, Tékklandi, Spáni og Póllandi, sé að vinna verkefni á vegum Erasmus+ sem fjallar um alþjóðlegar upplýsingatæknikeppnir til að efla gæði framhaldsskólamenntunar.

Það er farið að styttast í aðventuna og þið vitið hvað gerist þá... jebb, jólatónleikar. Nokkuð er síðan miðar á Jólin Heima fóru í sölu og er nánast uppselt á þá. Samkvæmt upplýsingum Feykis ætla JólaHúnar að taka sér frí þessa aðventuna en í Hörpu verða jólalögin hans Geira, Í syngjand jólasveiflu, tekin í Norðurljósasalnum. Þá verður Ásgeir Trausti á ferðalagi um landið einn síns liðs og verður með tónleika í Hvammstangakirkju og Sauðárkrókskirkju um miðjan desember.

Landsþing Miðflokksin fer fram um aðra helgi í Reykjavík og útlit er fyrir að einhver slagur verði um sæti varaformanns flokksins en væntanlega má slá því föstu að Sigmundur Davíð Gunnlaugsson sé gulltryggður sem formaður flokksins. Í morgun barst yfirlýsing frá Ingibjörgu Davíðsdóttur, oddvita Miðflokksins og fjórða þingmanns Norðvesturkjördæmis þar sem fram kemur að á hana hafi verið skorað og hún hefur í kjölfarið ákveðið að sækjast eftir embættinu.

Feykir hafði samband við nýjan söngvara Slagarasveitarinnar, Kristinn Rúnar Víglundsson, sem sjálfur segist vera lítill sveitastrákur frá Dæli í Víðidal. Sem einmitt býr í Dæli ásamt skagfirskri konu og tveimur börnum. Hjónin reka ferðaþjónustu hálft árið og bílaverkstæði yfir kaldasta veturinn. „Svo er konan í hrossum og er með hrosssarækt á bænum,“ segir Kiddi. Fyrir skagfirska lesendur Feykis, sem blaðamaður veit að eru allir að hugsa hver þessi skagfirska mær sé sem er gift Kidda, þá heitir konan hans Hallfríður Sigurbjörg Óladóttir (Péturs Bolla).