Fréttir

Fyrsta barn árs­ins fædd­ist á fæðing­ar­deild Land­spít­al­ans þegar 24 mínútur voru liðnar af árinu. Var það stúlka sem vó 3.770 grömm og var 52 sentimetra löng að því er greint var frá í fréttum RÚV í gær. Fjöl­skylda stúlk­unn­ar er frá Hvammstanga. Er stúlkan ein þriggja barna sem fæddust á Landsspítalanum fyrstu nótt ársins en auk þess fæddist eitt barn á sjúkrahúsinu á Akureyri.

Feykir.is dustar rykið af gömlum matgæðingaþáttum. Í 29. tbl. ársins 2018 sáu þau Ármann Óli Birgisson og Matthildur Birgisdóttir á Blönduósi um matreiðsluna. „Það er fátt skemmtilegra en að gæða sér á góðum mat í góðra vina hópi en stundum er einfaldleikinn góður og þegar annríkið tekur völdin getur verið gott að eiga mat í kistunni. Því ákváðum við að bjóða upp á einfalt, fljótlegt og þægilegt þessa vikuna og síðast en ekki síst gott. Það getur verið ansi þægilegt að eiga góðar kjötbollur til að grípa upp úr kistunni eftir annasaman dag. Því er aðalréttur vikunnar bestu kjötbollur sem við höfum smakkað. Við hreinlega fáum ekki nóg af þessum og það besta við þær er að stelpurnar okkar elska þegar þetta er borið á matarborðið. Við reynum að eiga alltaf kjötbollur í frystinum,“ sögðu Matthildur og Ármann.

Í bók séra Friðriks Friðrikssonar, æskulýðsfrömuðar og stofnanda KFUM, Undirbúningsárin sem kom út árið 1928, er ítarleg ferðasaga Friðriks úr Skagafirði, þar sem hann þá bjó og starfaði á sumrum, og til Reykjavíkur þar sem hann stundaði nám. Kom hann við hjá vinafólki á Kornsá í Austur-Húnavatnssýslu en þeir Björn og Ágúst bróðir hans, Lárussynir Blöndal, voru miklir mátar og urðu þeim samferða ásamt öðrum. Hrepptu þeir veður vond og var ferðin söguleg sökum hrakfara og vosbúðar.

Sóti Summits er í eigu hjónanna Ólafar Ýrar Atladóttur og Arnars Þórs Árnasonar og er hatturinn á tvíþættri starfsemi, sveitahótelsins Sóta Lodge og ferðaskrifstofunnar Sóta Travel. „Starfsemina má rekja til þess að við keyptum á haustdögum 2015 gamla skólahúsið að Sólgörðum í Fljótum með draum um að endurbyggja og starfrækja þar gæðagistingu fyrir útivistarfólk og aðra sem vilja njóta þessa yndislega staðar,“ segir Ólöf. Eftir umfangsmikla endurbyggingu lauk Sóti Lodge svo upp dyrum fyrir gestum sínum á vordögum 2020. „Samhliða því öfluðum við ferðaskrifstofuleyfis enda gerðum við okkur ljóst, ekki síst með tilliti til þeirra atburða sem urðu í vor, að það yrði okkur styrkur að geta skipulagt og markaðssett okkar eigin ferðir.“

Bókaútgáfan Hólar gaf út fyrir jólin tug bóka af ýmsum toga. Ein þeirra, Íslensku fuglarnir og þjóðtrúin eftir Sigurð Ægisson sóknarprest á Siglufirði, er afrakstur 25 ára heimildasöfnunar og eru teknir til skoðunar allir íslenskir, reglubundnir varpfuglar, í hérlendri og erlendri þjóðtrú. Auk þess eru birt ljóð og annað forvitnilegt efni sem þeim tengist, að ógleymdum ríflega 1000 alþýðuheitum. Jafnframt er að finna vel á þriðja hundrað mynda, sem og útbreiðslukort hverrar tegundar fyrir sig. Feykir fékk leyfi til að birta kafla úr bókinni og berum við niður þar sem Helsinginn er tekinn fyrir.

„Merkilegt hvað við eigum marga tuðara, sem vita allt best og hafa allt á hornum sér,“ segir Björn Jóhann Björnsson, aðstoðarfréttastjóri á Morgunblaðinu, þegar Feykir spyr hann um uppgötvun ársins. Björn Jóhann flutti fyrir margt löngu af Hólaveginum á Króknum og býr nú í Kópavogi, er naut og passar í skó í númerunum 45-46. Hann á þrjú orð yfir árið 2020 og þau eru: „Tveggja metra regla.“

Karólína Elísabetardóttir sem jafnan er kennd við Hvammshlíð býr á mörkum tveggja sýslna á þeim slóðum sem vegurinn yfir Þverárfjall liggur hæst. Karólína er þýsk að uppruna en settist að á Íslandi fyrir margt löngu og unir hag sínum vel. Karólína keypti jörðina Hvammshlíð sem hafði þá verið í eyði síðan 1888 en víðernin heilluðu hana og þar nýtur hún frelsisins.

Feykir óskar lesendum sínum og landsmönnum öllum árs og friðar og þakkar samfylgdina á því liðna.

Áramótin er framundan og því vill Matvælastofnun minna dýraeigendur á að huga vel að dýrum sínum á meðan á flugeldaskotum stendur. Slíkar sprengingar kunna að valda dýrunum ofsahræðslu og geta þau valdið slysum á sjálfum sér og öðrum við slíkar aðstæður. Eru því dýraeigendur hvattir til aðgera viðeigandi varúðarráðstafanir fyrir gamlárskvöld og þrettándann til að fyrirbyggja slík slys.

„Þrátt fyrir allt átti ég gott ár og góðar samverustundir með mínum nánustu. Ég ætla að minnast þessa árs fyrir þær – ekki þess sem ekki gekk eftir,“ segir Unnur Valborg Hilmarsdóttir, framkvæmdastjóri Samtaka sveitarfélaga á Norðurlandi vestra, þegar Feykir spyr hvað það sé sem hún hafi mest séð eftir að hafa ekki geta gert á árinu. Unnur býr á Hvammstanga og stjörnumerkið hennar er tvíburi. Árinu lýsir hún með þessum þremur viðeigandi orðum: „Hættu nú alveg!“