Fiskibollur með bleikri sósu og eplakaka
Þorgerður Eva Þórhallsdóttir á Sauðárkróki var matgæðingur í 20. tbl. ársins 2018. „Ég hef alltaf haft gaman af að elda og á erfitt með að fylgja uppskrift en hér koma tvær góðar,“ sagði Þorgerður sem bauð upp á fiskibollur með bleikri sósu og íslenskum jurtum og eplaköku með vanillusósu og ís á eftir.
AÐALRÉTTUR
Fiskibollurnar hennar Halldóru með bleikri sósu og íslenskum jurtum
600 g ýsa eða þorskur
1-2 laukar
2 egg
1 dl hveiti
1 tsk. salt og pipar
2 tsk. lyftiduft
2 msk. kartöflumjöl
2 msk. fiskikrydd
1 msk. aromat
(engin mjólk)
Aðferð:
Fiskurinn er settur í matvinnsluvélina ásamt eggjum, lauk, kartöflumjöli, hveiti og kryddum. Þetta er maukað saman þangað til er komin falleg áferð á deigið. Bollur eru mótaðar með matskeið og steiktar á pönnu upp úr olíu og smjöri. Þegar kominn er fallegur litur set ég þær í eldfast mót á um það bil 180 gráður inn í ofn á meðan ég bý til heita tómatsósu.
Heit tómatsósa:
150 g smjörlíki
2-3 msk. púðursykur
3-4 msk. tómatsósa
3 dl rjómi
Aðferð:
Smjörlíki og púðursykur brætt í potti, tómatsósu bætt við og látið krauma smá og rjómanum hellt út í. Borið fram með fiskibollum, hrísgrjónum og íslenskum jurtum; Ólafssúrum, hundasúrum, maríustakki.
EFTIRRÉTTUR
Eplakaka með vanillusósu og ís
Mylsnan:
300 g hveiti
175 g púðursykur
200 g smjör (mjúkt og skorið í litla bita)
Fylling:
3 epli
50 g púðursykur
1 msk. hveiti
kanill eftir smekk
lúka af möndluflögum dreift yfir kökuna áður en hún fer í ofninn
Aðferð:
Stillið ofninn á 180 gráður. Blandið saman sykri og hveiti og blandið síðan smjörbitunum smátt og smátt saman við með höndunum. Flysjið eplin, kjarnhreinsið, skerið í litla bita og setjið í skál. Blandið púðursykri, hveiti og kanil saman við og hrærið. Setjið eplafyllinguna í 24 cm ofnfast form og dreifið mylsnunni yfir. Bakið í 45-50 mínútur.
Vanillusósa:
½ vanillustöng
3 dl mjólk
1½ dl rjómi
1 dl sykur
½ msk. kartöflumjöl með 1 msk mjólk
1 eggjarauða
Aðferð:
Skerið vanillustöngina í tvennt og skrapið vanillukornin úr henni. Hitið mjólkina, rjómann, vanilluna og sykurinn varlega á pönnu og hrærið í á meðan. Lækkið hitann og leyfið þessu að malla á meðan mjólkin er að taka í sig vanillubragðið. Blandið kartöflumjölinu saman við 1 msk. af mjólk, bætið út í og hitið blönduna upp að suðu. Takið af hitanum um leið og suðan fer að koma upp. Bætið eggjarauðunni saman við og pískið vel saman þangað til sósan fer að kólna.
Berið fram með vanillusósu og ís.
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.