Lambakonfekt, fylltar beikondöðlur og skyrterta
Matgæðingar í tbl 24, 2021, voru þau Guðrún Elsa Helgadóttir og Arnar Ólafur Viggósson en það voru Vigdís og Þröstur á Skagaströnd sem skoruðu á Guðrúnu og Arnar að taka við því þau eru miklir matgæðingar og höfðingjar heim að sækja. Guðrún og Arnar búa einnig á Skagaströnd og eru bæði fædd og uppalin þar. Guðrún er aðstoðarskólastjóri í Grunnskólanum og Arnar er yfirmaður íþróttamannvirkja á staðnum. Þau eiga saman tvö börn sem verða 15 og 19 á þessu ári.
FORRÉTTUR
Fylltar beikondöðlur u.þ.b. 25 döðlur
5 msk. rjómaostur
1 pakki beikon
Aðferð: Skerið smá rauf í döðlurnar. Setjið rjómaostinn í zip-lock poka og klippið lítið gat á endann. Sprautið rjómaostinum í hverja döðlu. Klippið beikonið í tvennt og vefjið því síðan utan um döðlurnar. Gott að miða við að minnsta kosti 1½ til 2 hringi af beikoni á hverja. Grillið þar til beikonið fer að dökkna.
AÐALRÉTTUR
Lambakonfekt
Lambakonfektið er makað með kryddlegi sólarhring áður en eldað, algjört lykilatriði.
Kryddlögurinn:
4 pressuð hvítlauksrif 1 cm pressað ferskt engifer
2 tsk. rósmarín
1 tsk. púðursykur
salt og pipar eftir smekk
1/2 dl góð olífuolía
2 msk. dijon sinnep
Haselback kartöflur:
smjör
rósmarin
hvítlauksgeirar
salt
Aðferð: Kartöflur settar í eldfast form, skorin rifa í þær með u.þ.b. 2 mm millibili. Smjör, rósmarín, 4 pressaðir hvítlauksgeirar og dass af salti sett í pott. Brætt saman og hellt yfir kartöflurnar, það þarf að passa að lögurinn komist inn í kartöflurnar. Sett í ofn við 180°C í 30-45 mín, tekið út og ausið yfir á
u.þ.b. 15 mín. fresti.
Góð blanda af fersku grænmeti ásamt bláberjum og vínberjum er einnig gott meðlæti.
EFTIRRÉTTUR Saltkaramelluskyrterta
500 g af þeyttum rjóma
3 dósir nýja KEA skyrið með saltkaramellu
1 pakki af Lu kanilkexi
Aðferð: Blandið varlega saman. Pakki af Lu kanilkexi mulið í botn á formi eða í skálar. Rjóma og skyrblöndunni bætt við. Gott að setja blöndu af ferskum berjum yfir ásamt smá kreistu af sítrónu.
Verði ykkur að góðu!
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.