Allt í lamasessi í rafmagnsleysinu
Rannsóknarblaðamenn Feykis voru sendir út af örkinni í morgun til að taka púlsinn á rafmagnsleysinu og fylgjast með því hvað fólk aðhafðist í myrkrinu - ef myrkur skildi kalla, því úti skein sólin. Þegar rafmagnið fer af þá fer nú ansi margt úr skorðum í okkar ágæta samfélagi og því kannski upplagt, á meðan tölvuskjáir og öll önnur tæki í Nýprenti sváfu, að skjótast út og mynda ástandið.
Í Skagfirðingabúð var ljóstíra við einn kassann en í Skaffó var hægt að afgreiða því vélarnar geta gengið fyrir rafhlöðum, að sögn Árna Kristins verslunarstjóra. Þrátt fyrir rafmagnsleysið var fólk að koma í búðina og einn aðili verslaði vasaljós meðan Feykismenn stöldruðu við.
Í Arion-banka var allt í lamasessi eins og víðast hvar annars staðar. Það pirraði þó starfsmenn að eitthvað í bankanum gaf frá sér endalaust píp. Viðskiptavinur ákvað að tékka á hvort hraðbankinn virkaði ekki. Svo var ekki.
Úr bankanum röltum við yfir í Ráðhús Skagfirðinga og þar reiknuðum við með að finna kjaftfulla kaffistofu sökum rafmagnsleysisins, en þá ríkti krísuástand í húsinu og fámennt í kaffistofunni. Kaffið var nefnilega löngu búið á könnunni og þrátt fyrir að ónefndur starfsmaður hafi reynt að gera bragarbót, með því að hella uppá í rafmagnsleysinu, þá kom allt fyrir ekki - engu tauti varð við kaffivélina komið. Þetta þótti eðlilega sniðugt og sennilega hafa margir Skagfirðingar staðið sig að því að reyna eitthvað álíka á meðan ekkert var rafmagnið.
Loks kíktu blaðamenn í bakaríið þar sem Róbert og samstarfsfólk biðu eftir að rafmagnið kæmi á, enda starfsemin rafmagni háð þrátt fyrir að starfsmenn séu alltaf í stuði. Ekki leið á löngu þangað til rafmagnið poppaði inn og Róbert rak upp fagnaðarhróp. Nú gat daglega lífið tekið upp þráðinn þaðan sem frá var horfið.
Fleiri fréttir
-
Gamall refur gerði Stólunum grikk
feykir.is Skagafjörður, Íþróttir, Lokað efni 13.07.2025 kl. 22.56Stólarnir fóru helst til þunnskipaðir austur á Höfn um helgina og léku við lið Sindra. Stólarnir voru fyrir leikinn í sjötta sæti en Hornfirðingar í níunda sæti. Staða liðanna breyttist ekki en þau gerðu 2-2 jafntefli þar sem gamall markarefur og fyrrum leikmaður Tindastóls jafnaði metin á lokakaflanum.Meira -
Þrjú stig sótt á Seltjarnarnesið
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 13.07.2025 kl. 18.54Eftir þrjá svekkjandi tapleiki í röð gerðu liðsmenn Kormáks/Hvatar góða ferð suður á Seltjarnarnes og að leik loknum var risið á heimamönnum bæði lítið og lágt. Gestirnir áttu góðan leik í fyrri hálfleik og leiddu 1-2 ú hálfleik og í síðari hálfleik var varist með kjafti og klóm og þó Gróttverjar gerðu sitt besta til að jafna þá tókst það ekki. Lokatölur 1-2 og mikilvæg þrjú stig í hús.Meira -
Gott teppi og kaffibolli best með bóklestri
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 13.07.2025 kl. 13.05Feykir plataði Maríu Rut Kristinsdóttur, þingmann Viðreisnar í Norðvesturkjördæmi, til að svara Bók-haldinu í miðju svokölluðu málþófi stjórnarandstöðunnar vegna veiðigjaldsins í upphafi síðustu viku. Vonandi var þetta bara skemmtilegt uppbrot á löngum degi í þinginu. María Rut fæddist árið 1989, er alin upp á Flateyri við Önundarfjörð en er búsett í Reykjavík.Meira -
Eyrarsundsbrúin tekin og étin
feykir.is Skagafjörður, Mannlíf, Lokað efni 12.07.2025 kl. 12.10„Það viðurkennist hér með að ég hef aldrei lagt mikinn metnað í hlaupalífsstílinn og látið duga að spretta á eftir rollum heima, svona þegar líður að hausti, og ríf nú frekar í lóðin heldur en að láta reyna á þolið ef ég kemst upp með það. Ég vissi að ég þyrfti að skipta um gír ef ég ætlaði nú að lifa þetta af og þó ég hafi haft meira en heilt ár til undirbúnings þá vissulega færði ég mig ekki yfir í þann gír fyrr en tveimur mánuðum fyrir hlaupið – eins og konu með frestunaráráttu á hæsta stigi einni er lagið,“ segir Rebekka Hekla Halldórsdóttir en hún tók ásamt vinkonum sínum þátt í Brúarhlaupinu milli Danmerkur og Svíþjóðar nú í júní.Meira -
Það er alltaf nóg að gera hjá Löggunni á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 11.07.2025 kl. 14.50Í síðasta mánuði kærði lögreglan á Norðurlandi vestra 178 ökumenn fyrir of hraðan akstur og er það tæplega 19% aukning frá því í maí þegar 150 ökumenn fengu kæru fyrir að aka of hratt í umdæminu. Sem fyrr aka flestir sem kærðir eru á 110-120 kílómetra hraða en sumri óku þó hraðar og fóru jafnvel yfir 150 kílómetra á klukkustund.Meira
