Skagafjörður

Rauði krossinn á Íslandi tilnefnir árlega skyndihjálparmann ársins úr innsendum ábendingum frá almenningi. Einn einstaklingur hlýtur nafnbótina skyndihjálparmaður ársins en auk þess eru þrír einstaklingar tilefndir til sérstakrar viðurkenningar. Tilgangurinn með tilnefningu skyndihjálparmanns ársins er að vekja athygli almennings á mikilvægi skyndihjálpar og hvetja sem flesta til að vera undir það búnir að veita hjálp á vettvangi slysa og veikinda.

Þá er öskudagur allur og annar í nammidegi í dag. Eins og komið hefur fram hér á Feyki.is komu fjölmargar uppáklæddar persónur í heimsókn í afgreiðslu Nýprents og Feykis. Búningarnir fjölbreyttir og mismikið lagt í sönginn. Mikið var um léttar aríur um Gamla Nóa og alúettusöng en svo voru nokkur lög sem búið var að æfa og lögð vinna í að semja nýjan texta.

Hin árlega Vinnuvaka Sambands skagfirskra kvenna verður haldin nk. sunnudag, 10. mars í Varmahlíðarskóla kl. 15-17. Samband skagfirskra kvenna er samstarfsvettvangur allra starfandi kvenfélaga í Skagafirði. Kvenfélögin eru tíu og um 240 konur starfa innan þeirra. Meðal samstarfsverkefna kvenfélaganna er að halda s.k. Vinnuvöku í byrjun mars.

Í dag var einn besti dagur ársins, öskudagurinn síkáti. Fjölmargir krakkar þustu á lappir í morgunsárið og skelltu sér í tilheyrandi öskudagsgervi, þó metnaðurinn hafi verið mismikill eins og gengur. Eftir nokkru var að slægjast því fyrirtæki, stofnanir og verslanir um víðan völl buðu börnunun eitthvað spennandi í staðinn fyrir tónlistarflutning.

Þriðjudaginn 5. mars komu félagar í Veðurklúbbnum á Dalbæ saman til fundar kl 14 og voru fundarmenn alls þrettán talsins. Fundi lauk síðan kl. 14:30. Öskudagstunglið (Góutungl) kviknar í dag í suðvestri kl. 16:04. Veturinn er hvorki búinn á dagatali né veðurfarslega, segja spámenn Dalbæjar sem telja að umhleypingasamt verði áfram, áttir breytilegar og hafa þeir sterka tilfinningu fyrir því að snjó taki ekki upp áður en snjóar aftur meira. Hitastig verður eins og oft, breytilegt.

Í síðustu viku hófst nám fyrir fíkniefnaleitarhunda og umsjónarmenn þeirra sem haldið er á vegum Lögreglustjórans á Norðurlandi vestra og Menntaseturs lögreglunnar. Námið fer fram í fjórum lotum og líkur því með bæði skriflegum og verklegum prófum í lok maí. Sjö hundateymi taka þátt að þessu sinni en þau koma frá lögreglunni, Fangelsismálastofnun og tollgæslunni.

Það þarf ekki að fara langt til að hafa það skemmtilegt í vetrarfríinu. Á morgun fimmtudaginn 7. mars verður sannkallað fjölskyldufjör hjá Byggðasafni Skagfirðinga í Glaumbæ, í tilefni af vetrarfríi grunnskólanna í Skagafirði. Farið verður í ratleik um safnasvæðið, völuspá verður í gamla bænum og sýndarveruleikasýningin „Menning, tunga og tímagöng til 1918“ verður í Gilsstofu.

Þetta var kannski aldrei spurning, segir á Aflafréttum.is en þar er verið að tala um skagfirsku togarana Drangey og Málmey sem settust á topp lista yfir aflahæstu skip landsins fyrir febrúarmánuð.

KS og Hólmfríður Sveinsdóttir, fráfarandi framkvæmdastjóri Iceprotein og Protis hafa komist að samkomulagi um starfslok Hólmfríðar. Í nokkurn tíma hefur staðið yfir undirbúningur að samþættingu rannsókna-, nýsköpunar-, markaðs- og sölumála hjá KS samstæðunni, sem til þessa hefur farið fram á nokkrum stöðum. Það er sýn aðila að breytingarnar leiði til markvissara starfs og sé tækifæri til að efla enn frekar þessa starfsþætti til framtíðar. Breytingarnar leiða óhjákvæmilega af sér breytt skipulag þeirra mörgu starfseininga sem undir eru.

Skagfirðingurinn Kristinn Gísli Jónsson og Selfyssingurinn Hinrik Lárusson, tóku þátt í alþjóðlegri matreiðslukeppni sem klúbbur matreiðslumeistara í Norður Grikklandi stóð fyrir og sigruðu með glæsibrag. Yfir 350 keppendur voru skráðir til leiks í mismunandi keppnisgreinum og kepptu þeir Kristinn Gísli og Hinrik í Liði ársins eða „Team of the year“.