Skagafjörður

Karlakórinn Heimir heldur áramótatónleika í Menningarhúsinu Miðgarði í kvöld, 29. desember, og hefjast þeir klukkan 20:30. Æringjarnir Óskar Pétursson, Birgir Björnsson og Valmar Väljaots koma fram með kórnum en stjórnandi er sem fyrr Stefán R. Gíslason og undirleikari Thomas Higgerson. Stór tímamót eru nú hjá kórnum þar sem í gær voru liðin 90 frá því hann var stofnaður. Gísli Árnason, formaður kórsins, segir að formleg afmælisdagskrá verði haldin næsta vor.

Hið árlega gamlársdagshlaup verður haldið á Sauðárkróki og hefst klukkan 13 fráíþróttahúsinu. Skráning skráning í anddyri að norðan frá klukka 12 og er ekkert þátttökugjald.

Sjötta liðið sem kynnt er í KS -deildina í hestaíþróttum 2018 er Mustad-Miðsitja. Liðið skipa fimm knapar frá Hólum, kennarar og nemendur sem verða undir stjórn Sinu Scholz tamningakonu á Miðsitju.

Karlakórinn Heimir í Skagafirði fagnar í dag 90 ára afmæli sínu en stofndagur kórsins er talinn vera 28. desember 1927 og voru stofnendur tíu talsins. Stofnfundur, sem flestir komu úr litlum kór og nefndur Bændakór, fór fram í Húsey og var aðalhvatamaðurinn Benedikt Sigurðsson frá Fjalli.

Svo mikið hefur frostið verið undanfarið í Skagafirði að það fraus í stofnlögn kaldavatnsins frá Sauðánni, nánar tiltekið þar sem stofnlögnin kemur út undan stíflunni í Sauðárgilinu. Starfsmenn Skagafjarðarveitna fóru af stað um leið og tilkynnt var um vatnsleysi í sútunarverksmiðju Atlantic Leather á Sauðárkróki en búið var að koma á rennsli aftur í lögninni rétt fyrir hádegi.

Ungmennafélagið Neisti heldur sína árlegu jólafélagsvist á Hlíðarhúsinu í Óslandshlíð í kvöld klukkan 20:00. Jólaspilavist Neista er alltaf vel sótt og fastur punktur á dagskrá hátíðanna hjá mörgum sem mæta þar árlega. Þar er að sjálfsögðu slegist um slagina en að lokinni spilamennskunni tekur við dýrindis kaffihlaðborð og loks verður pakkauppboð þar sem boðnir eru upp forvitnilegir pakkar sem gaman getur verið að gægjast í.

Íþróttamaður Skagafjarðar UMSS 2017 var valinn við Hátíðlega athöfn í Húsi frítímans í gærkvöldi. Frjálsíþróttamaðurinn Ísak Óli Traustason frá Tindastól hlaut titillinn að þessu sinni. Einnig var lið ársins valið og þjálfari ársins. Meistaraflokkur kvenna hjá Golfklúbbi Sauðárkróks var kjörið lið ársins og þjálfari ársins er Israel Martin hjá körfuknattleiksdeild Tindastóls.

Nú á föstudagskvöldið verða tvöföldu bítin tekin til kostanna um leið og skagfirskir tónlistargæðingar slá botninn í árið með spennandi tónleikum í Bifröst við Skagfirðingabrautina á Króknum. Og áheyrendur þurfa ekki að óttast að tónleikarnir fari fram í gamla Græna salnum undir Bifröstinni (eins og óvart var misritað í Jóladagskrá Sjónhornsins) því stuðið verður að sjálfsögðu í bíósalnum.

Í Föstudagsþættinum á N4 mættu þeir eðaldrengir Gísli Árnason, formaður Karlakórsins Heimis í Skagafirði, og Árni Stefánsson, forsprakki Skokkhóps Sauðárkróks, og ræddu við þau Maríu Björk Ingvadóttur og Karl Eskil Pálsson. Tilefnið er sitthvor viðburðurinn hjá þeim Gísla og Árna.

Jólamót Molduxa í körfubolta stendur nú yfir og þrír leikir í fullum gangi hverju sinni. Átján lið taka þátt og reyna með sér þangað til úrslit liggja fyrir í dagslok. Við mótssetningu var Kára Maríssyni veitt Samfélagsviðurkenningu Molduxa.