Skagafjörður

Feykir óskar lesendum nær og fjær gleðilegra jóla.

Crossfit550 á Sauðárkróki stóð fyrir crossfitkeppni sl. fimmtudagskvöld þar sem allir gátu tekið þátt sem eitthvað hafa komið nálægt íþróttinni. Erna Rut Kristjánsdóttir, eigandi stöðvarinnar segir að um lítið og létt jólamót hafi verið að ræða þeim til skemmtunar.

Drangey, hið nýja skip Fisk Seafood á Sauðárkróki, sigldi frá Akranesi sl. fimmtudagskvöld, þaðan sem Skaginn3X hefur verið að setja nýjan búnað á millidekk og í lest síðustu vikur, og liggur nú við bryggju í Sauðárkrókshöfn. Að sögn Jóns Inga Sigurðssonar, tæknistjóra Fisk Seafood er verkið langt komið, eða þannig að það sem eftir er, er rafvirkjavinna og forritun.

Þar sem aðfangadagur jóla er í dag og Kertasníkir kom í nótt ætlar Feykir að koma sér, og þér, í jólagírinn með jólalagi dagsins. Sverrir Bergmann fer með forsöng í hinu fallega jólalagi Helga Nótt. Með Sverri syngur hinn magnaði karlakór Fjallabræður.

Eva Pandora Baldursdóttir hefur verið ráðin í starf sérfræðings á þróunarsviði Byggðastofnunar. Starfið var auglýst í október síðast liðnum og bárust alls 29 umsóknir, 10 frá konum og 19 frá körlum. Á heimasíðu Byggðastofnunar segir að Eva, sem er með BSc gráðu í viðskiptafræði frá Háskóla Íslands, sé að ljúka diplómanámi í opinberri stjórnsýslu frá Háskóla Íslands og er langt komin með MA nám í menningarstjórnun frá Háskólanum á Bifröst. Þá hefur hún einnig lokið starfsnámi hjá Höfuðborgarstofu í viðburðastjórnun.

Fimmta liðið sem kynnt er í Meistaradeild KS er lið Íbess þar sem Jóhann B. Magnússon á Bessastöðum í Húnaþingi er liðsstjóri sem fyrr. Með honum eru hörku liðsmenn, m.a. bróðir hans Magnús Bragi Magnússon, Fríða Hansen, Guðmar Freyr Magnússon og Hörður Óli Sæmundarson. Í tilkynningu frá Meistaradeildinni segir að vitað sé að þeir bræður búi ætíð yfir góðum hestakosti, spurning hvað þeir draga út úr hesthúsinu þennan veturinn.

Ragnar Einarsson og Margrét Arnardóttir á Sauðárkróki eru matgæðingar Feykis að þessu sinni.„Þegar kemur að matargerð á okkar heimili er það Ragnar sem á heiðurinn af öllu sem heitir eldamennska enda mikill áhugamaður um matargerð. Ég sé hins vegar um salöt og bakstur og hef reynt að taka út hveiti og sykur og nota önnur hráefni í staðinn. Þetta er ágætis verkaskipting,“ segir Margrét en þau hjón voru matgæðingar Feykis í 47. tölublaði ársins 2015. Þau ætla að bjóða uppá fiskisúpu að hætti Ragga og gulrótarköku í hollari kantinum.

Það er við hæfi nú fyrir jólahátíðina, sem oft er líka nefnd fæðingarhátíð frelsarans, að vekja athygli á aðbúnaði fæðandi kvenna á Íslandi. Að mörgu leyti eru aðstæður framúrskarandi á alþjóðlega vísu. Við eigum vel þjálfað fagfólk og mæðra- og ungbarnavernd almennt vel skipulögð. Frávikin er þó sláandi. Konur á landsbyggðinni búa við mjög skerta þjónustu að þessu leyti.

Þar sem einungis 1 dagur er til jóla og Kjötkrókur kom í nótt ætlar Feykir að koma sér, og þér, í jólagírinn með jólalagi dagsins. Ómar Ragnarsson þarf ekki að kynna fyrir landanum en lagið - Jólasveinn, taktu í húfuna á þér – er á plötunni Skemmtilegustu lög Gáttaþefs sem er 33 snúninga LP hljómplata gefin út af SG - hljómplötum árið 1981.

Austfirðingurinn og fyrrverandi bassaleikari í Hljómsveit Geirmundar Valtýssonar, Sólmundur Friðriksson, stundaði nám við FNV vel fyrir síðustu aldamót og er mörgum norðlendingum kunnur. Fyrir skömmu gaf hann út sinn fyrsta hljómdisk, Söngur vonar, sem inniheldur ellefu lög sem eru flest samin á þessari öld, að undanskildu einu lagi sem varð til þegar hann var um 12 ára. Tónlistin er frekar í mýkri kantinum og hefur verið skilgreind af gagnrýnanda sem „soft rock“.