Skagafjörður

Eins og undanfarin ár stendur Feykir fyrir kjöri á manni ársins. Gefst íbúum á svæðinu og öðrum lesendum Feykis kostur á að velja úr hópi þeirra sem tilnefndir voru af lesendum. Í þetta skiptið bárust fimm tilnefningar. Hægt verður að greiða atkvæði á vefnum Feyki.is eða senda atkvæði í pósti á Feykir, Borgarflöt 1, 550 Sauðárkróki. Kosningin er þegar hafin og lýkur henni kl. 12 á hádegi á nýársdag, 1. janúar

Ein af þeim leiðum sem Akstursíþróttasamband Íslands hefur til að efla samstarf um akstursíþróttir við önnur lönd er virk aðild Íslands að alþjóðasamtökum akstursfélaga, Federation Internationale de L'Automobile (FIA) ásamt norður Evrópusvæði alþjóðaakstursíþróttasambandsins (FIA North European Zone). Tveir Íslendingar, Guðný Guðmarsdóttir og Jón Bjarni Jónsson kjörin í þær nefndir sem þau voru tilnefnd í.

Nú er jólahátíðin rétt handan við hornið og rétt að huga að breyttum opnunartíma sundlauganna.

Tvö ný fyrirtæki voru að bætast í hóp ánægðra viðskiptarvina Fjölnets þar sem Sagamedica og Keynatura hafa samið við fyrirtækið um alrekstur á tölvukerfum sínum. Með samningi þessum geta fyrirtækin einbeitt sér betur að kjarnastarfssemi sinni, segir Sigurður Pálsson Framkvæmdarstjóri Fjölnets.

Þar sem einungis 2 dagar eru til jóla og Gáttaþefur kom í nótt ætlar Feykir að koma sér, og þér, í jólagírinn með jólalagi dagsins. Lagið Ég sá mömmu kyssa jólasvein er sígilt og kemur manni alltaf í jólaskap. Hinrik Bjarnason gerði þennan smellna texta við lag T Connor.

Jólamót Tindastóls í Júdó fór fram í íþróttahúsinu á Sauðárkróki í gær og voru keppendur alls 22 frá fjögurra til sautján ára aldri. Jólamótið markar lok haustannar hjá júdódeildinni og er opið öllum iðkendum Tindastóls.

Listamaðurinn Gísli Þór Ólafsson á Sauðárkróki hefur glatt skyntaugar fólks á ýmsa vegu í gegnum tíðina. Hefur hann ýmist staðið á leiksviði hjá Leikfélagi Sauðárkróks, plokkað bassann hjá Contalgen Funeral samið lög og gefið út diska og ljóðabækur. Fyrir skömmu leit Vélmennadans dagsins ljós en þar er á ferðinni fyrsta ljóðabók Gísla með nýju efni í sjö ár.

Þar sem einungis 3 dagar eru til jóla og Gluggagægir kom í nótt ætlar Feykir að koma sér, og þér, í jólagírinn með jólalagi dagsins. Engin jól eru án Helgu Möller og hér syngur hún ásamt Jóhanni Helgasyni Í hátíðarskapi. Eins og allir ættu að vita þá skipa þau hinn ódauðlega dúett Þú & Ég. Til gamans má geta þess að í dag 21. desember eru vetrarsólstöður en þá stendur sólin kyrr, það er hættir að lækka á lofti og daginn fer að lengja á ný.

Menningarsjóður Kaupfélags Skagfirðinga úthlutaði í gær, 19. desember, styrkjum til margvíslegra verkefna á sviði menningar og lista. Að þessu sinni hlutu 28 aðilar styrk úr sjóðnum og voru það þeir Þórólfur Gíslason kaupfélagsstjóri og Bjarni Maronsson, stjórnarformaður KS, sem afhentu styrkina. Auk þeirra sitja í stjórn Menningarsjóðsins þau Efemía Björnsdóttir, Einar Gíslason og Inga Valdís Tómasdóttir.

Klukkan 6:54 þann 4. desember sl. fá sjúkraflutningamenn á Sauðárkróki boð um F1 útkall sem er fyrsti forgangur í þeirra kerfi. Fæðing! Þeir Yngvi Yngvason og Sigurbjörn Björnsson eru mættir á sjúkrabílnum stuttu síðar og læknir svo í kjölfarið. Afráðið er að fara upp á HSN á Sauðárkróki í betra umhverfi þar sem legvatnið var ekki farið og tekin yrði ákvörðun þar hvort farið yrði með sjúkrabíl eða flugvél á fæðingadeildina. „Ekki vorum við komnir langt þegar vatnið fór og Sibbi kallar: „Það er að koma!“ sem það og gerði í Hverfisbrekkunni,“ segir Yngvi aðspurður um atburðarásina þennan viðburðaríka morgun.