Skagafjörður

Þrettándinn er í dag 6. janúar, þrettándi og síðasti dagur jóla og Kertasníkir kemur sér heim til sín seinastur þeirra bræðra. Vaninn er að fólk kveðji jólin með einhverjum hætti, s.s. að fara á þrettándabrennu eða skýtur upp síðustu flugeldunum en m.a. verður hægt að nálgast flugelda hjá Sagfirðingasveit í dag. Hjá þeim verður flugeldasalan opin í dag milli klukkan 15 og 20 í Sveinsbúð á Sauðárkróki og hægt verður að gera góð kaup því 30% afsláttur verður af af öllum vörum þeirra. Ein þrettándabrenna verður á Norðurlandi vestra þar sem ungmennafélagið Dagsbrún mun sjá um brennu við Gilstaði í Hrútafirði og hefst hún klukkan 18:00.

Skagfirðingurinn Björn Jóhann Björnsson og Anna Lilja Þórisdóttir hafa verið ráðin aðstoðarfréttastjórar á ritstjórn Morgunblaðsins. Frá þessu var sagt á Mbl.is í dag. Björn Jóhann kannast flestir við enda skrásetjari Skagfirskra skemmtisagna sem allir Norðlendingar ættu að hafa innan seilingar.

Góð þátttaka var í jólakrossgátu Feykis sem birtist í síðasta blaði liðins árs. Dregið hefur verið úr réttum lausnum og fá þrír heppnir þátttakendur vinninga frá Hard Wok, Contalgen Funeral og bókaútgáfunni Sæmundi á Selfossi. Lausnarorðið er: Enginn má fara í jólaköttinn.

Eins og Feykir hefur sagt frá stóð til að flytja leikskólann á Hofsósi úr því húsnæði sem hann er starfræktur í í dag og í húsnæði í eigu sveitarfélagsins að Austurgötu 5 til bráðabrigða. Ástæða flutninganna er að mygla fannst á lofti húsnæðisins með tilheyrandi óþef og þótti ekki forsvaranlegt að hafa starfsemi í því ljósi og hafist var handa við að innrétta íbúðina til að geta tekið við starfsemi leikskólans. Nú er hins vegar komin upp ný staða og óvíst að leikskólinn flytji í fyrrgreint húsnæði.

Neytendasamtökin opna á næstu dögum skrifstofu á Akureyri, en samtökin ráku um árabil skrifstofu þar sem síðar var lokað. Ólafur Arnarson, formaður Neytendasamtakanna, segir það mikið ánægjuefni að nú skuli hafa skapast aðstæður, sem gera samtökunum kleift að opna að nýju skrifstofu á Norðurlandi.

Ingimar Pálsson, sem rekur fyrirtækið Topphesta á Sauðárkróki, var kosinn Maður ársins2016 á Norðurlandi vestra af lesendum Feykis. Ingimar sem fagnaði 70 ára afmæli sínu á síðasta ári hefur í rúmlega 30 ár rekið reiðskóla og m.a. staðið fyrir sumarnámskeiðum fyrir börn sem notið hafa mikilla vinsælda. „Á hann heiður skilinn fyrir að halda þessi öfluga starfi úti ár eftir ár,” segir m.a. í tilnefningu sem Ingimar fékk.

Góð skráning er í fjarnám við FNV, að sögn Sigríðar Svavarsdóttur sem hefur umsjón með fjarnáminu. Skólastarf á vorönn á vorönn hófst í dag og í dag er jafnframt síðasta dagur til að skrá sig í fjarnámið.

Í gær komu félagar í Veðurklúbbnum á Dalbæ saman til fundar á nýbyrjuðu ári. Fundurinn hófst kl. 14:00 og stóð yfir í 25 mínútur en fundarmenn voru þrettán talsins. Klúbbfélagar voru vel sáttir með hvernig til hefði tekist með veðurspá fyrir desembermánuð og raunar allt síðast liðið ár. Nýtt tungl kviknaði 29. des. í austri, sem var jólatungl og síðan kviknar nýtt tungl 28. janúar í NV. Það laugardagstungl sem þykir boða gott.

Karlakór Bólstaðarhlíðarhrepps og Rökkurkórinn halda sameiginlegan nýársfagnað í Húnaveri laugardaginn 14. janúar. Á dagskrá er kórsöngur, kvöldverður, skemmtiatriði og hljómsveit Geirmundar Valtýssonar leikur fyrir dansi.

Á heimasíðu Tindastóls segir að Hard Wok Cafe á Sauðárkróki sé öflugur styrktaraðili körfuknattleiksdeildar Tindastóls en á dögunum fengu iðkendur yngri flokka gjafabréf frá fyrirtækinu.