Skagafjörður

Sveitarfélagið Skagafjörður er reiðubúið til að endurnýja samning við öll sveitarfélög á Norðurlandi vestra um samstarf um þjónustu við fatlað fólk á öllu svæðinu eftir því sem fram kemur í fundargerð sveitarstjórnar Svf. Skagafjarðar í síðustu viku. Áður hafði byggðarráð Svf. Skagafjarðar ákveðið að draga sig út úr samstarfinu þar sem ljóst var að Húnaþing hugðist gera það einnig.

Fjöldi fólks og um 500 hross voru saman komin í Laufskálarétt í gær. Talið er smalamenn hafi verið álíka margir eða fleiri en þau hross sem smalað var og auk þess mætti margmenni að réttinni. Veðrið lék við réttargesti og þó golan væri nokkuð köld um tíma var auðvelt að leita í skjól. Um það leiti sem stóðið var rekið til réttar dró ský frá sólu og vermdi mannskapinn. Allt fór vel fram og gengu réttarstörf mjög vel fyrir sig.

Hafist var handa við að koma upp ærslabelg við sundlaugina á Sauðárkróki í gær þegar drengirnir hjá Þ. Hansen hófu jarðvegsvinnu þá sem þeir ætla að leggja til þessa samfélagsverkefnis. Einar Karlsson, sem flytur inn ærslabelgi, segir að helgin verði notuð til að setja belginn upp og væntanlega verði þá hægt að ærslast á honum í næstu viku.

Nú hverfum við aftur þar sem frá var horfið í þarsíðasta pistli og sagði frá kappreiðunum miklu á Kili þar sem leysinginn Þórir dúfunef á stokuhryssunni Flugu, sem hið forna höfuðból Flugumýri heitir eftir, sigraði mikinn og margefldan hestamann, Örn að nafni, kallaður landshornamaður, á hestinum Sini, það voru fyrstu kappreiðarnar á Íslandi sem enn lifa í sögnum.

Nemendur 7. og 9. bekkja grunnskólanna í Skagafirði, alls 118 nemendur, komu saman í Árskóla í gær og kynntu sér og unnu að endurskipulagningu á aðalskipulagi sveitarfélagsins Skagafjarðar. Verkefnið var unnið að frumkvæði skipulags- og byggingarnefndar sveitarfélagsins Skagafjarðar sem stýrði verkefninu.

Blóðbankabíllinn verður á Sauðárkróki við Skagfirðingabúð þriðjudaginn 1. október frá kl. 11-17 og daginn eftir frá kl. 9-11:30. Allir blóðgjafar eru hvattir til að mæta og gefa blóð sem og þeir sem vilja gerast blóðgjafar. Þorbjörg Edda Björnsdóttir, forstöðumaður öflunar blóðgjafa, segir það hafa gríðarlega þýðingu fyrir Blóðbankann að fara út á land í blóðsöfnun.

Mjólkursamlag KS í samstarfi við Te & Kaffi hefur sett á markað markað nýjan kaldbruggaðan kaffidrykk undir nafninu Íslatte. Drykkurinn er sá fyrsti sinnar tegundar sem framleiddur er hér á landi úr kaffibaunum frá Te og kaffi og íslenskri mjólk og þróaður í samvinnu við kaffisérfræðinga Te og kaffi.

Til stendur hjá SSNV að auglýsa eftir umsóknum í næsta skref rannsókna á hagkvæmni smávirkjana á Norðurlandi vestra, kallað Skref 2. Tilgangur smávirkjanasjóðs Norðurlands vestra er að styrkja fyrstu skrefin í rannsóknum á mögulegum rennslisvirkjunum undir 10 MW að stærð á Norðurlandi vestra.

Ákveðið var á fundi í veiðifélagi Blöndu og Svartár í gærkvöldi að gengið skyldi til samninga veiðifélagið Starir um leigu á laxveiði í Blöndu og Svartá að því að hermt er á veiðivefnum Vötn og veiði. Þar segir að samkvæmt tilboði Stara verði samið til fimm ára og samkvæmt góðum, en þó ónafngreindum heimildum, sé leiguverð í námunda við 60 milljónir. Veiðifélagið Starir leigir m.a. Þverá/Kjarrá, Víðidalsá, Brennuna, Straumana, Litlu-Þverá og Langadalsá við Djúp.