Ingunn dýralæknir segir upp þjónustusamningi við MAST
Ingunn Reynisdóttir dýralæknir í Húnaþingi hefur sagt upp þjónustusamningi við MAST og segir hún á Facebook síðu sinni að ástæðan fyrir uppsögninni hafi verið að hlaðast upp á löngum tíma þar sem hún m.a. hafi allt of stóru svæði að sinna og afleysingar engar. Vegna þessa álags hefur Ingunn ekki fengið sumarfrí í átta ár og þá hefur veturinn reynst henni erfiður þar sem aðstæður hafa skapast sem enginn dýralæknir ætti að þurfa að berjast við einn.
Ingunn hefur verið starfandi í Húnaþingi vestra síðan 2003 og hefur áður bent á erfiða stöðu dýralækna á svæðinu en árið 2012 var sagt frá því í Feyki þegar hún vildi ekki gera þjónustusamning við MAST. „Ástæðan fyrir því að ég tók ekki þeim samningi sem MAST bauð mér var vegna þess að stærð svæðisins er of mikill og fjöldi dýra allt of mikill fyrir einn dýralækni að komast yfir og það myndi eingöngu bitna á velferð dýra, fannst mér ástæða að benda á þetta og neitaði því að taka þessum samning,“ sagði Ingunn fyrir átta árum.
Skömmu síðar náðust þó samningar sem hafa haldið allt fram til nóvember síðastliðnum er samningar þjónustudýralækna runnu út en þeir verið framlengdir til 1. maí. Settur var á samráðshópur sem Matvælastofnun, atvinnu og nýsköpunarráðuneytið og dýralæknafélagið eiga sæti í til að finna lausnir á þjónustu dýralækna í dreifðum byggðum landsins.
Ingunn segir engar lausnir vera í sjónmáli og mánuður í að allir þjónustudýralæknir verði samningslausir, verði ekki samið fyrir þann tíma. „Allir þjónustudýralæknar eru sammála um að skrifa ekki undir óbreyttan samning án þess að eiga kost á afleysingu. Ég hef margoft bent á lausnir á þessu svæði, skipta svæðinu í tvennt, það er einn þjónustudýralæknir í Austur Hún. og annar í Vestur Hún. Þeir gætu þá aðstoðað hvorn annan bæði með álag og afleysingar,“ segir Ingunn.
Hún segist ætla að starfa áfram á svæðinu sem sjálfstætt starfandi dýralæknir, sem getur falið í sér önnur tækifæri. „Ég get þá meira um frjálst höfuð strokið með að vinna meira með mína sérhæfingu þar sem ég er lærður dýrahnykkjari og get þá ferðast um land og veitt þá þjónustu.“
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.