Ráðherra fylgir ráðgjöf Hafrannsóknastofnunar

feykir.is Skagafjörður, Austur-Húnavatnssýsla, Vestur-Húnavatnssýsla 26.06.2019 kl. 09.55 frida@feykir.is

Kristján Þór Júlíusson, sjávarútvegs- og landbúnaðarráðherra, hefur gefið út reglugerð um leyfilegan heildarafla í íslenskri fiskveiðilögsögu fyrir næsta fiskveiðiár og fylgir hún alfarið ráðgjöf Hafrannsóknastofnunar. Ráðgjöfin er gerð á grundvelli langtímamarkmiða um sjálfbæra nýtingu og er varúðarnálgun Alþjóðahafrannsóknaráðsins höfð að leiðarljósi.

Í ráðgjöf Hafrannsóknastofnunar kemur fram að staða þorskstofnsins er sterk og því verða aflaheimildir í þorski auknar um 3%, úr 264.437 tonnum í 272.411 tonn. Aflamark í ýsu munu hins vegar dragast saman um 28% og skýrist það annars vegar af því að spá um um vöxt 2014 árgangsins gekk ekki eftir og jafnframt af breyttri aflareglu þar sem veiðihlutfall er lækkað úr 0.40 í 0.35. Aflamark ufsa verður aukið um 2% en veiðiheimildir fyrir gullkarfa, grálúðu og síld lækka.

Kristján Þór Júlíusson, sjávarútvegs- og landbúnaðarráðherra: „Það að byggja ákvörðun um leyfilegan heildarafla á grundvelli vísindalegrar ráðgjafar er ein af megin stoðum íslenskrar fiskveiðistjórnunar og tryggir sjálfbærni auðlinda hafsins til framtíðar. Árangur þeirrar stefnu er ótvíræður líkt og birtist meðal annars í því að hrygningarstofn þorsks hefur stækkað á undanförnum árum og hefur ekki verið stærri í tæp 60 ár. Hins vegar blasir við okkur í ráðgjöf Hafrannsóknastofnunar að það er nýliðunarbrestur í nokkrum tegundum en það er atriði sem þarf að bregðast við með frekari rannsóknum.“

Í meðfylgjandi töflu má sjá ákvörðun um heildaraflamark fyrir einstakar tegundir. Þess ber að geta að aflamark fyrir mikilvæga uppsjávarstofna verður ákveðið síðar á árinu.

Tegund

Tonn

Blálanga

483

Djúpkarfi

12.492

Grálúða

12.047

Gullkarfi

38.896

Gulllax

9.124

Hlýri

375

Íslensk sumargotssíld

34.572

Keila

2.906

Langa

5.299

Langlúra

1.067

Litli karfi

697

Sandkoli

399

Skarkoli

6.985

Skrápflúra

15

Skötuselur

428

Steinbítur

8.344

Ufsi

80.588

Úthafsrækja

4.682

Ýsa

40.723

Þorskur

270.011

Þykkvalúra/Sólkoli

1.341

 

 

/Fréttatilkynning

 

 

 

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Velkomin í Villta norðlenska Westrið! Aldís María, María Dögg og Laufey Harpa tóku þátt í gerð kynningarefnis fyrir Bestu deildina. SKJÁSKOT

    Venju samkvæmt er Stólastúlkum spáð falli

    feykir.is Skagafjörður, Íþróttir 19.04.2024 kl. 15.44 oli@feykir.is
    Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.
    Meira
  • Frá æfingu á Litlu hryllingsbúðinni fyrr í mánuðinum. Æft án leikmyndar og búninga. AÐSEND MYND

    Við erum ótrúlega rík af fólki | LS Lulla í spjalli

    feykir.is Skagafjörður, Listir og menning, Mannlíf 19.04.2024 kl. 14.40 oli@feykir.is
    „Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.
    Meira

  • Alvarleg vanræksla á nautgripum kærð til lögreglu

    feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05 oli@feykir.is
    Í tilkynningu á vef Mat­væla­stofn­unar er greint frá því að MAST hafi kært til lög­reglu alvar­lega van­rækslu eft­ir að 29 naut­grip­ir fund­ust dauðir í gripa­húsi við eft­ir­lit á lög­býli á Norður­landi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.
    Meira
  • Freyja Rut Emilsdóttir. MYND AF FB

    Nærandi ferðaþjónusta | Freyja Rut Emilsdóttir skrifar

    feykir.is Skagafjörður, Aðsendar greinar 19.04.2024 kl. 09.03 oli@feykir.is
    Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.
    Meira
  • Það var vel fagnað að leik loknum í gærkvöldi. Hér faðmast Helgi þjálfari og Emese Vida og ekki laust við að það séu einhver rykkorn í augum þjálfarans. MYND: DAVÍÐ MÁR

    Liðsheildin skilaði þessum sigri - segir Helgi þjálfari

    feykir.is Skagafjörður, Íþróttir 19.04.2024 kl. 03.09 oli@feykir.is
    „Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.
    Meira
Yfirlit frétta