Vilja ráða ungt fólk í sumarbúðirnar í Háholti
Í Háholti í Skagafirði er nú unnið að því hörðum höndum að koma húsnæðinu í stand sem fyrst þar sem ætlunin er að starfrækja sumarbúðir fyrir ungmenni með ADHD og eða einhverfu eins og Feykir greindi frá í síðustu viku. Þar sem stefnt er að því að fyrstu gestirnir komi um miðjan mánuðinn er leitað að áhugasömu starfsfólki. Feykir hafði samband við Margréti Völu Marteinsdóttur, forstöðukonu Reykjadal, sem rekið hefur sumar- og helgardvalarstað fyrir börn og ungmenni með fötlun, og forvitnaðist um þá starfsemi sem fyrirhuguð er í Háholti.
„Við ætlum að skapa ævintýri þar sem að ungt, ábyrgt og hresst fólk verður í framlínunni. Í sumarbúðirnar koma börn og ungmenni með ADHD og/eða einhverfu og aðrar skyldar raskanir. Þetta er hópur sem hefur haft færri frístundatilboð en jafnaldrar þeirra. Í Háholti ætlum við að búa til skemmtilegan og eftirminnilegan vinnustað og færa líf í húsið.“
Nú rekið þið sumarbúðir í Reykjadal einnig, verður Háholt svipuð upplifun fyrir gesti búðanna eða má búast við öðrum áherslum?
„Við leggjum mikinn metnað í starfsemina í Reykjadal og munum ekkert gefa eftir í Háholti. Við ætlum að fara mikið út af svæðinu og upplifa þau ævintýri sem Skagafjörður hefur upp á að bjóða.“
Er mikil eftirspurn eftir plássi?
„Það hefur komið okkur á óvart hversu margar umsóknir hafa borist miðað við þann stutta tíma sem við höfum tekið á móti umsóknum. Það er enn hægt að sækja um.“
Nú er verið að leita að starfsfólki við búðirnar, hvaða stöður eru í boði og hvernig gengur að manna þær?
„Ævintýrabúðir Reykjadals í Háholti er að bjóða upp á spennandi sumarstarf fyrir ungt fólk. Við erum að leita eftir fólki í vaktavinnu. Unnið er eftir svokölluðu 223 vaktakerfi en um er að ræða 12-15 tíma vaktir og góð frí inn á milli. Einnig erum við með næturvaktir þar sem unnið er í viku og farið í frí í viku. Einnig erum við að leita að matráði. Við höfum fengið töluvert af umsóknum en viljum gjarnan sjá fleiri umsóknir frá ungu fólki sem búsett er í Skagafirði og nágrannasveitarfélögum Háholts.“
Hvaða kostum þurfa áhugasamir að vera búnir vilji þeir sækja um vinnu?
„Ungt fólk er nánast eingöngu ráðið. Sú ákvörðun að ráða eingöngu ungt fólk byggir á því að við viljum að Reykjadalur sé staður fullur af orku og lífsgleði. Við teljum að unga fólkið sé tilbúið til þess að leggja allt á sig til að gleðja gestina sem hjá okkur dvelja.“
Hvernig sækir fólk um?
„Hægt er að sækja um á www.reykjadalur.is eða með því að senda umsókn á reykjadalur@slf.is“
Eitthvað sem þú vilt koma á framfæri?
„Við erum ótrúlega spennt fyrir komandi sumri og hlökkum til að skapa ævintýri með Skagfirðingum.“
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.