V-Húnavatnssýsla

Á fundi sveitarstjórnar Húnaþings vestra í síðustu viku var fjallað um eignarhald á Félagsheimilinu á Hvammstanga og framtíð þess. Í bókun fundarins kemur fram að undanfarnar vikur hafi verið unnið að því í samstarfi við lögfræðing og endurskoðanda sveitarfélagsins að það yfirtaki stjórn félagsheimilisins í samræmi við stefnu meirihluta sveitarstjórnar.

Ratsjáin, nýsköpunar- og þróunarverkefni Íslenska ferðaklasans og Nýsköpunarmiðstöðvar Íslands, var sett af stað með formlegum hætti á Blönduósi þann 12. febrúar sl. Að þessu sinni taka fulltrúar frá sex fyrirtækjum sem starfa í ferðaþjónustu á Norðurlandi vestra þátt í verkefninu.

Víða er hálka, hálkublettir eða snjóþekja á Norðurlandi og segir á vef Vegagerðarinnar að þæfingur sé utan Hofsóss og milli Akureyrar og Dalvíkur. Ófært er um Almenninga á Siglufjarðarvegi og um Dalsmynni. Siglufjarðarvegur og Ólafsfjarðarmúli eru lokaðir vegna snjóflóðahættu en staðan verður tekin í birtingu. Veginum um Víkurskarð hefur verið lokað vegna veðurs.

Fyrsta mótið í Norðlensku mótaröðinni í hestaíþróttum var haldið sl. laugardag, 16. febrúar, í Þytsheimum á Hvammstanga. Keppt var í fjórgangi, V5 í barna og 3. flokki og V3 í unglinga, ungmenna, 1. og 2. flokki. Næsta mót verður haldið á Sauðárkróki í Svaðastaðahöllinni 2. mars nk. Hægt er að sjá allar einkunnir úr forkeppni og úrslitum inni á appinu LH Kappi.

Sigriður Tryggvadóttir, eftirlaunakona á Hvammstanga, svaraði spurningum Bók-haldsins í 37. tbl. 2017. Sigríður er uppalin á Hrappsstöðum í Víðidal en á unglingsárunum gekk hún í skóla í Njarðvíkum. Hún var bóndi á Efri-Fitjum í um 30 ár, ásamt eiginmanni sínum til 50 ára, en flutti til Hvammstanga fyrir 17 árum en þar var hún bóka- og skjalavörður Húnaþings vestra í 15 ár.

Undanfarin misseri hefur verið talsverð umræða í þjóðfélaginu um milliliðalaus viðskipti framleiðenda og neytenda og einnig kosti þess að neytendur geti nálgast sem mest af vöru sem framleidd er í héraði og þar með dregið úr flutningum með tilheyrandi kostnaði og mengun. Margir bændur selja vöru sína „beint frá býli“ og einnig hafa bændamarkaðir notið vinsælda.

Inga Skagfjörð og Jón Gunnar Helgason voru matgæðingar Feykis í 7. tbl. ársins 2017. „Við verðum að taka áskorunni frá Gígju og Helga og komum hér með nanbrauð og indverskan kjúklingarétt sem er vinsæll á okkar stóra heimili með fimm börnum, þar af fjórum á leikskólaaldri. Ekki er verra að hann ereinfaldur og fljótlegur,“ segir Inga. „Svo er eplakakan hennar Erlu systur góð við öll tilefni sem eftirréttur, einnig fljótleg og þægileg.“

Tölvuþrjótar skjóta upp kollinum af og til og hafa fjölmiðlar greint frá því að fólk hafi undanfarnar vikur fengið símtöl erlendis frá þar sem viðkomandi kynnir sig sem starfsmann Microsoft og lætur sem gera þurfi við öryggisgalla í Windows-stýrikerfinu. Varar lögregla eindregið við slíkum samtölum og hvetur fólk til að leggja á.

Hreindýrakvóti ársins 2019 verður sá sami og á fyrra ári þar sem heimilt verður að veiða allt að 1451 dýr á árinu, 1043 kýr og 408 tarfa. Veiðin skiptist milli níu veiðisvæða og eru mörk þeirra og fjöldi dýra á hverju svæði tilgreind nánar á heimasíðu umhverfis- og auðlindaráðuneytis.

Sveitarstjórn Húnaþings vestra samþykkti á fundi sínum þann 13. desember sl. að taka á móti 25 flóttamönnum frá Sýrlandi sem dvalist hafa í flóttamannabúðum í Líbanon sl. 4 – 5 ár. Af því tilefni var haldinn upplýsingafundur í Félagsheimilinu á Hvammstanga í gær þar sem um 140 manns mættu. Flóttafólkið er væntanlegt til landsins í apríl/maí.