V-Húnavatnssýsla

Þrátt fyrir að veðrið hafi ekki beinlínis leikið við okkur hér á vestanverðu Norðurlandi síðasta sumar virðiðst aðsókn í sundlaugar svæðisins vera síst lakari en á síðasta ári. Feykir hafði samband við forstöðumenn íþróttamiðstöðva á svæðinu og forvitnaðist um aðsóknartölur fyrir sumarið.

Stéttarfélögin Aldan, Kjölur, Samstaða, SFR og Verslunarmannafélag Skagafjarðar ætla að bjóða félagsmönnum sínum á þrjú námskeið sem haldin eru í Farskóla Norðurlands vestra, þeim að kostnaðarlausu. Námskeiðin eru öllum opin en nánari lýsingar á námskeiðunum er að finna á heimasíðu skólans.

Nú hefur verið opnað fyrir umsóknir í Framkvæmdasjóð ferðamannastaða en hann veitir styrki til uppbyggingar, viðhalds og verndunar ferðamannastaða sem eru í eigu eða umsjón sveitarfélaga og einkaaðila allt um land. Einnig styrkir sjóðurinn aðgerðir sem stuðla að öryggi ferðamanna og verndun náttúru landsins. Sjóðnum er ennfremur ætlað að fjölga viðkomustöðum ferðafólks til að draga úr álagi á fjölsótta ferðamannastaði.

Feykir hefur verið með myndagetraun í blaðinu og spurt hver sé viðkomandi persóna á myndinni. Leikurinn er í samstarfi við tónleikahaldara danslagakeppninnar á Króknum, sem slógu í gegn á Sæluvikunni á Sauðárkróki 2017 og síðasta vetur í Salnum Kópavogi. Verða þeir endurfluttir í Salnum Kópavogi 2. nóvember klukkan 20:30.

Í dag 8. október fagnar Miðflokkurinn því að eitt ár er liðið frá frá stofnun flokksins. Stofnfundurinn var haldinn í Rúgbrauðsgerðinni í Reykjavík fyrir troðfullu húsi sunnudaginn 8. október 2017.

„Við erum hjónin Pétur Hafsteinn Sigurvaldason frá Litlu-Ásgeirsá í Víðidal og Bjarney Alda Benediktsdóttir frá Neðri-Torfustöðum í Miðfirði. Við búum að Neðri-Torfustöðum ásamt börnum okkar. Þau eru Ármann, Kristrún og María. Bústofninn á bænum er blandaður; kýr, kindur og nokkur hross. Ekki má gleyma að nefna tíkina okkar Millu, örustu hjálparhellu norðan Alpafjalla," sögðu hjónin Pétur og Bjarney, sem voru matgæðingar vikunnar í 29. tbl. Feykis árið 2013.

Stóðréttir verða í Víðidalstungurétt á morgun, laugardaginn 6. október, en fjörið sem réttunum fylgir hefst í dag. Á Facebooksíðunni Stóðréttir Víðidalstungurétt segir að stóðinu verði hleypt í gegnum hliðið við Bergárbrú í fyrsta lagi kl. 14:00. Hægt verður að kaupa sér hressingu í skemmunni á Kolugili milli kl. 14:00 og 17:00 og frá kl. 17:00 fæst kjötsúpa í réttarskúr kvenfélagsins Freyju við Víðidalstungurétt.

Nú er laxveiðitímabilið á enda í húnvetnsku laxveiðiánum sem eru á lista Landsambands veiðifélaga yfir 75 aflahæstu laxveiðiár landsins. Þar má sjá að umtalsvert minni veiði var í sumar heldur en árin á undan. Heildarveiðin í ánum sjö var 5.919 laxar sem er 29% minna en í fyrra þegar veiddust þar 8.313 laxar og 42% minna en árið 2016 þegar veiðin var 10.252 laxar.

Veðurstofan varar við versnandi veðri á landinu og nú er gul viðvörun í gildi á Norður­landi vestra og svæðinu í kring; Vestfjörðum, Ströndum og Norður­landi eystra. Í veðurhorfum fyrir Norðurland vestra segir á vedur.is:

Veitusvið Húnaþings vestra hefur sent út áríðandið tilkynningu á vef sveitarfélagsins þar sem kemur fram að vegna tengingar á hita- og vatnsveitu í nýtt hverfi við Lindarveg verður lokað fyrir heitt vatn í dag, fimmtudag, frá klukkan 17:00 og mun lokunin standa yfir í um 5-6 tíma. Jafnframt er beðist velvirðingar á þeim óþægindum sem þetta kann að valda.