V-Húnavatnssýsla

Unglingalandsmót UMFÍ fer fram á Egilsstöðum um verslunarmannahelgina og búast keppnishaldarar við um og yfir 1.000 keppendum á aldrinum 11-18 ára ásamt foreldrum og forráðamönnum þeirra. Alls er gert er ráð fyrir allt að 10.000 gestum í bænum frá öllu landinu á meðan mótið fer fram dagana 4.- 6. ágúst og spáir Veðurstofa Íslands úrvals keppnisveðri, þurrki og logni.

Húsfreyjurnar á Vatnsnesi halda kaffihlaðborð í Hamarsbúð á Vatnsnesi nú um verslunarmannahelgina eins og þeirra hefur verið háttur mörg undanfarin ár. Þar verða dýrindis kræsingar á boðstólum; rjómapönnukökur, smurbrauð og annað fjölbreytt meðlæti að hætti Húsfreyjanna á Vatnsnesi.

Prjónakonan Sandra Halldórsdóttir á Sauðárkróki deildi sýnishornum af verkum sínum í 21. tölublaði Feykis. Hún hefur alltaf haft gaman af hannyrðum og segist ekki geta slakað á nema hafa prjónana í höndunum.

Áskorandapenninn - Herdís Harðardóttir Hvammstanga

Hvammstangakirkja heldur upp á 60 ára vígsluafmæli sitt með hátíðarmessu í kirkjunni á morgun, sunnudaginn 30. júlí nk. kl. 14.00.

Stjórn Skotveiðifélags Íslands, Skotvís, hefur sent frá sér tilkynningu vegna umræðu sem fram hefur farið á Skotveiðispjallinu á Fésbókinni, en þar var gagnrýnt hvernig sveitarstjórn Húnaþings vestra fer með veiðileyfisveitingar m.a. á Víðidalstunguheiði. Málshefjandi, sem augljóslega ætlar á gæsaveiðar, segir að nú verði rukkað á heiðina eins og í rjúpunni, þrjár byssur á svæði og allir hundar bannaðir.

Þessar ágætu grilluppskriftir birtust í matarþætti Feykis fyrir tveimur árum síðan. Nú er nálgast ágúst og ekki líður á löngu áður en skólarnir byrja. Þá veit maður að haustið nálgast og því eins gott að njóta góðu sumardagana sem við fáum og á slíkum dögum er grillmatur ómissandi. Í sumar hefur Feykir deilt bæði uppskriftum af maineringum og grilluppskriftum en nú ætlar hann að deila með ykkur uppskriftum af grilluðum eftirréttum, því það er ekki síðra að grilla eftirréttinn. Eftirfarandi eru uppáhalds sumareftirréttir blaðamanns, en hann mælir eindregið með að skella þessu á grillið á eftir lærissneiðunum og hamborgurunum.

Eldur í Húnaþingi stendur nú sem hæst og í kvöld verða tónleikar með Eyþóri Inga í Borgarvirki og hefjast þeir kl. 21:00. Á Facebooksíðu Eldsins er mælt með því að fólk mæti á staðinn á réttum tíma. Sætaferðir verða í boði í Borgarvirki og fer rúta frá Tjaldsvæðinu í Kirkjuhvammi kl. 20:00 og frá Félagsheimilinu Hvammstanga kl. 20:15. Aðeins eru 19 sæti í boði. Skráning í rútuna er á eldurihun@gmail.com.

Undanfarna daga hefur veðrið aldeilis leikið við okkur hér á Norðurlandinu og væntanlega hafa flestir fagnað því, bændur og búalið nýtt tímann til heyverka og þeir sem átt hafa kost á að sleikja sólina væntanlega látið fara vel um sig með „Quick Tan brúsa“ rétt eins og Laddi forðum. En nú virðist dýrðin vera að dofna, að minnsta kosti er Veðurstofan að hrella okkur með spá um norðaustanátt og þokumóðu eða súld við ströndina en björtu með köflum inn til landsins í dag og á morgun. Hiti verður 7 til 16 stig.

Bókaútgáfan Sæmundur hefur endurútgefið bókina Konan í dalnum og dæturnar sjö eftir Guðmund G. Hagalín. Af því tilefni verður útgáfuhóf í Pennanum-Eymundsson í Austurstræti klukkan 15:00 laugardaginn 29. júlí.