V-Húnavatnssýsla

Fyrir skömmu var auglýst starf forstöðumanns fyrirtækjasviðs Byggðastofnunar. Alls bárust 20 umsóknir og hefur Arnar Már Elíasson verið ráðinn í starfið. Á vef Byggðastofnunar segir að Arnar Már hafi mikla reynslu af banka og útlánastarfsemi þar sem hann hafi starfað hjá Íslandsbanka og sem lánastjóri og fyrirtækjafulltrúi hjá SPRON.

Alþjóðlegur ADHD vitundarmánuður er nú nýhafinn en október er lagður undir vitundarvakningu ár hvert. ADHD samtökin taka virkan þátt í átakinu nú líkt og fyrr með margvíslegum hætti. Nýtt endurskinsmerki var kynnt í dgær, tveir nýir fræðslubæklingar voru gefnir út og árlegt málþing samtakanna var kynnt. Málþingið veðrur haldið í lok október og beinist athyglin að föngum og öðrum sem lenda í refsivörslukerfinu.

Átak til að efla forritunarkunnáttu íslenskra barna verður kynnt í dag en Mennta- og menningarmálaráðuneytið, Samtök iðnaðarins, Menntamálastofnun og RÚV hafa tekið höndum saman um verkefnið með það að markmiði að efla forritunarkunnáttu íslenskra barna, auka vitund um mikilvægi forritunar í daglegum störfum, efla rökhugsun og stuðla að auknum áhuga á tækni- og iðngreinum.

Eins og fram hefur komið í fjölmiðlum og Feykir hefur fjallað um hefur afurðaverð til bænda verið mjög í umræðunni að undanförnu og í því samhengi hafa margir bent á að ef að fram fer sem horfir geti sauðfjárbændur ekki lengur greitt sjálfum sér laun. Margir hafa brugðið á það ráð að bjóða lambakjöt beint frá býli og eru auglýsingar um slíkt áberandi á samfélagsmiðlun.

Síðast liðinn þriðjudag var haldin ráðstefna undir yfirskriftinni „Búsetuþróun til 2030“ þar sem Karl Friðriksson og Sævar Kristinsson, hjá Framtíðarsetri Íslands, kynntu niðurstöður sviðsmyndagreiningar um búsetuþróun á Íslandi til ársins 2030. Sviðsmyndagreiningin er liður í gerð byggðaáætlunar fyrir árin 2017-2023 sem nú stendur yfir. Ráðstefnan var vel sótt og gagnlegar umræður fóru fram.

Listi Vinstri Grænna í Norðvesturkjördæmi vegna alþingiskosninga 2016 var samþykktur á félagsfundi kjördæmisráðs sem haldinn var í gærkvöldi. Þrjú efstu úr forvalskosningunum halda sætum sínum en Lárus Ástmar Hannesson sem endaði í 4. sæti færist í það 14. og Rúnar Gíslason úr Borgarnesi tekur hans sæti. Rúnar endaði í því sjötta í kosningunum.

Síðasta beina áætlunarferðin á vegum Gray Line milli Keflavíkurflugvallar og Aureyrar verður farin á morgun, föstudaginn 30. september því ekki verður boðið upp á ferðirnar í vetur. Næstu mánuði verður metið hjá fyrirtækinu hvort grundvöllur finnist fyrir áframhaldandi ferðum næsta sumar.

Kjördæmisþing Samfylkingarinnar í Norðvesturkjördæmi hefur sent frá sér ályktun þar sem kemur m.a. fram að allir ættu að eiga rétt á gjaldfrjálsri úrvals heilbrigðisþjónustu óháð búsetu og efnahag. Einnig er vilji til að styrkja landbúnaðinn enn frekar þar sem byggðasjónarmið, gróðurverndarsjónarmið og hagkvæmni fara hvað mest saman.

Þvottahúsið Perlan á Hvammstanga hefur verið starfrækt um nokkurt skeið en síðstu ár hefur starfsemin tekið talsverðum breytingum. Það sem byrjaði sem aukavinna hjá hjónunum Sigfríði Eggertsdóttur og Guðjóns Valgeirs Guðjínssonar er í dag öflugt fyrirtæki með hátt í tuttugu manns í vinnu þegar best lætur.

Á morgun opnar markaðstorg á netinu sem kallast Kjötborðið þar sem bændur og aðrir kjötframleiðendur geta með einfaldari hætti en áður selt framleiðslu sína beint til neytenda. Vignir Már Lýðsson framkvæmdastjóri Kjötborðsins segir viðbrögðin hafa verið vonum framar en nú þegar hafi hátt í þúsund manns skráð sig á póstlista Kjötborðsins sem áhugasamir kaupendur að kjöti beint frá býli.