V-Húnavatnssýsla

Eins og Feykir greindi frá í vor gerði Húnaþing vestra samkomulag við Eldvarnarbandalagið um að efla eldvarnir á heimilum og í stofnunum sveitarfélagsins. Felur það í sér innleiðingu á eigin eldvarnareftirliti í stofnunum sínum nú í haust.

„Ég vil byrja á að þakka öllum, sem hafa tekið sér tíma til að senda mér skilaboð og góðar hugsanir, kærlega fyrir stuðninginn. Ég er upp með mér yfir því trausti sem Píratar á landsvísu hafa sýnt mér með því að velja mig sem oddvita í NV kjördæmi og mun ég gera mitt allra besta til þess að standa undir væntingum,“ segir Eva Pandora Baaldursdóttir nýkjörinn oddviti Pírata í NV kjördæmi í aðsendri grein á Feyki.is.

Á vef Húnaþings vestra er greint frá því að settar hafi verið upp tvær ljósmyndasýningar á Hvammstanga sem bera yfirskriftina Kirkjuhvammur og Þinghúsið. Eru þær staðsettar annars vegar í Kirkjuhvammi og hins vegar norðan við pakkhúslóð Kaupfélagsins á Hvammstanga, nærri þeim stað þar sem Þinghúsið stóð áður. Ína Björk Ársælsdóttir, umhverfisstjóri Húnaþings vestra hafði umsjón með þessum verkefnum.

Þriðjudaginn 6. september 2016 komu félagar í Veðurklúbbnum á Dalbæ saman til fundar. Fundurinn hófst kl. 14:00. Fundarmenn voru sextán talsins. Svo sem þegar lá fyrir hafði veðurspá klúbbsins fyrir ágústmánuð gengið vel eftir.

Eva Pandora Baldursdóttir frá Sauðárkróki leiðir lista Pírata í Norðvesturkjördæmi í komandi aþingkosningum. Þetta er niðurstaða úr endurteknum kosningum á röðun á listans en áður hafði listinn verið kærður til úrskurðarnefndar flokksins og honum hafnað í staðfestingarkosningu Pírata á landsvísu. Alls greiddu 277 atkvæði í kosningunum og valið stóð á milli 11 frambjóðenda.

Í nýjum Feyki sem kom út í dag kennir ýmissa grasa. Í aðalviðtali er Einar Kristinn Guðfinnsson, forseti Aþingis sem brátt lætur af störfum eftir áratuga farsælt starf. Hann segir m.a. frá því þegar hann laumaðist á kaffistofu fiskvinnsluverkstjórans og hringdi í ritstjóra Vísis og bað um vinnu sem blaðamaður. Þá ræðir hann um pólitíkina og þær breytingar sem hafa átt sér stað á þeim vettvangi og svo það sem honum er mikið hugleikið, tengsl hans við Skagafjörð.

Endurtektarkosning fyrir röðun á framboðslista Pírata í Norðvesturkjördæmi stendur yfir og lýkur kosningu á hádegi á morgun, 7. september. Ellefu frambjóðendur gefa áfram kost á sér en bæði Þórður Guðsteinn Pétursson, sem kosinn var efstur á lista í prófkjörinu, og Halldóra Sigrún Ásgeirsdóttir, kapteinn Pírata á Vestfjörðum, hafa ákveðið að gefa ekki kost á sér í endurkosningunni.

Kjötafurðastöð Kaupfélags Skagfirðinga og Sláturhús KVH hafa nú birt verðskrá fyrir sláturtíð 2016 en hún mun taka gildi þann 12. september. Á heimasíðu Kaupfélags Skagfirðinga segir að mikið hafi borist af sláturfjárloforðum til sláturhúsa KS og KVH og er þegar búið að skipuleggja slátrun vel fram í október. Sama verðskrá gildir frá byrjun og út sláturtíð þar sem ekki greiðist álag á einstakar vikur.

Framsóknarmenn í Norðvesturkjördæmi héldu kjördæmisþing sitt um nýliðna helgi að Bifröst í Borgarfirði. Þar var ákveðið með uppstillingu hverjir myndu skipa lista flokksins í komandi kosningum. Gunnar Bragi Sveinsson, sjávarútvegs- og landbúnaðarráðherra mun leiða listann líkt og hann hefur gert frá síðustu kosningum.

Talið var í prófkjöri Sjálfstæðisflokksins í Norðvesturkjördæmi í dag og liggur nú ljóst fyrir hverjir skipa fjögur efstu sæti listans fyrir komandi kosningar. Haraldur Benediktsson mun leiða listann en hann skipar nú annað sæti á eftir Einari K. Guðfinnssyni sem gefur ekki kost á áframhaldandi setu á Alþingi.