V-Húnavatnssýsla

Veður hefur verið hundleiðinlegt á Norðurlandi vestra í dag, það hefur snjóað duglega í snarpri norðanáttinni og ekkert ferðaveður verið síðasta sólarhringinn. Fjallvegir eru nú flestir ófærir en óveðrið er þó að mestu gengið niður og á morgun, sunnudag, er gert ráð fyrir ágætu veðri.

Nýlega kom út bókin Hersetan á Ströndum og Norðurlandi vestra eftir Friðþór Eydal. Eins og nafnið gefur til kynna inniheldur bókin frásagnir og fróðleik af veru breskra og bandarískra hermanna á svæðinu á tímum seinni heimstyrjaldarinnar.

Í seinasta pistli fjallaði ég um netverslanir á Íslandi og því miður eru þær ekkert rosalega margar en það er alltaf ný og ný að bætast við í flóruna, mér til mikillar ánægju. En á meðan ég ráfaði um á netinu að leita þær uppi gaf ég mér tíma til að skoða fataúrvalið í hverri og einni. Það voru nefnilega nokkrar flíkur sem gripu augað mitt strax því þær voru bæði áberandi og pínu öðruvísi þegar á heildina var litið. Mig langar því til að taka þær fyrir í þessum pistli. Því þetta geta verið fallegar og klæðilegar flíkur sem geta gert mikið fyrir heildar „lookið“.

Útlit er fyrir að nokkrum tugum milljóna verði varið til eflingar atvinnulífs á Norðurlandi vestra, þar af talsvert margra verkefna sem Norðvesturnefndin lagði til, að sögn Ásmundar Einars Daðasonar þingmanns Framsóknarflokksins á Norðurlandi vestra sem situr í Fjárlaganefnd Alþingis. Fjárlaganefndin var á lokametrunum við að afgreiða fjárlögin til annarrar umræðu þegar Feykir heyrði í honum í gær.

Bjart verður að mestu í dag á Ströndum og Norðurlandi vestra en líkur á smáéljum. Frost 0 til 10 stig, mildast við sjávarsíðuna. Samkvæmt vef Vegagerðarinnar er snjóþekja og hálka á vegum á Norðurlandi en þæfingsfærð á nokkrum sveitavegum.

Talsverð ofankoma er á Norðurlandi og sumstaðar hvasst. Samkvæmt vef Vegagerðarinnar er þæfingur á Þverárfjalli og á köflum í Skagafirði, núna á tíunda tímanum. Þæfingsfærð er á Öxnadalsheiði. Vegna vinnu við endurbætur á rafkerfi í Strákagöngum má búast við umferðartöfum þar á virkum dögum frá klukkan 8:00-18:00 fram til 22. desember.

Þann 23. nóvember sl. skipaði Eygló Harðardóttir félags- og húsnæðismálaráðherra fulltrúa í Vinnumarkaðsráð Norðurlands vestra. Vinnumarkaðsráð Norðurlands vestra 2015-2019 skipa eftirtaldir aðalfulltrúar:

Gert er ráð fyrir að skólahald á Borðeyri verði óbreytt frá 1. janúar á næsta ári og út skólaárið 2017-2018, samkvæmt bókun sveitarstjórnar Húnaþing vestra frá 26. Þessa mánaðar. Er það miðað við þær forsendur að nemendafjöldi haldist innan þeirra viðmiða sem reiknað er með á þessu tímabili.

Skólastjórnendur leik-og grunnskóla í Austur-Húnvatnssýslu, Húnaþingi vestra og leikskólanum á Hólmavík undirrituðu þann 24. nóvember síðastliðinn viljayfirlýsingu um að vinna sameiginlega að sameiginlegri mál- og læsisstefnu skólanna í samræmi við ákvæði í aðalnámskrá leik- og grunnskóla. Greint er frá þessu á vefsíðu Skagastrandar.

Undanfarna áratugi hefur líf hjónanna Sigurðar Líndal Þórissonar og Gretu Clough snúist í kringum leikhúsið í Lundúnarborg, þar sem þau kynntust og felldu saman hugi. Þau hafa nú sagt skilið við ys og þys borgarlífsins og sest að í hæglátu umhverfi Hvammstanga þar sem Sigurður hefur tekið að sér framkvæmdastjórn Selaseturs Íslands. Greta mun áfram starfa við brúðuleikhús, í eigu þeirra hjóna, en hún semur og setur á svið leikverk fyrir börn ásamt því að útbúa leikbrúður. Blaðamaður Feykis hitti hjónin í Selasetrinu á fallegu nóvembersíðdegi og fékk að heyra um fyrra líf þeirra í London, flutninginn og hvernig þau horfa til framtíðar á Hvammstanga.