V-Húnavatnssýsla

Uppskeruhátíð Hrossaræktarsamtaka Vestur-Húnavatnssýslu og Hestamannafélagsins Þyts 2015 verður haldin laugardagskvöldið 31. október í Félagsheimilinu á Hvammstanga. Í boði verður matur, gleði og gaman og hefst skemmtunin klukkan 20:00 stundvíslega en húsið opnar klukkan 19:30.

Sækið ykkur kaffi og smá súkkulaði, ég ætla að ná mér í gos og hlaup því ég drekk ekki kaffi og finnst súkkulaði ekkert gott. Ég veit, ég er glötuð! En hér er ég á heimavelli og ætti mögulega að geta skorað nokkur mörk. Því ég var verslunarstjóri og seinna meir rekstrarstjóri yfir skóversluninni Focus skór í Kringlunni og sá þar að leiðandi um skóinnkaup í sjö ár og fylgdist mjög vel með öllu sem var að gerast í skótískunni fyrir kvenfólk.

Gunnar Ríkharðsson hóf störf hjá RML í september og verður með starfsaðstöðu á Blönduósi til áramóta. Hann mun starfa í faghópi nautgriparæktar og sinna fóðurráðgjöf.

KPMG á Sauðárkróki stendur fyrir námskeiði á Kaffi Krók þann 29. október ætlað aðilum í ferðaþjónustu. „Það hefur vart farið fram hjá aðilum í ferðaþjónustu að skattumhverfi þeirra er að breytast töluvert nú um áramótin. Undanfarið hefur KPMG staðið fyrir námskeiðum um virðisaukaskatt fyrir þessa aðila,“ segir í fréttatilkynningu frá KPMG.

Við Suðurgötu á Sauðárkróki stendur Ártún, 125 ára gamalt hús. Það hefur þó ekki alla tíð staðið á sama stað heldur var það flutt á stokkum utan af Aðalgötu árið 1919, þangað sem það stendur nú. Húsið hefur lengst af verið í eigu sömu fjölskyldunnar, nú síðast Björns Ásgrímssonar. Þegar hann lést, 94 ára að aldri þann 29. júlí sl., eignaðist bróðursonur hans Gísli Einarsson húsið.

„Búsetubreytingar og breytt aldursskipting íbúanna hafa áhrif á afkomu sveitarfélaga. Sveitarstjórnir ættu að gefa þessari þróun gaum,“ sagði Gunnlaugur Júlíusson, í erindi sínu á fjármálaráðstefnu sveitarfélaga í síðasta mánuði. Í máli hans kom m.a. fram að Vestfirðir og Norðurland vestra eru einu landshlutarnir þar sem íbúum hefur fækkað síðan árið 1998.

Ársfundur Samtaka sveitarfélaga á Norðurlandi vestra, SSNV, var haldinn í félagsheimilinu á Blönduósi á föstudaginn í síðustu viku. Þingið sátu kjörnir fulltrúar sveitarfélaganna sjö á svæðinu, ásamt starfsmönnum SSNV, þingmönnum og fleiri gestum, alls um 40 manns. Blaðamaður Feykis var á staðnum og fylgdist með þingstörfum.

Landssamtök sauðfjárbænda rituðu í dag undir samning við RIKK – Rannsóknastofnun í jafnréttisfræðum við Háskóla Íslands, um sérstaka fræðilega Úttekt á stöðu kvenna í sauðfjárrækt, í þeim tilgangi að kanna hvort halli á konur í greininni og ef svo er, hvaða leiðir megi finna til að bæta þar úr.

Annar þáttur Fyrirmyndarfrumkvöðla fer í loftið á Feyki.is í kvöld. Þættirnir verða sjö talsins og er rætt við forsvarsmenn frumkvöðlafyrirtækja á Norðurlandi vestra, í þetta sinn er Lilja Gunnlaugsdóttir heimsótt en hún rekur handverksfyrirtækið Skrautmen.

Á nýrri heimasíðu SSNV er vakin athygli á því að opið er fyrir umsóknir í AVS rannsóknasjóð, sem hefur að markmiði að styrkja verkefni, sem stuðla að auknu verðmæti íslensks sjávarfangs og styrkja samkeppnishæfni íslensks sjávarútvegs og fiskeldis.