Fréttir

Það hefur verið snjóhallæri í vetur og varla hægt að tala um nokkurn snjó í Tindastólnum og því ekki séns að opna skíðasvæðið. En nú ber svo við að aðstæður hafa verið skíðavinum hagstæðar síðustu vikur, það hefur snjóað og það hefur verið frost. Það stefnir því í hátíð í Stólnum á morgun, laugardag, því þá verður skíðasvæðið opnað gestum,

Að þessu sinni leitar Tón-lystin hófanna utan þjónustusvæðis og hringir ímyndaðri dyrabjöllu í Stangarholtinu hjá einum sprenglærðasta tónlistargruflara landsins. Það er að sjálfsögðu Arnar Eggert Thoroddsen sem við höfum náð að plata í að svara þættinum. Arnar Eggert er fæddur árið 1974, alinn upp í Kópavogi og Reykjavík, útmenntaður í tónlistarfræðunum frá Edinborgarháskóla og aufúsugestur á öldum ljós-vakans, ekki síst þegar eitthvert tónlistarséníið hrekkur upp af – þá er hringt í Arnar og hann rifjar upp helstu afrek viðkomandi og stöðu innan popp- og rokkkúltúrsins.

Það var enginn glæsibragur yfir leik Stólanna í gærkvöldi þegar þeir lögðu lið Þórs í Þorlákshöfn í hörkuleik. En Badmus og Basile voru í stuði og þeir voru nógu öflugir til að draga Stólarútuna í mark hársbreidd á undan Lalla og lærisveinum hans í liði Þórs. Ekki það að hægt sé að ganga að því vísu að koma heim úr Höfninni með tvo stig og í viðtali eftir leik var Arnar þjálfari vel sáttur við að ná í sigur. Lokatölur voru 95-98.

Þorgeir Sveinsson og Anna Icban sem voru matgæðingar í tbl. 32, 2025, skoruðu á Atla Gunnar og Kristvinu í Álftagerði I að taka við keflinu sem og þau að sjálfsögðu gerðu og birtist í tbl. 34. Það er ekki á allra vitorði, en Atli heldur úti matar- og lífstílsblogginu "Verkfræðingurinn í eldhúsinu", og liggur því beinast við að birta tvær uppskriftir sem hann heldur mikið upp á.

Leikflokkur Húnaþings vestra ræðst ekki á garðinn þar sem hann er lægstur en æfingar á söngleiknum Addams family eru hafnar. Stefnt er að fjórum sýningum um páskahelgina sem er í byrjun apríl að þessu sinni. Það er Sigurðar Líndal sem leikstýrir en hann er einnig þýðandi verksins.

Miðvikudaginn 25. febrúar nk. munu iðkendur Körfuknattleiksdeildar Tindastóls ganga í hús á Króknum milli kl. 17-19 og safna dósum og flöskum. Ef þið eruð vant við látin, en viljið gefa nokkrar dósir og/eða flöskur, þá er ykkur velkomið að setja poka fyrir utan hurðina hjá ykkur merkta Tindastól og við kippum þeim með okkur.

Eflaust hafa einhverjir rekið augun í hinn syngjandi Suður-Kóreu kappa, Noah, á samfélagsmiðlum og víðar síðustu daga. Sjá mátti hann í gærmorgun á ferð með Halldóri Gunnari í Fljótum þar sem þeir sungu saman Ég er kominn heim (Ferðalok) og svo var hann mættur á Hard Wok á Króknum þar sem hann og Árni vert sungu saman sama lag og Árni bauð honum í mat. Það verður ekki annað sagt en að svona karakterar lífgi upp á tilveruna. En hver er maðurinn?

Það bíða eflaust margir spenntir eftir að framkvæmdir hefjist við Fljótagöng en Eyjólfur Ármannsson innviðaráðherra hefur látið hafa eftir sér að þetta verkefni sé í forgangi og stefnt sé að því að hefja framkvæmdir ekki síðar en í byrjun næsta árs. Í ítarlegri fréttaskýringu í Austurfréttum er fjallað um málið en þar segir að Vegagerðin hafi sent ráðuneytinu „...minnisblað í febrúar á síðasta ári [þar sem] var gert ráð fyrir að framkvæmdir við Fljótagöng gætu hafist vorið 2028. Með breyttri forgangsröðun hefur aukinn kraftur verið settur í undirbúningsvinnu og Vegagerðin uppfært sína tímaáætlun.“

Það eru ekki margir dagar síðan sagt var frá því að búið væri að setja upp fjólubláan bekk á Skagaströnd en sá átti að minna fólk á Alzheimer-sjúkdóminn. Ekki létu Skagstrendingar þar við sitja því nú er búið að bæta við svokölluðum Spjallbekk en hann er fagurrauður og er staðsettur við vinsæla gönguleið fyrir Víkina.

Þjálfari meistaraflokks kvenna hjá liði Tindastóls, Svanberg Óskarsson, hefur sagt upp störfum. „Við óskum honum velfarnaðar í þeim verkefnum sem hann tekur að sér í framtíðinni og þökkum honum fyrir hans störf,“ segir í yfirlýsingu frá stjórn knattspyrnudeildar Tindastóls.