Fréttir

Við setningarathöfn Sæluvikunnar í dag voru Samfélagsverðlaun Skagafjarðar afhent af Sigfúsi Inga Sigfússyni sveitarstjóra. Það eru íbúar sem koma með tilnefningar og geta þau komið í hlut einstaklings, fyrirtækis, stofnunar eða félagasamtaka sem hafa þótt standa sig afburða vel í að efla samfélagið í Skagafirði. Að þessu sinni var það öðlingurinn Karl Lúðvíksson í Varmahlíð sem hlaut verðlaunin og er sannarlega vel að þeim kominn.

Sæluvika Skagfirðinga var sett í dag við hátíðlega athöfn í Safnahúsi Skagfirðinga. Vel var mætt og góð stemning meðal gesta. Venju samkvæmt hófst dagskráin á laugardegi, svokallaðri forsælu, en að morgni fór dágóður hópur rútuferð um sögu- og æsluslóðir Indriða G. Þorsteinssonar undir leiðsögn Kristjáns B. Jónassonar. Um kvöldið var síðan stórleikur í Síkinu og í Miðgarði stóð Karlakórinn Heimir fyrir Sæluvikutónleikum.

Matgæðingar í tbl. 43, 2025, voru að þessu sinni Guðrún Eik Skúladóttir og Óskar Már Jónsson. Guðrún og Óskar fluttu á Krókinn fyrir tæpum tveimur árum síðan en þau bjuggu áður í Hrútafirðinum þar sem þau voru kúabændur í tíu ár. Í dag vinnur Guðrún sem ráðunautur hjá Ráðgjafarmiðstöð landbúnaðarins og Óskar vinnur hjá Vegagerðinni. Saman eiga þau þrjár dætur, Bjarnveigu Önnu og Þóreyju Sunnu 11 ára og Hjördísi Eddu 4ja ára.

Það er full þörf fyrir menningarhús á Sauðárkróki. Ástæðuna þekkja flestir, söfnin okkar eru í óboðlegu húsnæði og eitt elsta leikfélag landsins býr við fádæma lélega aðstöðu svo eitthvað sé nefnt. Ýmsar hugmyndir hafa komið fram í gegnum árin, t.a.m var skoðað fyrir rúmum áratug að byggja austan við Árskóla (þar sem strompurinn er) sal með hallandi gólfi sem nýtast myndi skólanum, tónlistarskólanum, sviðslistum, kvikmyndum og til ráðstefnuhalds. Jafnframt var þá rætt um að stækka og laga safnahúsið að nútíma kröfum.

Þriðji leikur Tindastóls og ÍR í 8 liða úrslitum Bónus deildar karla í körfubolta fór fram í Síkinu í kvöld og ljóst að honum loknum fleiri leiki þarf ekki til að útkljá einvígið. Gestirnir gerðu vel að halda í við Stólana í fyrri hálfleik en í síðari hálfleik léku Stólarnir á alsoddi og þá sérstaklega í þriðja leikhluta. Lokatölur 125-87 og Tindastólsmenn þar með fyrstir til að tryggja sér sæti í undanúrslitum.

„Í leikskóla er gaman“ er setning sem flest okkar þekkja. Leikskólinn er einn mikilvægasti staður í lífi barna og fjölskyldna. Hann er sá staður þar sem börn stíga sín fyrstu skref í samfélaginu utan heimilisins, mynda vináttu, læra í gegnum leik og byggja upp grunn sem fylgir þeim alla ævi.

Matgæðingar vikunnar í tbl. 42, 2025, voru Selma Björt Magnúsdóttir og makinn hennar Daníel Máni Róbertsson. Selma og Daníel eru búsett á Sauðárkróki en hún er alin upp á Króknum en Daníel á Blönduósi. Þau eignuðust sitt fyrsta barn í byrjun september og voru því í fæðingarorlofi þegar þessi þáttur var birtur en annars starfar Selma sem iðjuþjálfi og Daníel sem rafvirki.

Það er fátt sem sameinar samfélag eins og íþróttir. Hvort sem það eru krakkarnir okkar eða íþróttafólk á hæsta getustigi, þá fyllumst við stolti og gleði þegar við mætum á íþróttaviðburði og tökum þátt í rússíbanareið íþróttafólksins okkar í gegnum súrt og sætt.

Tveir vinningsmiðar í Páskaleik Íslenskrar getspár, sem keyptir voru á sölustöðum, eru ósóttir. Er eigenda þeirra leitað.

Þrátt fyrir háværar raddir um vaxandi skuldir og erfiðan rekstur sýnir ársreikningur Skagafjarðar fyrir árið 2025 allt aðra mynd. Staðreyndirnar eru skýrar: Reksturinn er sterkur, skuldir hafa lækkað hlutfallslega og sveitarfélagið hefur getað ráðist í auknar framkvæmdir án þess að taka ný lán.