A-Húnavatnssýsla

HSN á Sauðárkróki er að bólusetja á miðvikudag seinni bólusetningu hjá þeim sem fengu Astra 29.apríl eða fyrr. Einnig verður seinni bólusetning hjá þeim sem fengu Pfizer 9.júní eða fyrr. Send hafa verið út boð á þá sem eiga að mæta. Einnig verður bólusett með Jansen þá sem eru 18 ára og eldri, þeir panta sér tíma í síma 432-4236, mikilvægt að þeir sem ekki hafa fengið bólusetningu, panti sér tíma.

Uppstillingarnefnd Frjálslynda lýðræðisflokksins hefur skipað tvo nýja oddvita, þau: Sigurlaugu Gísladóttur, verslunarmann í Norðvesturkjördæmi og Guðlaug Hermannsson, framkvæmdastjóra í Suðvesturkjördæmi.

Miðvikudaginn 30. júní nk. mun Kvenfélagið Hekla í Skagabyggð standa fyrir hreinsun í Kálfhamarsvík klukkan 13:00 fyrir íbúa Skagabyggðar. Að lokinni hreinsun verður síðan blásið til grillveislu í Skagabúð.

Föstudaginn 25. júní sl. var hafist handa við að færa gömlu Blöndubrúnna í Hrútey. Brúin var vígð árið 1897. Búrin gegndi síðast hlutverki við bæinn Steiná í Svartárdal en þar brúaði hún Svartá. Brúin var hífð upp á vagn með gífulegum krana en brúin er engin smá smíði, tæp 30 tonn og 40 metrar að lengd.

„Ef einhver vill vita. Annars er verið að slá í dag.“ skrifar Haraldur Benediktsson á Facebook-síðu sína í dag og deilir frétt Skessuhorns um að hann ætli að þiggja 2. sætið á lista Sjálfstæðisflokksins í Norðvesturkjördæmi fyrir alþingiskosningar sem fram fara í haust. Eins og áður hefur komið fram laut Haraldur í lægra haldi fyrir Þórdísi Kolbrúnu R. Gylfadóttur um efsta sæti listans og tók hann sér nokkra daga til að íhuga hvort hann sætti sig við sætaskiptin.

Á fundi sínum þann 21. maí sl. ákvað sveitastjórn Skagastrandar að auglýsa eftir rekstraraðilum til að sjá um félagsheimilið Fellsborg og skólamáltíðir í Höfðaskóla, en skólamötuneytið er staðsett í Fellsborg.

Kormákur/Hvöt tók á móti liði Samherja úr Eyjafirði í gær í sjöundu umferð D-riðils fjórðu deildar karla. Eyfirðingar sáu aldrei til sólar í leiknum og sigruðu Húnvetningar leikinn með sjö mörkum gegn engu.

Svandís Svavarsdóttir heilbrigðisráðherra tilkynnti í morgun að allar takmarkanir á samkomum innanlands falli úr gildi á miðnætti í kvöld. Í því felst m.a. fullt afnám grímuskyldu, nándarreglu og fjöldatakmarkana.

Á fundi sveitastjórnar svf. Skagastrandar sem haldinn var í dag, 25. júní, kom fram að sveitastjóri svf. Skagastrandar og oddviti Skagabyggðar hafi fundað í kjölfar kosninga og rætt þar um mögulega sameiningu sveitarfélagana beggja.

Búist er við vaxandi hvassviðri á Norðurlandi og Vestfjörðum í kvöld og nótt og hefur Veðurstofan gefið út appelsínugula viðvörun vegna þess fyrir morgundaginn og fram á laugardagsmorgun. Í athugasemd veðurfræðings segir að ekkert ferðaveður verði fyrir ferðahýsi eða húsbíla og einnig geti verið mjög erfitt að vera í tjaldi í slíkum vindi.