A-Húnavatnssýsla

Þjóðvegi 1 um Öxnardalsheiði hefur verið lokað fyrir umferð vegna versnandi veðurs, að því er kemur fram í tilkynningu frá Lögreglunni á Norðurlandi vestra. Einnig hefur Siglufjarðarvegi utan Fljóta verið lokað.

Blönduósbær og Sveitarfélagið Skagafjörður hafa tekið ákvörðun um að styrkja björgunarsveitirnar á sínum svæðum um eina milljón króna hverja en auk þess styrkir Sveitarfélagið Skagafjörður Skagfirðingasveit um hálfa milljón króna vegna umfangs stjórnstöðvar. Er þetta gert í kjölfar þess mikla óveðurs sem gekk yfir norðanvert landið í síðustu viku og skapaði mikið álag á björgunarsveitir á svæðinu.

Atvinnuveganefnd hefur í góðri samstöðu fjallað um stóraukinn útflutning á óunnum fiski sem hefur margvísleg áhrif á atvinnu, efnahag, nýsköpun og rekstrargrundvöll fiskmarkaða, minni útgerða og fiskvinnsla í landinu. Við sammæltumst um að senda gagnrýnin álitaefni til fimm ráðuneyta og köllum eftir skýrum svörum og rökstuddum viðbrögðum. Sjávarútvegurinn hefur verið bitbein stjórnmálamanna í marga áratugi. Það er því sérstakt fagnaðarefni þegar þingmenn allra flokka á Alþingi koma sér saman um mál honum tengdum.

Embætti Sýslumannsins á Norðurlandi vestra vill vekja athygli á því að skrifstofur embættisins á Blönduósi og á Sauðárkróki verða lokaðar á Þorláksmessu, aðfangadag og gamlársdag auk hefðbundinna lokana yfir hátíðirnar.

Í bókinni „Hann hefur engu gleymt ... nema textunum“ er að finna bráðsnjallar gamansögur af íslenskum tónlistarmönnum. Höfundur bókarinnar er Guðjón Ingi Eiríksson og hefur hann kallað marga fram á sviðið, „lifandi og látna!“, svo sem Bjögga Halldórs, Ragga Bjarna, Magga Kjartans, Greifana, Skriðjöklana, Ingimar Eydal og hljómsveitarmeðlimi hans, Álftagerðisbræður og eru þá sárafáir nefndir. Í Jólafeyki gat að líta nokkrar sögur úr bókinni og bætum við nokkrum við hér á Feyki.is.

Viðbragðsaðilar á Norðurlandi vestra hafa sent frá sér yfirlýsingu vegna málflutnings Þórhalls Ólafssonar, framkvæmdastjóra Neyðarlínunnar, í Kastljósi RÚV þann 16. desember sl. í kjölfar óveðursins sem reið yfir í síðustu viku. Telja þeir það vera forgangsmál allra aðila að tryggja að Tetra-kerfið á landinu öllu virki sem skyldi á ögurstundu.

Körfuboltaskóli Norðurlands vestra stendur fyrir körfuboltamóti á Blönduósi laugardaginn 21. desember. Mótið er fyrir alla krakka á aldrinum 8-16 ára en það verður með því sniði að skipt verður í lið og verður spilað í þremur aldursflokkum; 8-9 ára, 10-12 ára og 13 ára og eldri. Feykir hafði samband við Helga Margeirsson hjá KNV og spurði hann út í mótið og körfuboltaáhugann í Húnavatnssýslum.

Ekki eru öll kurl komin til grafar eftir fárviðrið sem skall á landinu í síðustu viku. Enn eru íbúar á Norðurlandi, hvar höggið var þyngst, að kljást við truflanir í raforkukerfinu, lagfæra skemmdir á munum og búnaði og bregðast við tjóni vegna rekstrarstöðvunar. Ljóst er að afleiðingarnar eru miklar og víðtækar. Raforkukerfið brást og aðrir innviðir, eins og fjarskiptakerfið, fóru í kjölfarið sömu leið. Það er staðreynd að mikil almannahætta skapaðist á stóru svæði hjá fjölda fólks um alltof langan tíma. Björgunarsveitir og aðrir viðbragðsaðilar unnu engu að síður magnað þrekvirki og það er þeim að þakka að ekki fór verr.

Í dag, miðvikudaginn 18. desember, klukkan 19-21 munu listamenn desembermánaðar hjá Nesi listamiðstöð á Skagaströnd bjóða til opins húss. Þar verður gestum boðið upp á að skoða fallega hönnun, teikningar, prentanir og máluð verk. Einnig ætlar Adriene Jenik að bjóða upp á „loftslags framtíðarspá“ með ECOtarot spili. Klukkan 20:30-21:00 býður Julie Thomson gesti velkomna til þátttöku í Yoga Nidra. Þá verða teknar léttar teygjur og slökun til að hjálpa gestum að ná góðum nætursvefni.

Nemendur og starfsfólk Höfðaskóla á Skagaströnd ætla að breyta út af vananum á litlu jólunum og sleppa pakkaskiptum. Í staðinn leggur hvert heimili til 1000 krónur í söfnun fyrir vatnsdælu hjá UNICEF.