A-Húnavatnssýsla

Ef það er um það bil þannig að maðurinn í núverandi mynd sinni hafi komið fram fyrir fáum milljónum ára, ekki tekið sér fasta búsetu og hafið ræktun lands fyrr en fyrir 10.000 árum og ekki innleitt tækni né hafið eiginlega auðlindanýtingu og orkubrennslu í stórum stíl fyrr en undir 1800 þá verður að segjast að allt hefur verið að gerast á síðustu 200 árum eða svo.

Nú má nálgast upptöku af af „nýjum réttarhöldum“ í máli Agnesar Magnúsdóttur, Friðriks Sigurðssonar og Sigríðar Guðmundsdóttir sem dóm hlutu í hinum svo kölluðu Illugastaðamálum. Voru Friðrik og Agnes dæmd til dauða fyrir morðin á Nathani Ketilssyni og Pétri Jónssyni og hálshöggvin á Þrístöpum 12. janúar 1830 en Sigríður send í ævilanga fangelsisvist í Kaupmannahöfn. Frá þessu segir á vef Samtaka sveitarfélaga á Norðurlandi vestra.

Lögreglustjóri hefur ákveðið, í samræmi við tillögur sveitarstjórnar Blönduósbæjar, að umferðarhraði á flestum götum bæjarins verði færður niður í 35 km/klst. Einnig verði regla um hægri rétt á Mýrarbraut afnumin en biðskylda komi í staðinn og stöðvunarskylda sett á gatnamót Hnjúkabyggðar og Aðalgötu.

Í tilefni af 30 ára starfsafmæli Bryndísar Guðmundsdóttur talmeinafræðings færði hún nýverið öllum leikskólum í Austur Húnavatnssýslu málþjálfunarefnið Leikum og lærum með hljóðin. Efnið byggir á fagþekkingu talmeinafræðinnar og áratuga reynslu Bryndísar í starfi með íslenskum börnum.

Á félagsfundi Veiðifélags Blöndu og Svartár sem haldinn var í Dalsmynni í gærkvköldi var tekin ákvörðun um að eingöngu verði leyfð veiði á flugu í Blöndu næsta sumar. Einnig verði sleppiskylda á öll­um fiski yfir 69 senti­metr­um og ein­ung­is heim­illt að drepa einn smá­lax á vakt á hverja stöng.

Húni.is segir frá því að framundan eru nokkrar breytingar varðandi starfsfólk Blönduósskirkju en meðhjálpari kirkjunnar til margra ára lætur nú af störfum og sóknarpresturinn, fer í ársleyfi.

Næstkomandi sunnudag, þann 1. september klukkan 15:00 verða haldnir tveir fyrirlestrar um söðla og reiðtygi í Heimilisiðnaðarsafninu við Árbraut 29 á Blönduósi. Fyrirlestrarnir eru tileinkaðir evrópskum menningarminjadögum sem haldnir verða hér á landi helgina 30. ágúst - 1. september.

Nú þegar sumri fer að halla og haustið að taka við fer körfuboltaáhugafólk að stinga saman nefjum og ræða komandi keppnistímabil í Dominos deild vetrarins en fyrstu leikir eru á dagskrá 3. október. Karlalið Tindastóls fær þá Keflvíkinga í heimsókn og stelpurnar taka á móti Fjölni tveimur dögum síðar. Til að landslýður geti fylgst með gengi Stólanna leitar nú íþróttadeild Stöðvar 2 Sports og Vísis að áhugasömum aðilum til að fjalla um heimaleiki Tindastóls í körfubolta.

Annað kvöld, miðvikudagskvöldið 28. ágúst klukkan 20:00 verða haldnir orgeltónleikar í Blönduósskirkju. Þar leikur Sigrún Magna Þórsteinsdóttir, organisti í Akureyrarkirkju, á orgel kirkjunnar og bera tónleikarnir heitið Íslensku konurnar og orgelið.

Á morgun, miðvikudaginn 28. ágúst verður opið hús í Nes listamiðstöð á Skagaströnd þar sem listamenn mánaðarins munu sýna vinnu sína.