Meðalatvinnutekjur á Norðurlandi vestra undir meðaltali
Byggðastofnun hefur gefið út skýrslu um atvinnutekjur árin 2008-2018 eftir atvinnugreinum og landshlutum. Skýrslan byggir á gögnum sem fengin voru frá Hagstofu Íslands sem vann þau úr staðgreiðsluskrá Ríkisskattstjóra. Skýrslan er sett fram á aðgengilegarn hátt þar sem gögn eru fyrst og fremst sett fram á myndrænan hátt.
Helstu niðurstöður skýrslunnar eru m.a. þær að heildaratvinnutekjur á árinu 2018 námu 1.316 milljörðum króna. Er það aukning um tæplega 64 milljarða króna frá árinu 2017 eða sem nemur 4,9%. Frá 2008 hafa atvinnutekjur á landinu öllu aukist um 256 milljarða króna eða um 24%. Mest aukning á tímabilinu varð í greinum tengdum ferðaþjónustu. Samdráttur varð í tveimur greinum, fjármála- og vátryggingastarfsemi og í fiskveiðum.
Stærstu greinar mældar í atvinnutekjum árið 2018 voru heilbrigðis- og félagsþjónusta með tæpa 139 milljarða króna, fræðslustarfsemi með 124 milljarða, iðnaður með 120 milljarða, verslun með 118 milljarða og flutningar og geymsla með 107 milljarða króna.
Á Norðurlandi vestra námu heildaratvinnutekjur 22,4 milljörðum króna á árinu 2018 og höfðu þær aukist um tæpan milljarð frá árinu á undan eða um 4,5%. Atvinnutekjur á svæðinu hafa aukist um 2,3 milljarða króna frá árinu 2008 eða um 11,6% en það er innan við helmingur af landsmeðaltali. Meðalatvinnutekjur á Norðurlandi vestra eru aðeins 83% af landsmeðaltali. Í Húnavatnssýslum er hlutfallið 77% en 88% í Skagafirði. Hlutfall atvinnutekna kvenna á svæðinu árið 2018 er þó aðeins yfir landsmeðaltali, í Húnavatnssýslum var það 43,6% en tæp 40% í Skagafirði. Stærstu atvinnugreinar á Norðurlandi vestra, mældar í atvinnutekjum, voru fræðslustarfsemi og heilbrigðis- og félagsmál. Þar á eftir voru stjórnsýsla- og almannatryggingar og verslun. Þá má nefna að 14,5% allra atvinnutekna af landbúnaði komu af Norðurlandi vestra.
Skýrsluna Atvinnutekjur 2008-2018 eftir atvinnugreinum og landshlutum má finna hér.
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.