Fréttir

Í dag, fimmtudaginn 28. september, verður opið hús í Bílskúrsgalleríinu við Kvennaskólann á Blönduósi. Þá ætla þeir listamenn sem dvalið hafa í septembermánuði hjá Textílsetri Íslands að bjóða til textílsýningar sem ber heitið Þetta reddast. Það eru listamennirnir Áine Bryne, Clare O.N, Rosa Smiths, Lauren A. Ross, Kristine Woods, Maggie Dimmick, Helena Schlichting og Andreana Donahue sem standa að sýningunni en hún verður opin milli kl. 16 og 18

Vaskur 18 manna hópur gekk í gær upp að Gönguskarðsárvirkjun. Var þetta fjórða og síðasta Lýðheilsuganga Ferðafélags Skagfirðinga í samvinnu við FÍ í tilefni að 90 ára afmælis móðurfélagsins. Veður var hið ákjósanlegasta, hlýr andvari og þurrt.

Þegar maður knýr dyra og óskar inngöngu er það gamall og góður siður að kynna sig. Framsóknarmenn í Norðvesturkjördæmi blása til kjördæmisþings þann 8. október nk á Bifröst þar sem kjósa skal listann sem verður í framboði til alþingiskosninga nú í haust. Ég hef ákveðið að bjóða mig fram til kjörs í 2. sæti á listann. Halla Signý Kristjánsdóttir heiti ég og er búsett í Bolungarvík.

Fjölbrautaskóli Norðurlands vestra tekur þátt í Evrópuverkefninu Easy Sharging Green Driving ásamt fjórum öðrum skólum frá Noregi, Belgíu, Tékklandi og Þýskalandi. Í síðustu viku var komið að FNV að halda utan um sameiginlegan fund allra skólanna.

Það er ótrúlega skrítið að þegar maður sér einhvern klóra sér þá fer maður ósjálfrátt að gera það líka hvort sem það eru dýr eða menn.

Nafn: Þorleifur Ingvarsson. Árgangur: 1958. Hvað er í deiglunni: Fór í bókaranám á gamals aldri og stefni að því að verða viðurkenndur bókari fyrir sextíu ára afmælið. Hvað var uppáhalds leikfangið þitt þegar þú varst krakki? Við systkinin lékum okkur mikið með skeljar og höfðum þær fyrir kindur. Hvað gerir þú betur en allir aðrir á þínu heimili? Rollusálfræði er mín sérgrein.


Hinn ungi og bráðefnilegi knattspyrnumaður í Tindastól, Jón Gísli Eyland Gíslason, er í byrjunarlandsliði Íslands U17 sem mætir Finnlandi kl. 15:00 í dag. Jón Gísli er aðeins 15 ára gamall, fæddur 2002 en lék með meistaraflokki Tindastóls í sumar. U17 ára lið karla leikur fyrsta leik sinn í undankeppni EM 2018 í dag þegar liðið mætir Finnlandi, en leikið er í Finnlandi. Leikurinn hefst klukkan 15:00. Önnur lið í riðlinum eru Rússland og Færeyjar.

Það er svo gott að staldra við og horfa á skemmtileg myndbönd af dýrum þegar mikið er um pólitískar umræður, eins og er í þjóðfélaginu í dag. Það er nefnilega ekki auðvelt að brosa yfir þessu ástandi en kannski fær þetta myndband, þann sem elskar kálfa, til að glotta smá:)

Króksbrautarhlaupið verður hlaupið næstkomandi laugardag, 30. september, en það er árlegur viðburður í Skagafirði og renna þátttökugjöld til góðra málefna. Hægt er að velja um nokkrar vegalengdir á leiðinni milli Sauðárkróks og Varmahlíðar og geta þáttakendur valið hvort þeir vilja ganga, hlaupa eða hjóla, allt eftir því hvað hentar hverjum og einum.

Þrettán manns sóttu um starf sviðsstjóra fjármála- og stjórnsýslusviðs hjá Húnaþingi vestra sem nýlega var auglýst laust til umsóknar. Umsóknarfrestur út þann 18. þessa mánaðar og vinnur ráðningarskrifstofa nú að mati á hæfi umsækjenda. Sviðsstjóri hefur yfirumsjón með rekstri skrifstofu sveitarfélagsins á Hvammstanga og ber ábyrgð á fjárhagsáætlunum, fjárreiðum og bókhaldi svo eitthvað sé nefnt.