Fréttir

Lýðheilsugönguferðir Ferðafélags Íslands eru á dagskrá alla miðvikudaga í september og voru nokkrar farnar í gær á Norðurlandi vestra. Frá Blönduósi var farið í Hrútey, fjaran frá Stöpum að Illugastöðum gengin á Vatnsnesi og Skagfirðingar gengu frá Ósbrú að Hegranesvita. Göngurnar eru hluti af afmælisdagskrá FÍ en félagið fagnar 90 ára afmæli á árinu.

Síðastliðinn laugardag tók flottur hópur frá GSS þátt í lokamóti Norðurlandsmótaraðarinnar í golfi sem fór fram á Jaðarsvelli á Akureyri. Það voru þau Alexander Franz Þórðarson, Anna Karen Hjartardóttir, Bjartmar Dagur Þórðarson, Bogi Sigurbjörnsson, Dagbjört Sísí Einarsdóttir, Hákon Ingi Rafnsson og Hildur Heba Einarsdóttir.

Ríkisstjórn Sjálfstæðisflokksins boðar stórfellda skattheimtu á fjarlægðir frá höfuðborginni eða næsta stórþéttbýli. Samgöngur og flutningskostnaður ráða miklu um samkeppnishæfni búsetu fólks og atvinnureksturs í landinu. Ísland er strjálbýlt land með miklum vegalengdum. Fjarlægðir á milli fólks er eini reginmunurinn á dreifbýli og þéttbýli...

Sveitarstjórn Blönduósbæjar hefur tilnefnt þá Valgarð Hilmarsson og Hörð Ríkharðsson í samstarfsnefnd um sameiningu sveitarfélaga í Austur-Húnavatnssýslu. Þær Oddný María Gunnarsdóttir og Anna Margrét Jónsdóttir voru tilnefndar til vara.

Á morgun, fimmtudaginn 14. september, verða umhverfisviðurkenningar Skagafjarðar afhentar í Húsi frítímans á Sauðárkróki. Viðurkenningarnar eru veittar í samstarfi við Soroptimistaklúbb Skagafjarðar sem hefur séð um framkvæmdina þau tólf skipti sem viðurkenningarnar hafa verið veittar. Athöfnin hefst kl. 17:30 og eru allir velkomnir.

Sveitarstjórnarfólk á Norðurlandi vestra hafa verið að kanna áhuga kollega sinna á sameiningu sveitarfélaga á svæðinu. Hafa ýmsar leiðir verið ræddar og áhugi á sameiningu verið nokkur í Austur- Húnavatnssýslu þó sitt sýnist hverjum um útfærslur. Þá er helst verið að skoða hvert Skagabyggð muni snúa sér.

Ungir Framsóknarmenn í Skagafirði ásamt Framsóknarfélagi Skagafjarðar boða til opins fundar þann 20. september í Framsóknarhúsinu á Sauðárkróki og byrjar fundurinn klukkan 20:00. Sérstakir gestir á fundinum verða þau Gunnar Bragi Sveinsson þingmaður og Lilja Alfreðsdóttir varaformaður Framsóknarflokksins og þingmaður.

Samkomulag hefur verið gert um kaup Fisk Seafood ehf., sem er m.a með starfsemi í Grundarfirði og á Sauðárkróki um kaup á öllum hlutabréfum í Soffaníasi Cecilssyni hf., sem er með starfsemi í Grundarfirði. Í sameiginlegri fréttatilkynningu frá fyrirtækjanna segir að samkomulagið sé með fyrirvörum, m.a. um samþykki Samkeppniseftirlitsins.

Greint var frá því í upphafi vikunnar að Matvælastofnun hefði tekið ákvörðun um að á fjórða hundrað fjár sem fór yfir sjúkdómavarnarlínu Blöndu í sumar yrði slátrað í haust. Nú hefur stofnunin fallið frá þeirri kröfu. Samkvæmt skilgreiningu MAST er Blanda í flokki varnarlína vegna sauðfjársjúkdóma og er því ekki heimilt að flytja fé þar yfir. Varnir við ána eru þó litlar og eftir að áin var virkjuð er hún þurr á stórum kafla og því greiðfært fyrir fé þar yfir.

Birgðir af kindakjöti síðasta árs þann 1. september 2017 voru 1.063 tonn, eftir því sem fram kemur í tilkynningu frá Landsambandi sauðfjárbænda. Á sama tíma í fyrra voru brigðirnar 1.262 tonn. Birgðir við upphaf sláturtíðar eru því 16,6% minni á en í fyrra. Frá þessum birgðum munu dragast 500 til 600 tonn áður en nýtt kjöt kemur að fullu á markað en sala á innanlandsmarkaði er um 560 tonn á mánuði að meðaltali. Umframbirgðir af kjöti frá sláturtíðinni haustið 2016 verða því um 500 tonn þegar upp er staðið eða rétt tæplega eins mánaðar sala. Þessar birgðir eru um 5% af heildarframleiðslunni sem eru um 10 þúsund tonn.