Fréttir

Konurnar í Lionsklúbbnum Björk á Sauðárkróki buðu upp á blóðsykursmælingu í Skagfirðingabúð á þriðjudaginn. Er það árviss viðburður hjá klúbbnum og hefur þjónustan mælst vel fyrir.

Út er komin ljóðabók Gísla Þórs Ólafssonar, Safnljóð 2006-2016, en um er að ræða úrval ljóða úr þeim fimm ljóðabókum sem áður hafa komið út frá sama höfundi. Bækurnar spanna tímabilið frá árinu 2006 til 2010. Einnig er að finna texta við lög Gísla af fjórum plötum sem hann hefur gefið út á árunum 2012 -2016.

Í sannleika sagt, þá er það tæplega svo að jafnaðarmenn séu búnir að ná áttum eftir nýliðnar kosningar. Enn velta karlar og konur vöngum yfir niðurstöðum og því afdráttarlausa hruni sem er veruleikinn í okkar röðum. Reykjavíkurkjördæmin bæði og Suðvesturkjördæmi eru auðnin ein, rjúkandi rústir. Takmark okkar um að verja þingsæti jafnaðarmanna í Norðvesturkjördæmi náðist reyndar og það eitt er gleðiefni.

Dagskrá sem vera átti um Bólu-Hjálmar í tilefni af Degi íslenskrar tungu á Löngumýri í Skagafirði hefur verið frestað vegna versnandi veðurs og slæmrar veðurspár. Búist er við vaxandi norðan- og norðvestanátt með éljagangi um landið norðanvert.

Þessar duglegu dömur héldu á dögunum tombólu á við Hlíðarkaup til styrktar Rauða krossinum. Söfnuðu þær alls 11.500 krónum. Þær heita Heiðrún Erla Stefánsdóttir, Sigríður Hrafnhildur Stefánsdóttir og María Rut Gunnlaugsdóttir.

Sólon Myndlistarfélag á Sauðárkróki verður með opnar vinnustofur í Gúttó frá 18. nóvember og til jóla. Opið verður á föstudögum frá 17 – 20 og laugardögum frá 13 – 16.

Það fer mikið fyrir kynþokka og skrautlegum, djörfum klæðnaði í sýningu nemenda FNV um hinn mjög svo ófullkomna Rocky sem Dr. Frank N Furter reynir að fullgera. Nemendur Fjölbrautaskóla Norðurlands vestra hafa undanfarnar vikur æft af krafti söngleikinn Rocky Horror sem frumsýndur verður í kvöld, miðvikudag, í Bifröst á Sauðárkróki. Leikstjóri er Guðbrandur Ægir Ásbjörnsson og aðstoðarleikstjóri er Heiða Jonna Frðfinnsdóttir.

Tilboði Gunnsteins Björnssonar, framkvæmdastjóra, og fjárfestingahóps sem hann er aðili að, í eigur þrotabús Sjávarleðurs á Sauðárkróki var samþykkt í upphafi vikunnar og starfsemi verksmiðjunnar því áfram tryggð. Frá því að fyrirtækið fór í þrot í júní sl. hefur tekist að halda starfsemi verksmiðjunnar gangandi með lágmarks mannskap en í september tók Gunnsteinn Björnsson, framkvæmdastjóri ásamt fleirum, Gestastofu Sútarans á leigu og hafa 10 starfsmenn framleitt sútuð fiskroð fyrir viðskiptavini og afhent þaðan.

Bjarni Benediktsson, formaður Sjálfstæðisflokksins, hefur stöðvað viðræður milli Sjálfstæðisflokks, Viðreisnar og Bjartrar framtíðar. Í tilkynningu frá þingflokki Sjálfstæðisflokksins segir að fundir flokkanna að undanförnu hafi leitt í ljós góðan samhljóm um ýmis mál, en áherslumun um útfærslu annarra, enda stefna flokkanna ólík á ýmsum sviðum.

Nú fer að styttast í það að allir félagsmenn Kaupfélags Skagfirðinga séu komnir með eintök sín af Árbókum Ferðafélags Íslands í hendurnar. Eins og frá hefur verið sagt ákvað KS að færa öllum félagsmönnum sínum sérstaka viðhafnarútgáfu af bókunum þremur er fjalla um Skagafjörð.