Fréttir

Vegna áframhaldandi uppbyggingar á sviði textíls hafa Þekkingarsetrið á Blönduósi og Textílsetur Íslands ráðið Ragnheiði Björk Þórsdóttur, veflistamann og vefnaðarkennara, til að sinna skráningu á vefnað.

Sannkallaður nágrannaslagur verður í Síkinu á Sauðárkróki annað kvöld er Þórsarar frá Akureyri mæta með sinn úrvalsdeildarmannskap og etja kappi við næstum fullskipað lið Tindastóls. Á laugardag munu svo Tindastóll og Höttur frá Egilsstöðum eigast við.

Í vetur taka Húnavallaskóli og Grunnskóli Húnaþings vestra þátt í verkefninu „Skák eflir skóla – kennari verður skákkennari,“ sem Skáksambandið hefur umsjón með í samstarfi við mennta- og menningarmálaráðuneytið. Skólaveturinn 2015-2016 var fyrsta framkvæmdarár verkefnisins en megintilgangur þess er að fjölga skákkennurum meðal grunnskólakennara.

Á vef Húnaþings vestra er greint frá því að settar hafi verið upp tvær ljósmyndasýningar á Hvammstanga sem bera yfirskriftina Kirkjuhvammur og Þinghúsið. Eru þær staðsettar annars vegar í Kirkjuhvammi og hins vegar norðan við pakkhúslóð Kaupfélagsins á Hvammstanga, nærri þeim stað þar sem Þinghúsið stóð áður. Ína Björk Ársælsdóttir, umhverfisstjóri Húnaþings vestra hafði umsjón með þessum verkefnum.

Þriðjudaginn 6. september 2016 komu félagar í Veðurklúbbnum á Dalbæ saman til fundar. Fundurinn hófst kl. 14:00. Fundarmenn voru sextán talsins. Svo sem þegar lá fyrir hafði veðurspá klúbbsins fyrir ágústmánuð gengið vel eftir.

Stólastúlkur þurftu að láta í minni pokann fyrir Keflavík í úrslitarimmu liðanna í fyrstu deild á Sauðárkróksvelli í gær. Leikurinn var lengi vel jafn og spennandi og lítið markvert sem gerðist fyrr en stundarfjórðungur var eftir af fyrri hálfleik en þá fengu gestirnir fyrsta færi leiksins sem þó ekki nýttist þeim.

Eva Pandora Baldursdóttir frá Sauðárkróki leiðir lista Pírata í Norðvesturkjördæmi í komandi aþingkosningum. Þetta er niðurstaða úr endurteknum kosningum á röðun á listans en áður hafði listinn verið kærður til úrskurðarnefndar flokksins og honum hafnað í staðfestingarkosningu Pírata á landsvísu. Alls greiddu 277 atkvæði í kosningunum og valið stóð á milli 11 frambjóðenda.

Í nýjum Feyki sem kom út í dag kennir ýmissa grasa. Í aðalviðtali er Einar Kristinn Guðfinnsson, forseti Aþingis sem brátt lætur af störfum eftir áratuga farsælt starf. Hann segir m.a. frá því þegar hann laumaðist á kaffistofu fiskvinnsluverkstjórans og hringdi í ritstjóra Vísis og bað um vinnu sem blaðamaður. Þá ræðir hann um pólitíkina og þær breytingar sem hafa átt sér stað á þeim vettvangi og svo það sem honum er mikið hugleikið, tengsl hans við Skagafjörð.

Á ferðum mínum undanfarna daga hefur fólk hvarvetna kvartað yfir lélegri póstþjónustu. Bréf, blöð og bögglar koma seint á leiðarenda og fólk í fjarlægari byggðum á í miklum erfiðleikum að koma póst sendingum frá sér með eðlilegum hætti. Ítrekað hefur verið ályktað um þessi mál og ég tekið þau upp á sveitarstjórnar - og á landshlutavettvangi. Við þekkjum vel baráttu íbúa hér í Skagafirði og í öðrum landshlutum fyrir pósthúsinu sínu. Stefna stjórnvalda í póstmálum hefur hinsvegar verið sú að skera þjónustuna niður, fækka pósthúsum og dreifidögum. Þá hefur verið verulega vegið að héraðsfréttablöðum sem þjónusta landsbyggðina. Fyrir dreifingu á blöðum eins og Feyki og Skessuhorninu þarf að borga með öllum afsláttum um 117 kr. á hvert blað á meðan aðeins þarf að greiða um 12 kr. fyrir fríblöð sem send eru á hvert heimili.

Á morgun, fimmtudaginn 8. september er Bókasafnsdagurinn en hann er haldinn til að vekja athygli á mikilvægi bókasafna í samfélaginu og einnig fyrir starfsfólk safna til þess að gera sér dagamun. Í tilkynningu frá Héraðsbókasafni Skagfirðinga segir að eitt og annað verði gert sér til dundurs flestum til ánægju