Fréttir

Elliði Guðjónsson grunnskólakennari setti sig í samband við Dreifarann í gær og er óhætt að fullyrða að hljóðið hafi verið þungt í honum. „Já ég skal nú segja þér það að maður er orðinn langþreyttur á þessu ástandi. Þetta dregur mann bara niður í svartnættið og af og til, af og til sjáðu, hefur verið ljós í myrkrinu en svo hverfur það bara eins og dögg fyrir sólu,“ segir Elliði.

Bergmann Guðmundsson kennari við Árskóla á Sauðárkróki og formaður Kennarasambands Norðurlands vestra furða sig á málflutningi Sambands íslenskra sveitarfélaga í miðjum kjaraviðræðum en sambandið gaf út yfirlýsingu fyrr í vikunni m.a. um að byrjunarlaun grunnskólakennara hafi hækkað sem nemur um 34% í síðustu samningum.

Skíðasvæðið í Tindastól ásamt Félagi ferðaþjónustunnar í Skagafirði efndu til hádegisfundar í dag á Ólafshúsi á Sauðárkróki og ræddu um vetrarþjónustu í Skagafirði. Að sögn Viggós Jónssonar var vel mætt og góðar umræður sem fóru fram. Á fundinn mættu m.a. Hjalti Páll Þórarinsson frá Markaðsstofu Norðurlands, Sigríður Sigurðardóttir safnvörður í Glaumbæ, Friðleifur E. Guðmundsson frá Eleven Experiens á Deplum og Guðmundur Karl Jónsson forstöðumaður í Hlíðarfjalli, sem öll ræddu um ferðamanninn og vetrartímann.

Nemendur 10. bekkjar Árskóla á Sauðárkróki mættu í Ráðhús sveitarfélagsins í morgun og afhentu Herdísi Sæmundardóttur fræðslustjóra stuðningsyfirlýsingu þeirra við kennara og kjarabaráttu þeirra. Báðu þeir um að bréfinu yrði komið áfram til kjaranefndar sveitarfélaganna.

Í kvöld 23. nóvember klukkan 20 verður lesið úr nýjum bókum í Safnahúsi Skagfirðinga á Sauðárkróki. Fjórir rithöfundar koma í heimsókn og lesa úr nýútkomnum bókum sínum. Arnar Már kemur í stað Bjartmars.

Í Jólablaði Feykis segir Hjalti Pálsson byggðasöguritari frá merkum fornminjum sem fundust í Fljótum síðast liðið sumar og veltir því upp hvort um landnámsskála Helga nafars á Stóra-Grindli sé að ræða.

Brakandi fínt Jólablað Feykis kemur út í dag en þar kennir ýmissa grasa. Blaðinu verður dreift frítt inn á öll heimili á Norðurlandi vestra. Meðal efnis í blaðinu eru viðtöl við Rósu Guðmundsdóttur í Goðdölum, Pawel Mickiewicz á Blönduósi, Pálu Kristínu Bergsveinsdóttur brottfluttan Króksara, Caroline Kerstin Mende eða Karólínu í Hvammshlíð, Sólveigu Birnu Halldórsdóttur í Afríku, en aðalviðtalið er að þessu sinni við þau Sigríði Gunnarsdóttur sóknarprest á Sauðárkróki og Þórarinn Eymundsson margfrægan hestamann.

Þau leiðu mistök urðu við gerð nýjasta Sjónhornsins að í miðopnu blaðsins prentaðist tveggja ára gömul jóladagskrá fyrir Skagafjörð í stað nýrrar. Mistökin uppgötvuðust ekki fyrr en gengið hafði verið frá um helmingi upplagsins og því munu Húnvetningar og Skagfirðingar utan Sauðárkróks fá þessa röngu dagskrá í hendur og eru þeir beðnir afsökunar á því.

Lionsklúbbur Sauðárkróks stendur fyrir sinni árlegu perusölu um næstu helgi í anddyri Skagfirðingabúðar þar sem ýmsar gerðir af perum verða boðnar falar. Verkefnið er göfugt þar sem allur ágóði rennur til góðgerðarmála í heimabyggð.

Rannsóknarnefnd samgönguslysa gaf, í upphafi vikunnar, út skýrslu um atvik sem átti sér stað er brú yfir Vatnsdalsá við bæinn Grímstungu hrundi undan þunga vörubifreiðar með festivagn. Rannsókn málsins leiddi í ljós að þungi vagnlestarinnar var vel yfir leyfðri heildarþyngd ökutækja á brúnni. Við rannsóknina komu einnig í ljós ýmsir annmarkar á öryggismálum og gerir nefndin þrjár tillögur í öryggisátt sem birtar eru í skýrslunni.