Fréttir

Íbúar Blönduósbæjar áttu góðu gengi að fagna í landsleiknum Allir lesa og höfnuðu í sjötta sæti þegar horft var á lestur eftir búsetu, samkvæmt fréttatilkynningu. Meðallestur þátttakenda í sveitarfélaginu voru rúmir 17 klukkutímar á fjögurra vikna tímabili.

Í dag klukkan tvö heldur fyrirlestraröðin „Með sunnudagskaffinu“ áfram á Byggðasafni Húnvetninga og Strandamanna á Reykjum í Hrútafirði. Dr. Vilhelm Vilhelmsson heldur fyrirlesturinn „Bændur og vinnuhjú í Miðfirði á 19.öld“.

Vinnubrögð Jose Costa, þjálfara mfl. Tindastóls, hafa vakið athygli. Í myndskeiði frá Körfuboltakvöldi Stöðvar 2, birt á vísi.is, má sjá Jose Costa stilla upp í frábæru leikkerfi í leik liðsins gegn Keflavík á föstudaginn sem endaði með fullorðins troðslu frá Myron Dempsey.

Eins og greint var frá í Feyki á fimmtudaginn var stór hluti heimila í Skagafirði rafmagnslaus í allt að sex klukkustundir síðastliðinn þriðjudag. Víða var rafmagn ekki komið á fyrr en um kvöldmatarleytið. Má nærri geta að óþægindi urðu mikil fyrir íbúa svæðisins og allt atvinnulíf. Rarik og Landsnet vinna nú að því að finna orsökina og í framhaldi viðunandi lausn til að tryggja raforkuöryggi Skagfirðinga.

Tindastólsmenn gerðu góða ferð í Keflavíkina í gær þar sem þeir mættu liði heimamanna sem hefur verið að gera got mót í Dominos-deildinni. Heldur hefur þó fjarað undan þeim Suðurnesjaköppum upp á síðkastið og Stólarnir létu þá aldeilis bragða á eigin meðali í fyrri hálfleik, keyrðu yfir heimamenn sem vissu ekki hvað snéri upp eða niður í Sláturhúsinu þar sem þeir eiga að þekkja hverja fjöl. Stólarnir slökuðu einum ef ekki tveimur of mikið á þegar líða fór á leikinn og mátti litlu muna að Keflvíkingar næðu að stela sigrinum í blálokin. Lokatölur 82-86 og frábær sigur staðreynd.

Í gær voru allar björgunarsveitir á Norðurlandi vestra kallaðar út vegna leitar að manni sem saknað var á í Vesturárdal í Miðfirði. Sá sem leitað var af er bóndi á svæðinu en hann hafði farið frá heimili sínu á vélsleða eftir hádegi í gær. Frá þessu var m.a. greint á vefnum mbl.is.

Úthlutunarnefnd á vegum umhverfis- og auðlindaráðuneytisins óskar eftir tilnefningum um fyrirtæki eða stofnun, sem vegna verka sinna og athafna á síðasta ári, er þess verðug að hljóta umhverfisviðurkenninguna Kuðunginn fyrir árið 2015.

Söfnun fyrir nýju ómtæki á Heilsugæsluna á Hvammstanga fer fram í Félagsheimilinu á Hvammstanga laugardagskvöldið 5. mars 2016. Um er að ræða kótilettukvöld með skemmtilegri og fjölbreyttri dagskrá. Húsið opnar kl. 19:30 og dagskrá hefst kl. 20:00.

Raki í húsnæði yngra stigi leikskólans Ársala á Sauðárkróki hefur valdið áhyggjum nokkurra foreldra barna leikskólans sem óttast að þar kunni að vera myglusveppur. Boðað var til fundar með foreldrum vegna þessa í gær þar sem foreldrar voru upplýstir um stöðu mála og fyrirhuguðum aðgerðum leikskólans.

Eins og sagt var frá í 6. tölublaði Feykis, fyrr í þessum mánuði, eru tólf fyrirtæki á Norðurlandi vestra á lista yfir þau 682 fyrirtæki landsins af tæplega 35.842 sem skráð eru í hlutafélagaskrá. Stóðust þau fyrirtæki styrkleikamat Creditinfo og teljast því vera Framúrskarandi fyrirtæki 2015.