Fréttir

Aðalfundur Tindastóls fór fram í Húsi frítímans þann 2. mars sl. Á dagskrá voru venjuleg aðalfundarstörf auk þess sem viðurkenningar voru veittar. Gerðar voru nokkrar breytingar á lögum félagsins þar sem skerpt var á nokkrum atriðum. Helgi Sigurðsson gaf kost á sér til áframhaldandi formennsku og aðrir í stjórn gerðu það líka, þ.e. Kolbrún Marvía Passaro, Laufey Kristín Skúladóttir, Magnús Helgason og Þórunn Ingvadóttir.

Íslandsstofa boðar til kynningarfundar í Skagafirði um markaðsverkefnið Íslenski Hesturinn sem hófst í lok árs 2015 og stendur í fjögur ár. Verkefninu er ætlað að efla ímynd íslenska hestsins á alþjóða vettvangi og auka gjaldeyristekjur greinarinnar í heild.

Sýningin „Árið er… lögin sem lifa“ verður haldin í íþróttahúsinu á Sauðárkróki í Sæluviku, föstudaginn 29. apríl. Þar verður íslensk dægurlagasaga flutt í tali og tónum af landsþekktum söngvurum í bland við upprennandi stjörnur. Fram koma meðal annarra Magni Ásgeirsson, Sigríður Thorlacius, Sigríður Beinteinsdóttir og fjöldi skagfirskra söngvara.

Framsagnarkeppni grunnskólanna í Húnavatnsþingi var haldin í gær þriðjudaginn 8. mars. Húnavallaskóli sá um lokahátíðina að þessu sinni. Keppnin er tileinkuð Grími heitnum Gíslasyni, fréttaritara, og fyrrum bónda frá Saurbæ í Vatnsdal. Markmið keppninnar er að glæða tilfinningu og metnað húnvetnskra grunnskólanema fyrir íslensku máli og framsögn.

Fyrir nokkrum árum var ég ein af þeim sem elskaði að hlaða á sig fylgihlutum og myndi reyndar gera meira af því í dag ef ég væri ekki með nikkel ofnæmi, þá sérstaklega skartið. Reyndar verð ég að viðurkenna að ég hætti alveg að ganga með allar gerðir af fylgihlutum eftir að ég eignaðist börnin mín, meira að segja töskur, því með þessum ungabörnum fylgir svo mikil fyrirferð og dót að ég nennti ekki að burðast með enn meira fyrir sjálfa mig.

Á Ströndum og Norðurlandi vestra er hægviðri og léttir smám saman til, suðaustan 8-13 m/s og slydda seint í kvöld. Hiti kringum frostmark. Samkvæmt vef Vegagerðarinnar er talsvert autt á Norðurlandi vestra, þó eru hálkublettir á Vatnsskarði. Hálka er víða á útvegum.

Framkvæmdir standa nú yfir í Félagsheimilinu Bifröst á Sauðárkróki en blaðamaður Feykis tók þessa mynd í dag, er hann átti leið hjá í góða veðrinu, af vöskum iðnaðarmönnum að verki. Samkvæmt upplýsingum frá Sveitarfélaginu Skagafirði er verið er að endurnýja þakjárn og þakrennur, skipta út hluta borðaklæðningar ásamt því að bæta einangrun á þakinu.

Það var kátt að hjalla á kótilettukvöldi sem haldið var á Hvammstanga um helgina. „Það gekk alveg ljómandi vel, um 280 manns komu sem er nánast húsfyllir,“ sagði Guðmundur Haukur Sigurðsson, formaður Lionsklúbbsins Bjarma, þegar Feykir hafði samband við hann í gær.

Byggðasafn Skagfirðinga hefur tekið þátt í myndaáskorun sem fór fram á Facebook síðustu daga en fimmta og jafnframt síðasta myndin var birt í dag. Það var Fornleifastofnun Íslands sem skoraði á Byggðasafnið að birta myndir af minjum í íslenskri náttúru á fimm dögum.

Sýn­ing ís­lenskra blaðaljós­mynd­ara opnaði í Perlunni sl. laugardag. Við opn­un­ina voru nokkr­um ljós­mynd­ur­um veitt verðlaun fyr­ir bestu mynd­ir árs­ins 2015 en þeirra á meðal var myndröð Heiðu Helgadóttur frá Laufskálarétt. mbl.is greinir frá.