Fréttir

Úrslitakeppnin í körfunni hófst í gærkvöldi með tveimur leikjum. Íslandsmeistarar KR unnu öruggan sigur á Grindvíkingum í Vesturbænum en í Sláturhúsinu í Keflavík voru Tindastólsmenn mættir ásamt fjölmennu fylgdarliði og öttu kappi við heimamenn í hressilegum leik. Stólarnir tóku forystuna snemma leiks og héldu henni allt til leiksloka en spennan var í hámarki undir lokin þegar heimamenn gerðu ágæta atlögu að Stólunum. Steig þá upp Darrel Lewis og lokaði leiknum. Lokatölur 90-100 og lið Tindastóls komið með undirtökin í einvígi liðanna.

Byggðarráð Sveitarfélagsins mun óska eftir formlegu samstarfi við ASÍ um uppbyggingu á íbúðarhúsnæði fyrir tekjulágar fjölskyldur og einstaklinga. Þetta kemur fram í fundargerð Byggðarráðs frá því í gær.

Mikil óánægja er meðal sauðfjárbænda í Húnaþingi vestra, á Ströndum og Vestfjörðum með búvörusamninginn sem nú liggur fyrir til staðfestingar. Ráðgjafamiðstöð landbúnaðarins hefur áætlað með samningnum verði tekjur sauðfjárbænda á Ströndum og í Ísafjarðarsýslum skertar um 20 prósent. RÚV.is greinir frá.

Lilja Raf­ney Magnús­dótt­ir alþing­ismaður (VG) hef­ur sent frá sér yf­ir­lýs­ingu vegna um­mæla ut­an­rík­is­ráðherra um að hún hafi ekki gert grein fyr­ir hags­mun­um sín­um um kvóta­sölu sína og fjöl­skyld­unn­ar. Í yfirlýsingunni segist Lilja Raf­ney hvorki hún né eig­inmaður­ hennar hafi átt eða selt kvóta.

Kvennatölt Norðurlands fer fram 24.mars - skírdag og hefst klukkan 18:00 í Reiðhöllinni Svaðastöðum. Keppt verður í þremur flokkum, Opnum flokki, minna vönum og 17 ára og yngri. Veitt verður einnig verðlaun fyrir flottasta parið og bestu útfærslu á þema, en þemað í ár eru páskarnir/gulir.

Í Feyki sem kom út í dag skrifar Hörður Ingimarsson hugleiðingar sínar um ljósmynd Þorsteins Jósepssonar af Emmu og Binna að þvo ull í Sauðánni, sem rann austan Árbæjar þar til farvegi árinnar var breytt og flutt í Tjarnartjörnina.

Byggðarráð Sveitarfélagsins Skagafjarðar tekur undir sjónarmið stjórnar Landssambands smábátaeigenda sem hafa skorað á sjávarútvegsráðherra að auka veiðiheimildir til þorskveiða um 30 þúsund tonn. Þetta kemur fram í fundargerð Byggðarráðs sem birt hefur verið á vef Sveitarfélagsins.

Byggðarráð Svf. Skagafjarðar tók til umræðu gúmmíkurl á íþróttavöllum á fundi sínum í dag. Á fundinum var lagt fram tölvupóstur frá Sambandi íslenskra sveitarfélaga, dagsettur 14. mars 2016 varðandi þingsályktunartillögu um bann við notkun gúmmíkurls úr dekkjum á leik- og íþróttavöllum.

Grunnskólarnir í Skagafirði tóku þátt í undankeppni Skólahreystis sem fram fór í íþróttahöllinni á Akureyri í gær. Stóðu allir keppendur skólanna sig með prýði en að lokum fór það svo að Árskóli sigraði 8. riðil og mun taka þátt í lokakeppninni sem fram fer í Laugardalshöll miðvikudaginn 20. apríl.

Fyrsti fundur sveitarstjórnar Sveitarfélagsins Skagafjarðar í nýjum fundarsal, Ströndinni svonefndri, í Húsi frítímans var haldinn í gær. Á vef Sveitarfélagsins Skagafjarðar kemur fram að nú verður hægt að fylgjast með fundunum í beinni í mynd en fundirnir verða teknir upp og sendir út beint á Youtube.