Fréttir

Skagfirðingar kepptu á þremur vígstöðvum í sjónvörpum landsmanna í gærkvöldi og máttu bíta í það súra epli að fara halloka á þeim öllum. Frammistaðan var hins vegar til mikillar fyrirmyndar og geta keppendur í Útsvari, The Voice og körfuboltalið Tindastóls borið höfuðið hátt þrátt fyrir svekkelsið. Tindastóll tapaði fyrir liði Íslandsmeistara KR í Vesturbænum eftir æsispennandi og að lokum framlengdan leik. Lokatölur 80-76.

Síðasti þátturinn í The Voice Ísland fór fram í gærkvöldi og spennan mikil. Tveir Skagfirðingar, Ellert og Sigvaldi, voru í fjögurra manna úrslitum og því gerðu Skagfirðingar sér nokkrar vonir um að annar þeirra færi heim sem sigurvegari. Það var hinsvegar kraftakrúnerinn Hjörtur Traustason sem hneppti hjörtu þjóðarinnar í gíslingu með því að syngja lagið Ferðalok í tveggja manna úrslitum og stóð uppi sem sigurvegari.

„Eitt af því allra skemmtilegasta sem ég geri er að elda góðan mat.,“ segir Gísli Einarsson, ritstjóri Landans og tengdasonur Skagafjarðar, en hann gefur lesendum uppskrift af önd í bláberjabruggi í Jólablaði Feykis.

Skagfirðingar hafa setið límdir við sjónvarpsskjái sína í kvöld, það er þeir sem ekki voru í beinni útsendingu að fylgjast með körfubolta, leitinni að bestu röddinni eða æsispennandi spurningakeppni. Þó ekki yrðu skagfirskir sigrar á neinum þessarra vígstöðva stóðu fulltrúar héraðsins sig með stakri prýði og buðu upp á spennandi keppni, hver á sínu sviði.

Nýlega kom út bókin Hersetan á Ströndum og Norðurlandi vestra eftir Friðþór Eydal. Eins og nafnið gefur til kynna inniheldur bókin frásagnir og fróðleik af veru breskra og bandarískra hermanna á svæðinu á tímum seinni heimstyrjaldarinnar.

Vegna slæmrar veðurspár verður áður auglýstum Upplestri á aðventu, sem vera átti í Heimilisiðnaðarsafninu á Blönduósi á morgun kl. 15:00, frestað til sunnudags. Hefst hann í staðin á sunnudaginn, 6. dsember, klukkan 14:00. Boðið er upp á heitt súkkulaði og smákökur.

Til stendur að deiliskipuleggja minjasvæði Hegranesþings í Skagafirði. Á fundi skipulags- og byggingarnefndar í morgun var lögð fram ósk frá Ástu Hermannsdóttur, verkefnastjóra á Minjastofnun Íslands, um leyfi til handa Minjastofnun Íslands, til að deiliskipuleggja minjasvæði Hegranesþings og nánasta umhverfi. Svæðið er í landi Garðs í Hegranesi.

Í seinasta pistli fjallaði ég um netverslanir á Íslandi og því miður eru þær ekkert rosalega margar en það er alltaf ný og ný að bætast við í flóruna, mér til mikillar ánægju. En á meðan ég ráfaði um á netinu að leita þær uppi gaf ég mér tíma til að skoða fataúrvalið í hverri og einni. Það voru nefnilega nokkrar flíkur sem gripu augað mitt strax því þær voru bæði áberandi og pínu öðruvísi þegar á heildina var litið. Mig langar því til að taka þær fyrir í þessum pistli. Því þetta geta verið fallegar og klæðilegar flíkur sem geta gert mikið fyrir heildar „lookið“.

Skagfirðingar mæta Fljótsdalshéraði í annarri umferð spurningarkeppninnar Útsvars sem sýnd verður í beinni útsendingu á RÚV á föstudagskvöldið. Í fyrstu umferð sigruðu Skagfirðingar lið Ísafjarðar.

Hin 76 ára Erla Gígja Þorvaldsdóttir á Sauðárkróki hefur árum saman dundað við lagasmíðar sér til ánægju. Á dögunum kom út hennar fyrsti geisladiskur. Lögin fjórtán á disknum eru öll eftir hana, flutt af hinum ýmsu tónlistarmönnum, við texta eftir höfunda sem flestir eru skagfirskir.