Fréttir

Í fundi byggðaráðs Blönduósbæjar, síðastliðinn mánudag, var lagt fram erindi frá G. Ágúst Péturssyni vegna „Wild Entrepeneurs“ umsóknar sem hlotið hefur vinnuheitið "Growth for Adventure Tourisn Entrepreneurs (GATE).

Sláturtíðin gekk vel hjá SAH Afurðum á Blönduósi í haust, enda þaulvant fólk sem kemur til starfa ár eftir ár og gengur í sínar stöður, að því er sagt er frá á vef Sölufélagsins. Alls var slátrað 104.196 fjár að þessu sinni sem er aukning um þúsund fjár frá því í fyrra.

Sunnudaginn 22. nóvember næstkomandi verða tónleikar í Menningarhúsinu Miðgarði í Skagafirði undir yfirskriftinni „Frá Ara til Aladdin – barnalög fyrir alla fjölskylduna.“ Á tónleikunum koma fram ýmsir skagfirskir söngvarar sem syngja vinsæl barnalög frá ýmsum tímum.

Vegna forfalla ráðherra verður því miður að fresta boðuðum kynningarfundi um vegvísi í ferðaþjónustu, sem halda átti á komandi mánudag 16. Nóv. kl 12 í Eyvindarstofu á Blönduósi. Nýr fundartími verður tilkynntur á allra næstu dögum.

Konur í Kvenfélagi Svínavatnshrepps færðu leikskólanum Vallabóli í Húnavatnshreppi nýlega veglega gjöf en það var Hljóðasmiðja Lubba „Lubbi finnur málbein“, sem hjálpar íslenskum börnum að læra málhljóðin.

Fræðsluþjónusta Skagfirðinga fékk styrk frá einni af menntaáætlunum ESB, Comenius Regio, til tveggja ára samstarfs við sveitarfélagið Óðinsvé í Danmörku. Verkefnið stóð yfir á árunum 2012-2014 og var markmið þess að rannsaka aðferðir stjórnenda og fagfólks í skólakerfinu við að skipuleggja áhugavert og hvetjandi lærdómsumhverfi fyrir börn á aldrinum 5 – 8 ára í þeim tilgangi að auka samfellu í skóladegi barnanna.

Ökumaður slasaðist alvarlega í bílveltu skammt frá Staðarskála í Hrútafirði um tíuleitið í gærkvöldi. Samkvæmt upplýsingum frá lögreglunni á Norðurlandi vestra var ökumaðurinn einn í bílnum en verið er að rannsaka orsakir slyssins.

Söngspírurnar hljómfögru munu taka raddbönd sín til kostanna í sjöunda þætti The Voice Ísland í kvöld. Þættirnir hafa vakið verðskuldaða athygli en margir sitja spenntir yfir sjónvarpinu sínu og heyrst hefur að fólk jafnvel tárist yfir örlögum og gleði söngvaranna. Í kvöld mun Húnvetningurinn Hrafnhildur Ýr Víglundsdóttir syngja um áframhaldandi þátttöku.

Eftir þrjá tapleiki í röð í Domino´s deildinni kom loks sigur í hús hjá Stólunum gegn Hetti. Leikurinn fór fram í Síkinu, íþróttahúsinu á Sauðárkróki, í gærkvöldi og voru lokatölur 80-75. „Ljótasti sigur í heimi en sigur þó lykilatriðið,“ segir í skemmtilegri lýsingu á leiknum sem birt var á Feyki.is í gærkvöldi og má lesa hér.

Hann var ekki fallegur leikur Tindastóls og Hattar í Síkinu í kvöld í Dominos-deildinni í körfubolta og sérstaklega voru heimamenn flatir. Það var nánast eins og menn nenntu þessu ekki og ef eitthvað bit hefði verið í Hattarmönnum þá hefðu þeir stolið þessu undir lokin. Það góða við leikinn er að hann er búinn og skilaði tveimur stigum á töfluna til Tindastóls.