Fréttir

Frá útgáfuhátíð vegna útkomu 36. bindis Skagfirðingabókar

Laugardaginn 7. nóvember stóð Sögufélag Skagfirðinga fyrir útgáfuhátíð og kynningu í tilefni af útkomu nýrrar Skagfirðingabókar fyrir árið 2015 en bókin er sú 36. í röðinni. Kynningin fór fram á Kaffi Króki á Sauðárkróki og var ágæt mæting. Hjalti Pálsson frá Hofi, formaður félagsins, kynnti innihald bókarinnar en síðan fluttu feðgarnir Brynjar Pálsson og Páll Brynjarsson smá tölu um umfjöllunarefni höfuðkafla bókarinnar, Króksarana frá Jótlandi, apótekarahjónin Minnu og Ole Bang, en þann kafla ritaði Sölvi Sveinsson sem var fjarri góðu gamni að þessu sinni.
Meira

Dagur íslenskrar tungu haldinn hátíðlegur

Degi íslenskrar tungu, fæðingardegi Jónasar Hallgrímssonar, fagnað í tuttugasta sinn í dag, en hann fæddist árið 1807. Efnt er til ýmissa viðburða í dag undir merkjum hátíðisdagsins en þess má geta að Dagur íslenskrar tungu er opinber fánadagur.
Meira

Laxasetur Íslands hættir rekstri sýningar

Laxasetur Íslands, sem opnað var að Efstubraut 1 í júní 2010, hefur hætt rekstri. Á Húna.is segir að ákvörðun um það hafi verið tekin á aðalfundi félagsins í síðasta mánuði. Skýringin er að reksturinn hefur ekki gengið sem skyldi þrátt fyrir ýmsar tilraunir, samkvæmt tilkynningu frá stjórn Laxasetursins.
Meira

Vilja aukin framlög til málaflokka mikilvæga fyrir byggðaþróun

Landshlutasamtök á öllu landinu, þar á meðal Samtök sveitarfélaga á Norðurlandi vestra, hafa sent áskorun til ráðherra og alþingismanna að tryggja við gerð fjárlaga fyrir árið 2016 að aukin framlög verði til nokkurra málaflokka sem samtökin telja
Meira

Ástand mannsins óbreytt

Ástand karlmanns á sjötugsaldri, sem fluttur var þyrlu á Landspítalann á fimmtudagskvöld eftir bílveltu í Hrútafirði, er óbreytt samkvæmt frétt Rúv.is. Manninum er haldið sofandi í öndunarvél á gjörgæsludeild Landspítalans í Fossvogi.
Meira

Rabb-a-babb 123: Unnur Valborg

Nafn: Unnur Valborg Hilmarsdóttir. Árgangur: 1973. Fjölskylduhagir: Gift Alfreð Alfreðssyni húsasmíðameistara, við eigum saman Guðna Þór (f. 2011) og Birtu Ögn (f. 2013). Fyrir átti ég Myrkva Þór (f. 1997) Búseta: Í Valhöll og Sólgarði á Hvammstanga. Hverra manna ertu og hvar upp alin: Foreldrar mínir eru Hilmar Hjartarson frá Hvammstanga og Aðalheiður Gunnarsdóttir frá Laxárdal í Hrútafirði. Ég er alin upp á Hvammstanga til 9 ára aldurs og fluttist þá til Reykjavíkur, í Árbæinn. Orð eða frasi sem þú notar of mikið? Æ ég gleymdi því!
Meira

Ferð að Öskugosinu í október 1961

Það var 12. október á því herrans ári 1961 sem jarðskjálftamælar hér á landi fóru að sýna jarðskorpuhreyfingar, sem vísindamenn töldu benda til að eitthvað óvenjulegt væri á seyði í Dyngjufjöllum. Nokkrum dögum síðar, eða 19. október urðu vísindamenn, sem staddir voru á svæðinu, áhorfendur að því að stórkostlegur hver myndaðist nærri Öskjuopi og spjó leir og grjóti yfir næsta umhverfi sitt. Nokkru síðar hætti að mestu vatnsrennsli frá hvernum og töldu vísindamenn það benda til þess að kvika hefði soðið allt vatn úr berggrunninum og hún nálgaðist yfirborðið.
Meira

Haförn á flugi í Húnaþingi

Þessi haförn varð á vegi blaðamanns Feykis á dögunum á ferð um Miðfjörð í Húnaþingi vestra. Hann lét eftirför blaðamanns ekki trufla sig, gaut augunum annað slagið aftur, en hélt áfram flugi sínu inn fjörðinn þar til hann hvarf inn í þokuna. Samkvæmt upplýsingum frá Náttúrustofu Vesturlands er um að ræða fullorðinn fugl en undanfarin ár hafa þrjú arnarpör orpið við Húnaflóa. „Vonandi fjölgar þeim og varpútbreiðslan færist áfram til austurs,“ segir Róbert Arnar Stefánsson forstöðumaður Náttúrustofunnar.
Meira

Fjölsótt ráðstefna um upplýsingatækni í skólastarfi

Vinnu- og menntabúðir um upplýsingatækni í skólastarfi fóru fram á Sauðárkróki dagana 6. og 7. nóvember. Þetta var í fyrsta sinn sem slík ráðstefna var haldin hérlendis og tókst afar vel til að mati skipuleggjendanna Ingva Hrannars Ómarssonar, sérfræðingi í skólaþróun og kennsluráðgjafi í upplýsinga- og tæknimálum í Svf. Skagafirði, og Margrétar Bjarkar Arnardóttur, náms- og starfsráðgjafa við Árskóla á Sauðárkróki.
Meira

Sushi og nautakjöt í Guiness bjór

Helga Hinriksdóttir og Páll Sigurður Björnsson frá Hvammstanga voru matgæðingar Feykis í 27. Tölublaði ársins 2010. Þau buðu upp á sushi og nautakjöt í Guiness bjór.
Meira