Fréttir

Þann 15. maí sl. komst Samkeppniseftirlitið að þeirri niðurstöðu að Steinull hefði brotið gegn skilyrðum í ákvörðun samkeppnisráðs nr. 19/2002, m.a. með því að veita Húsasmiðjunni upplýsingar um viðskiptakjör Norðuráls á steinull, eins og sagt er frá á vefsíðu Samkeppniseftirlitsins.

Stólarnir áttu erfiðan leik sl. fimmtudagskvöld, eins og sjá má í meðfylgjandi myndskeiði, þegar Haukar mættu í Síkið. Lokatölur leiksins voru 64-72 og má lesa leiklýsinguna hér. Að leik loknum voru Pieti Poikola þjálfari Tindastóls og Harri Mannonen aðstoðarþjálfari leystir undan samningi við Körfuknattleiksdeild Tindastóls.

Á fésbókarsíðu Byggðasafns Skagfirðinga er sagt frá því að fyrir skömmu færðu þau Sigríður B. Pálsdóttir og Reynir Sigurðsson safninu ruggustól séra Hallgríms Thorlaciusar, sem bjó í Glaumbæ 1894-1935.

Út er komin handbók sem ber heitið „A Good Practice Guide to Equine Tourism – Developing Native Breed Equine Tourism in the North Atlantic Region“. Höfundar handbókarinnar eru Guðrún Helgadóttir, prófessor við Háskólann á Hólum, Ingibjörg Sigurðardóttir, lektor við Háskólann á Hólum og Rhys Evans.

Hafinn er undirbúningsvinna að Evrópuverkefninu FREE hjá Vinnumálastofnun en það er samstarfsverkefni fimm landa þ.e. Íslands, Króatíu, Bretlands, Litháens og Búlgaríu. Verkefnið hlaut 40 milljónir í styrk úr Erasmus+ áætlun Evrópusambandsins síðastliðið sumar. Norðurland vestra er meðal þriggja landhluta sem sjónum er sérstaklega beint að í verkefninu.

Tindastólsmenn féllu úr leik í Poweradebikarnum í gærkvöldi þegar strákarnir sóttu Njarðvíkinga heim í Ljónagryfjuna. Leikurinn var æsispennandi en slakur lokakafli Stólanna reyndist dýrkeyptur. Haukur Helgi Pálsson setti niður þrist þegar tvær sekúndur voru eftir og þrátt fyrir ágæta tilraun tókst Stólunum ekki að jafna. Lokatölur 66-63.

Nes Listamiðstöð hefur verið starfrækt frá árinu 2008 og hefur gengið í gegnum ýmislegt í rekstri sínum frá stofnun. Það er vissulega eðlilegt að ný starfsemi geti átt erfitt uppdráttar fyrstu árin og ákveðið gleðiefni að á síðustu tveimur árum hefur verið meiri stöðugleiki í rekstri listamiðstöðvarinnar og ánægjulegt að segja frá því að undanfarin þrjú ár hefur hún skilað jákvæðri rekstrarniðurstöðu. Horfur eru einnig nokkuð góðar því allt komandi ár er að mestu fullbókað.

Veitingastaðurinn B&S Restaurant á Blönduósi er líklega á hentugasta stað sem hugsast getur fyrir þá sem eiga leið um hringveginn. Framan við veitingastaðinn sem er í næsta húsi við N1 þjónustumiðstöðina er stórt bílastæði sem auðveldlega rúmar fjölda einkabíla og langferðabifreiða.

„Skagfirðingar og nærsveitungar hafa alltaf tekið VÍS húfunum vel og þeir létu ekki happ úr hendi sleppa núna frekar en endranær,“ segir Sigurbjörn Bogason þjónustustjóri VÍS á Sauðárkróki.

Keilir verður með kynningu á fjarnámi í Háskólabrú Keilis (bæði með og án vinnu) á Sauðárkróki á morgun, 3. nóvember. Kynningin fer fram í Farskólanum, Faxatorgi, kl. 12:15 - 13:00.