Fréttir

Umræða var í samfélaginu Sauðárkrókur eftir að á fjórða tug bíla voru sektaðir fyrir að leggja ólöglega fyrir utan Íþróttahúsið á Sauðárkróki meðan verið var að blóta þorra í Síkinu. Einhver óánægja var meðal þorrablótsgesta yfir þessu, að fyrirmæli hefðu mátt vera skýrari og að fólki hefði mátt gefast kostur á að færa bílana frekar en að fá sektina. Feykir hafði sambandi við fulltrúa lögregluna sem sagði að þau leggðu alltaf áherslu á að aðgengi neyðarbíla sé tryggt. 

Brussels Basketball frá Belgíu heimsækir Síkið í kvöld 10.febrúar og verður flautað til leiks á slaginu 19:15. Miðasala á leikinn fer fram á Stubb. Það hefur verið örlítil brekka í boltanum undanfarið svo oft var þörf en nú er nauðsyn að mæta í Síkið og hvetja okkar menn til sigurs.

Veðurstofan gerir ráð fyrir norðaustan 8-15 og mögulega slyddu eða éljum næsta sólarhringinn en þurrt í innsveitum. Hiti 0 til 3 stig. Dálítil él á annesjum og Ströndum á morgun og kólnar smám saman síðdegis. Feykir les þannig í spákortin að vindur geti náð sér á strik vestan fjallgarða en veður ætti að vera skaplegt víðast hvar annars staðar eins og í nágrenni Sauðárkróks. Á morgun dregur úr vindi og það kólnar talsvert þegar nálgast helgi og má sjá frosstölur allt að 20 gráðum hér norðanlands um helgina.

Það var mikill handagangur í öskjunni og bros á hverju andliti í tröllabrúðusmiðju í Héraðsbókasafni Skagfirðinga í Safnahúsinu á Sauðárkróki á laugardaginn. Leiðbeinandi var brúðuleikarinn Greta Clough frá Hvammstanga en hress hópur þátttakenda gerðu sínar eigin brúður undir hennar leiðsögn.

Á morgun, miðvikudaginn 11. febrúar, verður 112 dagurinn haldinn hátíðlega víða um land. Markmið dagsins er að minna á þetta mikilvæga neyðarnúmer ásamt því að þakka neyðarvörðum og öðrum viðbragðsaðilum fyrir þeirra ómetanlegu störf. Dagsetningin 11.2. er táknræn og hjálpar landsmönnum að muna þetta lífsnauðsynlega númer.

Samtök sveitarfélaga á Norðurlandi vestra og Farskólinn - miðstöð símenntunar á Norðurlandi vestra standa fyrir málþingi um stöðu og framtíð smáframleiðenda laugardaginn 7. mars næstkomandi klukkan 10-15 í Miðgarði í Varmahlíð. Nánari dagskrá málþingsins verður auglýst síðar en líklegt má telja að til umræðu verði bæði áskoranir og tækifæri sem smáframleiðendur standa frammi fyrir á markaði.

Stólastúlkur eru komnar með nýjan markvörð til að verja mark sitt í Lengjudeildinni í sumar en Tea Lundmark hefur skrifað undir samning við Tindastól. Hún hefur spilað í Svíþjóð allan sinn feril, er mætt til landsins og komin með leikheimild fyrir fyrsta leikinn í Lengjubikarnum.

Meistaradeild KS í hestaíþróttum hefst í Reiðhöllinni Svaðastöðum á Sauðárkróki miðvikudaginn 11. febrúar kl 18:00 þar sem keppt verður i fjórgangi. Í MD KS er keppt í átta mismunandi greinum og stendur keppni fram á vor; alls sex keppnisdagar en lokakvöldið verður 17. apríl sem er föstudagur í Sæluviku. „Í vetur mæta níu lið til leiks og því 27 keppendur í hverri grein þar sem þrír knapar úr hverju liði mæta til leiks, nema i gæðingalist þar sem tveir knapar úr hverju liði taka þátt i þeirri grein. Það eru þónokkuð margir nýir knapar sem mæta til leiks í vetur og verður gaman að fylgjast með þeim spreyta sig á þessu sviði,“ segir Sigurlína Erla Magnúsdóttir mótsstjóri Meistaradeildar KS í samtali við Feyki.

Þó Eysteinn Ívar Guðbrandsson sé nú bara á 25. ári þá er eiginlega mesta furða að Feykir sé ekki löngu búinn að plata hann í að svara Tón-lystinni, enda kappinn búinn að vera viðriðinn leik og söng frá unga aldri. Hans hljóðfæri er píanó en hann segir þó sjálfur að aðalhljóðfærið hans sé röddin. Eysteinn, sem er fæddur árið 2001, er Króksari og hefur búið þar alla tíð. „Ég er sonur þeirra Guðbrands Jóns Guðbrandssonar og Sigurlaugar Vordísar Eysteinsdóttur.

Labrador hundar eru meðal vinsælustu hundategunda í heiminum í dag og er engin furða því hér eru á ferðinni vingjarnlegir, greindir, leiknir og geðgóðir hundar sem eru góðir fjölskylduhundar og miklir vinnuhundar. Labrador, eða Labbi eins og tegundin er stundum kölluð, eru meðal þeirra hunda sem eru hvað fljótastir að læra og eru miklir sundkappar enda voru þeir upphaflega ræktaðir til þess að sækja bráð skotveiðimanna í vatn og til brúks á andaveiðum.