Fréttir

Tónlistarskóli Austur-Húnavetninga stendur nú frammi fyrir verulegum húsnæðis- og aðstöðuvanda sem hefur bein áhrif á gæði og skilvirkni tónlistarnáms í sveitarfélaginu. Til þess að tónlistarkennsla geti farið fram með eðlilegum hætti þarf tónlistarskóli að vera í návígi við grunnskólann. Nemendur þurfa að geta gengið auðveldlega úr kennslustundum í grunnskólanum yfir í tónlistartíma og aftur til baka án þess að það raski skólagöngu þeirra eða skapi óþarfa álag.

Byggðalistinn er ekki háður hefðbundinni flokkspólitík og getur því virkjað mannauðinn og skapað hugmyndir með frelsið að leiðarljósi. Á listanum er fólk af öllu hinu pólitíska litrófi, með ólíkan bakgrunn og víðsvegar að úr Skagafirði. Þannig búum við að víðtækri þekkingu á samfélaginu okkar, en eigum það sameiginlegt að brenna fyrir hagsmunum íbúa Skagafjarðar.

Við höfum flest verið í þeim aðstæðum að íhuga stóra ákvörðun. Ákvörðun sem mun breyta lífi okkar að mörgu leyti, ákvörðun um að stíga út fyrir þægindarammann og/eða ákvörðun sem við vitum að felur í sér skuldbindingu þar sem fólk treystir á okkur og við megum ekki bregðast. Það eru nokkrir mánuðir síðan ég fór að íhuga af alvöru að gefa kost á mér til starfa fyrir samfélagið mitt á vettvangi sveitarstjórnar. Það er margt sem fer í gegnum huga manns og fyrir mér var stærsta spurningin hvort ég gæti lagt allt í sölurnar til þess að láta framtíðarsýn verða að veruleika sem hefur kraumað innra með mér um tíma. Sýn sem ég hef lýst með orðunum „Gerum Skagafjörð skemmtilegri“.

Í byrjun júní verða komin þrjú ár síðan ég fluttist á Sauðárkrók ásamt syni mínum. Flutningarnir voru gæfuspor í okkar lífi og hér hefur okkur liðið mjög vel. Við höfum fjárfest í fasteign og hér ætla ég, að minnsta kosti, að búa þar sem eftir er.

Háskólinn á Hólum stendur, í samstarfi við Gló stuðningsfélag, fyrir tveggja daga ráðstefnu þar sem sjónum verður beint að dýrastuddri nálgun í heilbrigðis-, mennta- og félagsþjónustu, með sérstakri áherslu á hesta.

Söngkeppni Samfés var haldin í Laugardalshöll síðastliðinn laugardag, þann 9. maí. Meðal atriða sem komust áfram í keppnina var framlag félagsmiðstöðvarinnar Skjólsins á Blönduósi og félagsmiðstöðvarinnar Órion á Hvammstanga.

Þriðji leikur Grindavíkur og Tindastóls fer fram í Grindavík í kvöld og með sigri verða heimamenn Íslandsmeistarar. Það er nú að öllum líkindum eitthvað sem Tindastólsmenn vilja koma í veg fyrir og ekki seinna vænna að mæta til leiks með góða skotsýningu og koma sér inn í einvígið á ný. Og hvern langar að sjá dónann Deandre lyfta bikar? Ekki Feyki.

Nú styttist í stóru stundina, að kjörstaðir verði opnaðir og framtíð Skagafjarðar sett í þínar hendur. Á síðustu vikum hefur kosningabarátta verið háð með tilheyrandi fundarhaldi, sameiginlegum framboðsfundum, pallborðsumræðum og greinaskrifum. Fyrir kjósendur er skiljanlega erfitt að fylgjast með öllum umræðum. Það er því við hæfi að draga saman nokkur atriði sem fram hafa komið í baráttunni og þá taktík sem notuð hefur verið.

Kæru íbúar Húnabyggðar. Nú líður að kosningum til sveitastjórnar og langar mig að segja nokkur orð við ykkur. Ég tók þátt í sameiginlegum framboðsfundi í Húnaveri á fimmtudagskvöld og mikið rosalega er ég sátt við umgjörðina á fundinum, mætinguna í húsið og andann í samfélaginu okkar. Kærar þakkir til ykkar sem stóðuð að þessum viðburði, mættuð, horfðuð og tókuð þátt.

Það hefur væntanlega ekki farið fram hjá neinum sem fylgist með Feyki.is að það eru sveitarstjórnarkosningar framundna en kosið verður laugardaginn 16. maí. Mikill urmull aðsendra greina hefur birst á síðunni og er það vel. Við á Feyki ætlum hins vegar að biðja greinarhöfunda að virða við okkur að engar aðsendar greinar verða birtar á kjördag.