Mannlíf

Það er ekki beinlínis leyndarmál að Skagfirðingum þykir gaman að syngja og sumir eru jafnvel betri en aðrir. Það hefur ekki farið fram hjá mörgum að bræðurnir Ingi Sigþór, Róbert Smári og Sveinn Rúnar eru í þeim hópi. Þeir stefna nú ótrauðir á tónleikahald og miðasala raunar komin í gang en tónleikarnir verða í Miðgarði þann 9. október og með þeim verður Guðrún Gunnars með sína sólskinstóna.

Tólf nemendur þreyttu nýverið úrtökupróf fyrir Gettu betur lið Fjölbrautaskóla Norðurlands vestra. Þau sem komust áfram og munu æfa saman eru Lára Sigurðardóttir, Snædís Katrín Konráðsdóttir, Ingimar Eyberg Ingólfsson og Emma Katrín Helgadóttir sem eru öll Króksarar og síðan Hafþór Ingi Brynjólfsson frá Fagranesi og Halldór Stefánsson frá Þverá.

Árskóli á Sauðárkróki hýsir setningu Göngum í skólann þetta skólaárið. Setningin verður á íþróttavellinum á Króknum nú á eftir, föstudaginn 4. september kl. 10:20, og væntanlega er öllum velkomið að mæta. Skólastjóri býður gesti velkomna, fulltrúi frá ÍSÍ segir nokkur orð, sveitarstjóri ávarpar samkomuna og lögreglan flytur stutt erindi um umferðaröryggi.

Tilkynnt hefur verið um hvaða aðilar fá umhverfisviðurkenningar Sveitarfélagsins Skagastrandar fyrir árið 2026. Það eru annars vegar veitingahúsið Harbour á hafnarsvæðinu og svo hins vegar eigendur Sunnuvegar 1. Ragnheiður Erla Stefánsdóttir, oddviti sveitastjórnar, og Ólafur Þór Ólafsson, sveitarstjóri, afhentu verðlaunin á fallegu haustkvöldi síðasta þriðjudag.

Næstu helgi verður mikið um að vera í Bifröst en þá verður mikil markaðsstemning. Húsbændur í Bifröst eru Sigurlaug Vordís og Fúsi Ben. Feykir heyrði í Sillu og spurðist fyrir um hvað væri í gangi?

Íþróttavika Evrópu (European Week of Sport) er haldin er 23.-30.september ár hvert í yfir 30 Evrópulöndum. Markmið með íþróttaviku Evrópu er að kynna íþróttir og almenna hreyfingu um alla Evrópu og sporna við auknu hreyfingarleysi meðal almennings.

Kaupfélag Skagfirðinga og Vörumiðlun leggja verkefninu Gulur september lið en það stuðlar að vitundarvakningu um geðrækt og sjálfsvígsforvarnir. Á alþjóðlegum forvarnardegi sjálfsvíga, fimmtudaginn 10. september, verður því blásið til skemmtihlaups á Sauðárkróki fyrir alla fjölskylduna.

Blaðamaður Feykis hafði samband og bað mig að segja lítillega frá ferð sem farin var fram í Austurdal nýlega, í þeim tilgangi að merkja eyðibýli og fornbýli. Það er sjálfsagt að verða við þeirri beiðni.

Nú er stutt í að sauðfjárbændur fari að flykkjast um fjöll og heiðar í leit að sauðfé sínu. Fyrir mörgum er þetta mesta fjörið sem fylgir búskapnum. Bændablaðið tekur árlega saman lista yfir réttir landsins og er leitað í hann hér auk þess sem bætt hefur verið við upplýsingum af heimasíðu Skagafjarðar.

Sunnudaginn 23. ágúst var sérstök hátíðarmessa í Mælifellskirkju þar sem minnst var 100 ára vígsluafmælis. Afmælið var reyndar í fyrra en vegna þess að miklar endurbætur stóðu yfir í og við kirkjugarðinn var hátíðarhöldum frestað þar til nú. Þessu endurbótum er nú að mestu lokið og er mikill sómi að.