Mannlíf

Íslenskur landbúnaður verður í aðalhlutverki á samnefndri sýningu í Laugardalshöll helgina 9.-11. október næstkomandi. Það er fagsýningarfyrirtækið Ritsýn sem stendur að sýningunni og er þetta þriðja landbúnaðarsýning þess. Sýningarrými seldust upp fyrir nokkrum mánuðum en sýnendur eru hátt í 100 bæði innan og utan dyra í Laugardalnum.

Á morgun, föstudaginn 9. október kl. 14, fer fram útskrift frá Ferðamáladeild og Fiskeldis- og fiskalíffræðideild Háskóla Íslands á Hólum. Á heimasíðu skólans segir að við athöfnina muni nemendur taka við prófskírteinum sínum að loknu námi og marka þannig mikilvægan áfanga á námsferli sínum. Útskriftin er jafnframt tækifæri til að fagna árangri nemenda og þeirri þekkingu og reynslu sem þau hafa aflað sér á meðan á námi stóð.

Lóa Travel og Selasetur Íslands vinna nú að þróun á stafrænni miðlun upplýsinga um Vatnsnes, ásamt því að hanna og bjóða upp á samsettar hópaferðir á svæðinu. Verkefnið hlaut nýverið styrk úr evrópska PHOENIX 4.0 verkefninu, sem m.a. er stýrt af Íslenska ferðaklasanum.

Við sögðum frá því í gær að undirskriftasöfnun til stuðnings sundlauginni væri komin í gang og er skemmst frá að segja að hún hefur fengið fljúgandi start en þegar þetta er skrifað hafa 877 manns sett nafn sitt við undirskriftasöfnunina.

Hitastigið hefur heldur risið síðan í gær. Samkvæmt veðurspá verður hæg suðaustlæg átt á Norðvesturlandi í dag. Hugsanlega verða smá skúrir, aðallega til fjalla. Vegir eru greiðfærir þó segir Vegagerðin að hálkublettir séu á Vatnskarði og Öxnadalsheiði. Allar líkur eru þó á að þeir hverfi er líður á morguninn.

Feykir birti í gær mánudag frétt um fyrirhugaða lokun endurhæfingarsundlaugarinnar við heilbrigðisstofnunina á Sauðárkróki. Í sögu Feykis hafa fáar fréttir fengið meiri viðbrögð. Fólki í Skagafirði er greinilega ekki sama og hafa fjölmargir velunnarar laugarinnar stigið fram og lýst yfir óánægju sinni með fyrirhugaða lokun en hún á að vera liður í sparnaði og niðurskurði vegna hallareksturs HSN.

Um þessar mundir eru 5 ár síðan að Silfrastaðakirkja var tekin að grunni sínum og flutt til Sauðárkróks þar sem að hún hefur verið síðan í viðgerð. Í vor voru sóknarbörnin í Silfrastaðasókn heldur en ekki glöð því boðað var að kirkjan yrði flutt heim um mitt sumar.

Það virðist kannski ekki vera þannig meðan á þeim stendur en unglingsárin eru einstök og móta okkur á svo margan hátt. Vinskapur og alls konar dellur sem við uppgötvum á þessum árum fylgja okkur í gegnum lífið. Mörg okkar hafa til dæmis fallið fyrir einhverri hljómsveit á þessum árum og þær fylgja okkur endalaust; hvort sem það er nú Duran, Wham! eða já, U2. Um þessar mundir er hljómsveitin U2 að halda upp á 50 ára afmæli sitt og tónlistarnördar keppast við að búa til playlista og hampa þeim félögum; Bono, The Edge, Adam Clayton og Larri Mullen Jr. Feykir ákvað að taka þátt í þessu giggi og lagði nokkrar góðar spurningar fyrir einn helsta aðdáenda U2 á þessum slóðum, Áskel Heiðar Ásgeirsson, tónleikahaldara og háskólakennara með meiru.

Drangey SK 2 kom til löndunar við Sauðárkrókshöfn 5. október með tæp 147 tonn af fiski en þar af voru 131 tonn af þorski og mun minna í öllum öðrum tegundum. Í frétt á vef FISK Seafood segir að Drangey hafi verið á veiðum fyrir norðan Kolbeinsey, á Litlahrygg og Ostahrygg og að sögn Ágústs Óðins Ómarssonar skipstjóra var ágætis þorskveiði þar og fínt veður nema um miðja vikuna þegar kom smá bræla úr suð-austri.

morgun Heilahjálp – samtök um heilabilun (áður Alzheimersamtökin) bjóða til opinnar fræðslu um heilabilun, góð samskipti og stuðning við aðstandendur á Sauðárkrók og Hvammstanga í vikunni. Í Húsi Frítímans á Sauðárkrók þriðjudaginn 6. október kl. 17:30 og í safnaðarheimilinu á Hvammstanga miðvikudaginn 7. október kl. 17:00. Aðgangur er ókeypis og öll áhugasöm velkomin.