Mannlíf

Lítill túnfífill hefur tekið sér bólfestu á svölunum á Kjarnanum á Sauðárkróki. Kannski ekki stærsta fréttin þessa dagana, og þó.

Eins og komið hefur fram eru hinsegin dagar í Skagafirði í gangi þessa viku og líkur á sunnudaginn. Sjá má hinsegin fána og flögg víða um fjörðinn.

Sveitafélagið Skagafjörður tilkynnti fyrr í dag, mánudaginn 10. ágúst, að fræðslunefnd og sveitarstjórn hafa samþykkt breytingar á reglum um leikskólastarf í sveitarfélaginu og taka þær gildi frá og með deginum í dag. Breytingarnar koma til vegna vaxandi óánægju á meðal foreldra/forráðamanna og starfsfólks skólans með fyrirkomulag skráningardaga og gjaldskrá. Um er að ræða aðgerðir sem innleiddar voru árið 2024 til þess að bregðast við áskorunum í starfsmannahaldi og sporna við neikvæðum áhrifum á faglegt starf og starfsþróun leikskólanna.

Víða á túnum meðfram þjóðvegum landsins má sjá uppstilltar heyrúllur með skilaboðum um verðandi kosningar um aðildarviðræður að ESB. Eitthvað ber á að reynt sé að eiga við boðskapinn eftir á og er það auðvitað ekki lögum samkvæmt heimilt að fara leyfislaust inn á eignarlönd annarra. Erla Jónsdóttir á Skagaströnd segir svo frá á facebook síðu sinni:

Formaður Hollvinasamtaka HSB fékk heldur betur góða heimsók þann 5. ágúst síðastliðinn. Þarna voru mættar þær Ingibjörg á Auðólfsstöðum formaður Kvenfélags Bólstaðarhlíðarhrepps og Guðrún á Auðkúlu formaður Kvenfélags Svínavatnshrepps. Afhentu þær Sigurlaugu Þóru gjafabréf að upphæð kr: 737.800 upp í kaup á höggbylgjutæki í aðstöðu sjúkraþjálfara.

Skráningu í fjallahlaupið Molduxi trail líkur á miðnætti í kvöld, fimmtudaginn 6. ágúst. Hlaupið sjálft er á morgun, föstudaginn 7. ágúst og mun það hefjast kl. 17:00 fyrir þá keppendur sem ætla sér 20 km em kl. 18:00 fyrir 12 km hlauparana. Rásmarkið er fyrir aftan heimavist fjölbrautaskólans en þar er líka komið í mark þannig bæjarbúar og aðrir gestir eru hvött til þess að kíkja við og styðja hlauparana áfram. 

Á heimasíðu Húnaþings vestra kom fram að á 1283. fundi byggðarráðs úthlutaði ráðið styrkjum úr Húnasjóði en fundurinn fór fram 20. júlí síðastliðinn. Í ár bárust níu umsóknir og uppfylltu sjö þeirra skilyrði til úthlutunar. Styrkirnir hljóðuðu upp á kr. 100.000 hver.

Kynslóðirnar kepptu saman að því að ná besta tímanum í tröppuspretti á Unglingalandsmótinu síðastliðinn laugardag en þátttakendur voru frá fimm ára aldri og upp í 64. Brattar tröppurnar upp á Nafirnar ofan við íþróttasvæðið eru 163 talsins eða næstum jafnmargar þátttakendunum, sem voru 143. Sigurvegarinn reyndist Haukur Skúli Óttarsson, ungur og sprækur keppandi úr Eyjafjarðarsveit, en hann fór Klaufaganginn á 21,73 sekúndu sem er nú eiginlega fáránlega góður tími.

Það er runninn upp lokadagur Unglingalandsmótsins á Sauðárkróki og ekki væsir um keppendur og gesti veðrið hefur heldur betur verið með þeim í liði, aðeins á föstudaginn sem dimmt var yfir og þokuloft en annars bara glampandi sól og nauðsynlegur norðanandvari til kælingur. Að sögn Pálínu Óskar í móttstjórn hefur mótshaldið gengið ljómandi vel og skráningar í allar greinar skilað sér vel. Hún segir gleðilegt að þátttaka sé góð í öllum greinum og sömuleiðis í þeirri afþreyingu sem boðið er upp á.

Ungmennafélagið Fram á Skagaströnd hefur fengið 733 þúsund króna styrk frá Umhverfis- og orkustofnun til strandhreinsunar. Húnahornið segir frá því að stofnunin úthlutaði styrkjum nýverið til 18 verkefna en umsóknir voru 24 talsins. Heildarfjárhæð styrkjanna er tæplega 30 milljónir króna og eru þeir veittir á grundvelli aðgerðar 17 í aðgerðaráætlun umhverfis- og auðlindaráðuneytisins í plastmálefnum Úr viðjum plastsins. Sjá má alla styrkthafa hér.