Mannlíf

Þá er gleðihelgin mikla að detta á. Að venju hefst partíið á föstudagskvöldinu með sýningu í reiðhöllinni Svaðastöðum þar sem menn og hestar sýna sig og sjá aðra. Réttin sjálf er svo laugardaginn 26. sept. en þangað hefur komið hátt í 3.000 manns síðustu ár til að sjá falleg hross, kynnast þessari skemmtilegu menningu og hitta mann og annan og hafa gaman saman.

Vakin er athygli á því að á næstu dögum verða settar upp tímabundnar götuþrengingar vegna gatnaframkvæmda á Sauðárkróki. Framkvæmdir fara fram við Aðalgötu 9, Skagfirðingabraut 23, Hólaveg 8, Melatún og smábátahöfnina.

Á vefsíðunni tia.is sem er heimasíða Tíunnar sem Bifhjólaklúbbur Norðuramts og er hollvinafélag Mótorhjólasafns Íslands á Akureyri er þessa skemmtilegu frétt að finna: Flagghjól Honda verksmiðjanna, farskjóti húnvetnskra hjóna. „Skagstrendingur kaupir Gullvæng.“

Það var mikið um að vera í íþróttahúsinu á Sauðárkróki um liðna helgi þegar Atvinnulífssýning Skagafjarðar var haldin. Það er talsvert handtak að koma svona sýningu upp en sýnendur voru 42 og voru rúmlega 100 manns á þeirra vegum starfandi yfir helgina samkvæmt því sem Hugi Halldórsson verkefnisstjóri fræddi blaðamann um. Við það bættist fjöldi starfsmanna sveitarfélagsins sem komu að ýmsum verkum við uppsetningu sýningarinnar.

Á Facebook síðu Skagafjarðarveitna kemur fram að vinningshafi er fundinn í mjög svo krefjandi getraun sem veiturnar stóðu fyrir á atvinnulífsýningunni 2026 sem haldin var í íþróttahúsinu á Sauðárkróki dagana 19. og 20. september var Kristján Leó Steinsson.

Feykisliðar ráku augu í það í einni af fjölmörgum yfirreiðarferðum um grösugar grundir Fésbókarinnar að góðborgarar í Félagi eldri borgara í Húnaþingi vestra höfðu brugðið undir sig betri fótunum og skellt sér í ferðalag fyrir Skaga. Það var því ákveðið að hafa samband við góðvin Feykis, Guðmund Hauk Sigurðsson á Hvammstanga, og kanna hvort hann væri ekki reiðubúinn til að segja frá og jafnvel senda nokkrar myndir. Það klikkaði ekkert á þeim bænum og afraksturinn er hér á opnunni.

Íslenska kvikmyndahátíðin í Reykjavík (RIFF) verður sett nk. fimmtudag, 24. september, í Háskólabíói Í Reykjavík. Menningarmálaráðherra, Logi Einarsson, setur hátíðina formlega við hátíðlega athöfn og að henni lokinni verður sýnd opnunarmynd hátíðarinnar, heimildamyndin Hinsta ferðin á K2. Skagfirðingurinn og kvikmyndagerðarmaðurinn Árni Gunnarsson hjá Skottafilm frumsýnir tvær myndir á hátíðinni; annars vegar Veg 75 um Tröllaskarð - Álög Grímu og hins vegar Ævintýri á hestbaki.

Á Mannskaðahóli á Höfðaströnd í Skagafirði búa Bjarni Salberg Pétursson og Sunna Dís Bjarnadóttir ásamt börnum sínum Árnýju Birtu 8 ára, Halldóri Helga 6 ára og Þorbjörgu Evu 1 árs. Bjarni og Sunna eru bæði búfræðingar frá Hvanneyri. Bjarni og Sunna keyptu jörðina af foreldrum Sunnu 2018. Jörðin er u.þ.b. 400 ha. Túnin 75 ha. Feykir náði Bjarna í spjall.

Atvinnulífssýning Skagafjarðar hófst í morgun en hún fer fram dagana 19.–20. september í Íþróttahúsinu á Sauðárkróki. Opið er á laugardaginn og sunnudaginn kl. 10:00–17:00. Á dagskránni eru áhugaverðar kynningar, erindi, pallborðsumræður og tónlistaratriði alla helgina.

Nemendur sem tóku þátt í ungmennaþingi Barnaheilla á Norðurlandi vestra, sem fram fór í bóknámshúsi FNV á Sauðárkróki, kalla eftir meiri kynfræðslu og opnara samtali um náin sambönd og ofbeldi meðal unglinga. Í frétt á vef SSNV segir að um 75 ungmenni úr 10. bekk frá öllum sex grunnskólum á Norðurlandi vestra og Fjölbrautaskólanum á Norðurlandi vestra tóku þátt í vinnustofunni, þar sem þátttakendur voru beðnir um að miðla sinni reynslu og upplifun.