Mannlíf

Feykir birti í gær mánudag frétt um fyrirhugaða lokun endurhæfingarsundlaugarinnar við heilbrigðisstofnunina á Sauðárkróki. Í sögu Feykis hafa fáar fréttir fengið meiri viðbrögð. Fólki í Skagafirði er greinilega ekki sama og hafa fjölmargir velunnarar laugarinnar stigið fram og lýst yfir óánægju sinni með fyrirhugaða lokun en hún á að vera liður í sparnaði og niðurskurði vegna hallareksturs HSN.

Um þessar mundir eru 5 ár síðan að Silfrastaðakirkja var tekin að grunni sínum og flutt til Sauðárkróks þar sem að hún hefur verið síðan í viðgerð. Í vor voru sóknarbörnin í Silfrastaðasókn heldur en ekki glöð því boðað var að kirkjan yrði flutt heim um mitt sumar.

Það virðist kannski ekki vera þannig meðan á þeim stendur en unglingsárin eru einstök og móta okkur á svo margan hátt. Vinskapur og alls konar dellur sem við uppgötvum á þessum árum fylgja okkur í gegnum lífið. Mörg okkar hafa til dæmis fallið fyrir einhverri hljómsveit á þessum árum og þær fylgja okkur endalaust; hvort sem það er nú Duran, Wham! eða já, U2. Um þessar mundir er hljómsveitin U2 að halda upp á 50 ára afmæli sitt og tónlistarnördar keppast við að búa til playlista og hampa þeim félögum; Bono, The Edge, Adam Clayton og Larri Mullen Jr. Feykir ákvað að taka þátt í þessu giggi og lagði nokkrar góðar spurningar fyrir einn helsta aðdáenda U2 á þessum slóðum, Áskel Heiðar Ásgeirsson, tónleikahaldara og háskólakennara með meiru.

Drangey SK 2 kom til löndunar við Sauðárkrókshöfn 5. október með tæp 147 tonn af fiski en þar af voru 131 tonn af þorski og mun minna í öllum öðrum tegundum. Í frétt á vef FISK Seafood segir að Drangey hafi verið á veiðum fyrir norðan Kolbeinsey, á Litlahrygg og Ostahrygg og að sögn Ágústs Óðins Ómarssonar skipstjóra var ágætis þorskveiði þar og fínt veður nema um miðja vikuna þegar kom smá bræla úr suð-austri.

morgun Heilahjálp – samtök um heilabilun (áður Alzheimersamtökin) bjóða til opinnar fræðslu um heilabilun, góð samskipti og stuðning við aðstandendur á Sauðárkrók og Hvammstanga í vikunni. Í Húsi Frítímans á Sauðárkrók þriðjudaginn 6. október kl. 17:30 og í safnaðarheimilinu á Hvammstanga miðvikudaginn 7. október kl. 17:00. Aðgangur er ókeypis og öll áhugasöm velkomin.

Í skilaboðum á Facebook-síðu Hólaneskirkju á Skagaströnd er sagt frá því að Birgir Már Friðriksson hafi komið færandi hendi í sunnudagaskólann í kirkjunni síðastliðinn sunnudagsmorgun.

Það er Bjarkey Dalrós Rúnarsdóttir sem er flippaðasti nemandi vik-unnar þar sem Feykir spyr nem-endur FNV nokkurra vel valinna spurninga. Hún býr á Grindum í Deildardal í austanverðum Skaga-firði og hefur búið þar nánast alla tíð. „Ég bjó á Hofsósi þar til ég varð átta mánaða,“ segir Bjarkey brosandi.

Það var fjör í Árskóla á Sauðárkróki á dögunum og örugglega einhverjir á Króknum rekið augun í danska fánann sem var flaggað við skólann og kannski klórað sér í kollinum af því tilefni. „Við fengum gesti frá Højelse skole, sem er vinaskóli Árskóla. Það komu 25 nemendur og fjórir kennarar,“ sagði Elenóra Jónsdóttir verkefnastjóri í Árskóla þegar Feykir forvitnaðist um samskipti milli 10. bekkjar Árskóla og skólans í Köge í Danmörku.

Seinni partinn í gær var haldið hóf í Landsbankanum við Suðurgötuna á Króknum og við það tækifæi var tilkynnt um útibússtjóraskipti. Birgir R Rafnsson hefur nú látið af störfum eftir 16 ár í Landsbankanum og 42 ár í bankastörfum og Helgi Freyr Margeirsson sem starfað hefur í útibúinu á Sauðárkróki í rúm 17 ár sem viðskiptastjóri fyrirtækja er tekinn við af honum sem útibússtjóri. Feykir lagði örfáar spurningar fyrir Helga.

Þingmenn Norðvesturkjördæmis hafa verið á ferð um svæðið að undanförnu og fundað víða með heimamönnum og þar á meðal var fundað með sveitarstjórn Sveitarfélagsins Skagastrandar miðvikudaginn 30. september sl. Fundurinn fór fram í aðstöðu Atwork á Skagaströnd.